Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 66/2002 por instancia de Manuel Rosende Alvariño contra Manuel Benito Viloria Fernández sobre despedimento nos que recaeu sentencia con data 23-4-2002 que copiada nos particulares necesarios di así:
Dictamino:
«Que estimando a demanda promovida por Manuel Rosende Alvariño contra Manuel Benito Viloria Fernández debo declarar e declaro improcedente o despedimento efectuado ó demandante e así mesmo extinguida a relación laboral que unía os litigantes ó día de hoxe, condenando á demandada a estar e pasar pola anterior declaración e o aboamento da cantidade de 5.516,74 euros en concepto de indemnización, e os salarios deixados de percibir desde a data do despedimento ata esta resolución, que ascenden á suma de 3.085,13 euros. Así, por esta miña sentencia, contra a que poderá recorrerse en suplicación perante a Sala do Social do Tribunal Superior de Xustiza de Galicia no prazo de cinco días contados desde o seguinte á súa notificación, anunciando o propósito de presentalo mediante comparecencia ou por escrito, é indispensable que ó tempo de anuncialo o recorrente, se é empresario, exhiba diante deste xulgado do social o xustificante acreditativo de ter depositado no Banco de Bilbao Vizcaya,
oficina principal desta cidade, na conta corrente deste xulgado, número 5605, clave 60 a cantidad obxecto de condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, sen este requisito non poderá terse por anunciado o recurso e quedará firme a sentencia, debendo consignar ademais a cantidade de 150,25 euros na mesma conta, clave 65, entregándose o xustificante na secretaría ó tempo de interpoñe-lo recurso declarándose este desistido de non constituírse o dito depósito na forma indicada, definitivamente xulgando en primeira instancia, pronúncioo, mándoo e asínoo».
E para que conste, para efectos da súa publicación no Diario Oficial de Galicia, co fin de que sirva de notificación á empresa Manuel Benito Viloria Fernández, expido e asino esta cédula na Coruña, 29 de abril de 2002.
O secretario xudicial
Rubricado