Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño:
En autos seguidos perante este Xulgado do Social, tramitados baixo o nº 180/2002 por instancia de Isidoro Salgueiro Giadas, contra a empresa Construcciones Drua, S.L., intervindo o Fogasa, sobre despedimento, dictouse a seguinte sentencia:
«A Coruña, 26 de abril de 2002.
Jorge Hay Alba, maxistrado xuíz do Social número dous desta cidade, viu os presentes autos de xuízo nº 180/2002, seguidos por instancia de Isidoro Salgueiro Giadas, maior de idade, asistido polo letrado Antonio Pousa Meréns, contra a empresa Construcciones Drua, S.L., que non compareceu nos autos, e Fogasa, representado e asistido pola letrada Enma Pérez Díez del Corral, sendo o obxecto da reclamación despedimento.
Seguen feitos e fundamentos de dereito.
Decido que estimando a demanda interposta por Isidoro Salgueiro Giadas, intervindo o Fogasa, debo declarar e declaro improcedente o despedimento efectuado pola empresa Construcciones Drua, S.L., condenando a demandada a que no prazo de cinco días desde a data da notificación da sentencia, opte entre a readmisión inmediata do demandante nas mesmas condicións que posuía con anterioridade, ou o aboamento dunha indemnización de 254,10 euros máis, en ámbolos casos, ó aboamento dos salarios de tramitación desde a data do despedimento ata a notificación da presente resolución, que ascende a 33,88 euros diarios.
Notifíqueselles esta resolución ás partes, ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo
de cinco días contado a partir da notificación desta sentencia, e no propio termo, se o recorrente non goza do beneficio da xustiza gratuíta, deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade, co número de conta 5603, clave 60, facendo constar no ingreso o número do expediente.
E así mesmo deberá, no momento de interpo-lo recurso, consigna-la cantidade de 150,25 euros en concepto de depósito, na clave 65 da citada conta e expediente.
Así, por esta miña sentencia, definitivamente xulgando en primeira instancia, pronúncioo, mándoo e asínoo».
E para que sirva de notificación á empresa Construcciones Drua, S.L., que ten o seu enderezo descoñecido, mediante a súa publicación no Diario Oficial de Galicia, expido e asino esta cédula na Coruña, 26 de abril de 2002.
O secretario xudicial
Rubricado