Visto o texto do convenio colectivo da empresa Aludec Ibérica, S.A., con nº de código 3603562, que tivo entrada nesta delegación provincial o día 12-4-2002, subscrito en representación da parte económica por unha representación da empresa, e da parte social, polo comité de empresa, en data 27-3-2002. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primero.-Ordena-la súa inscrición no libro de rexistro de convenios colectivos de traballo, existente nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 25 de abril de 2002.
Antonio Coello Bufill
Delegado provincial de Pontevedra
I convenio colectivo da empresa
Aludec Ibérica, S.A.
Artigo 1º.-Ámbito de aplicación.
Este convenio colectivo de ámbito empresarial, que é obxecto de subscrición entre a representación da empresa Aludec Ibérica, S.A. e a representación dos traballadores, regula as relacións laborais dos traballadores que actualmente e no futuro presten os seus servicios para esta empresa por contrato laboral subscrito con ela, e no centro de traballo que a empresa Aludec Ibérica, S.A. ten en actividade na cidade de Vigo, provincia de Pontevedra.
Artigo 2º.-Vixencia e denuncia do convenio.
1. A vixencia temporal deste convenio colectivo será desde o día da súa publicación no boletín oficial correspondente, e en todo caso a partir dun prazo de quince días desde a súa sinatura. A súa duración será ata o día trinta e un de decembro do ano 2004 (31-12-2004).
2. Os efectos económicos deste convenio retrotraeranse ó día un de xaneiro do 2002, salvo naqueles conceptos en que se dispoña outra cosa.
En consecuencia, este convenio manterá a súa vixencia durante os anos 2002, 2003 e 2004.
3. De conformidade coa lexislación vixente, expresamente se pacta que este convenio non precisa denuncia previa para o cesamento da súa vixencia o día 31 de decembro do ano 2004, comprometéndose ámbalas partes a comeza-los trámites de negociación para un novo convenio polo menos con tres meses de antelación a esta data.
Artigo 3º.-Vinculación á totalidade.
As condicións laborais, económicas e de toda orde pactadas neste convenio forman un todo orgánico e indivisible e, para efectos da súa aplicación práctica, serán consideradas globalmente.
Artigo 4º.-Garantías persoais.
Respectaranse a título individual as condicións de traballo que fosen superiores ás establecidas neste convenio, consideradas no seu conxunto e en cómputo anual.
Artigo 5º.-Organización do traballo.
1. Correspóndelle á dirección da empresa, como unha facultade e responsabilidade inherente a ela, a dirección, organización e control do traballo, respectándose en todo momento o establecido na lexislación vixente e neste convenio colectivo. Ó comité de empresa -en diante, os representantes do persoal correspóndelle a función de presentar ante a dirección da empresa os informes e as propostas que estimen oportunos.
2. Os representantes do persoal serán informados pola dirección da empresa das decisións relevantes que esta adopten en materia de organización do traballo, de conformidade coas facultades e competencias que a lei lles atribúe a tales representantes nesta materia.
3. A organización do traballo ten por obxecto alcanzar na empresa un nivel adecuado de productividade baseado na utilización óptima dos recursos humanos e materiais, para o que se manterá unha actitude activa e responsable entre as partes, dirección e traballadores.
Artigo 6º.-Ingresos na empresa.
1. O ingreso dos traballadores axustarase ás normas legais xerais sobre colocación e ás especiais para traballadores maiores de corenta e cinco anos, discapacitados, etc.
2. A empresa comunicaralles ós representantes dos traballadores o posto ou postos de traballo que hai que cubrir, condicións que deben reuni-los aspirantes, probas de selección e documentación que deben presenta-los aspirantes. Os representantes dos traballadores poderán emitir informes ó respecto e velarán pola súa aplicación obxectiva, así como pola non discriminación da muller no ingreso no cadro de persoal.
3. Terán dereito preferente ó ingreso, en igualdade de méritos, os que desempeñasen ou desempeñen funcións na empresa con carácter eventual en calquera das súas modalidades. Terán preferencia as persoas do xénero menos representado no grupo profesional de que se trate.
Artigo 7º.-Período de proba.
1. O ingreso dos traballadores considerarase feito a título de proba, e o seu período será variable segundo a índole dos postos que se vaian cubrir e que en ningún caso poderá exceder do tempo fixado na seguinte escala:
-Grupos profesionais 8 e 7, seis meses.
-Grupos profesionais 6 e 5, catro meses.
-Grupos profesionais 4 e 3, tres meses.
-Grupos profesionais 2, dous meses.
-Grupo profesional 0 e 1, un mes.
2. O período de proba deberá constar por escrito, e durante este a empresa e o traballador poderán resolver libremente o contrato sen prazo de aviso previo e sen dereito a ningunha indemnización.
3. Cando o traballador que se encontre realizando o período de proba non o supere, a dirección da empresa estará obrigada a comunicárllelo ós representantes dos traballadores.
4. Transcorrido o período de proba, o traballador ingresará no cadro de persoal con tódolos dereitos inherentes ó seu contrato e ó convenio colectivo. A situación de incapacidade temporal interromperá o cómputo deste período, que seguirá partir da data da incorporación efectiva ó traballo.
5. Os cursos de capacitación dados pola empresa serán considerados para tódolos efectos como tempo do período de proba.
Artigo 8º.-Contratación.
1. Os traballadores clasifícanse en: fixos, contratados por tempo determinado, eventuais, interinos e contratados a tempo parcial, para a formación e en prácticas. Así mesmo, poderá realizarse calquera tipo de contrato de traballo con modalidade recollida na lexislación laboral vixente en cada momento. As relacións laborais serán prioritariamente de carácter indefinido.
2. Os traballadores contratados por tempo determinado e a tempo parcial terán os mesmos dereitos e igualdade de trato nas relacións laborais que os demais traballadores do cadro de persoal, salvo as limitacións que deriven da natureza e duración do seu contrato.
3. Contratos en prácticas e para a formación: conforme a lexislación en cada momento vixente, poderán subscribirse contratos en prácticas e para a formación, dirixidos a favorece-lo adestramento profesional e formación do traballador contratado.
4. Contratos de obra ou servicio: co fin de potencia-la utilización das modalidades de contratación previstas pola lei, e reducir no posible a utilización de formas de contratación externas ás empresas, particularmente as empresas de traballo temporal, poderase facer uso pola empresa do contrato de obra ou servicio determinado recollido no artigo 15.1º do Estatuto dos traballadores. Este contrato poderá cubrir todas aquelas tarefas ou traballos suficientemente diferenciados polo volume adicional de traballo que representan, que limitados no tempo e de duración previsible, estean directa ou colateralmente relacionados co proceso productivo da empresa. A empresa informará os representantes dos traballadores dos contratos desta natureza subscritos e da súa causa, especificando o número de traballadores afectados, grupo profesional que se asignará e duración prevista. Esta inclusión neste convenio non poderá entenderse en ningún caso como unha limitación á modalidade contractual prevista
no referido artigo 15.1º a) do Estatuto dos traballadores.
5. Os contratos de duración determinada por circunstancias do mercado, acumulación de tarefas ou exceso de pedidos, poderán ter unha duración máxima de doce meses dentro dun período de dezaoito meses.
6. Para os efectos de reducir no posible a contratación por medio de empresas de traballo temporal, a empresa asume o compromiso de reducir durante a vixencia deste convenio esta forma de contratación, de modo que ó termo da vixencia deste convenio a porcentaxe de traballadores contratados por medio de ETT non supere o 15% do total do cadro de persoal -computándose como cadro de persoal da empresa os traballadores con relación laboral
directa, ben con contrato indefinido ben con calquera outra modalidade de contrato de traballo (duración determinada, eventuais, contratos formativos, etc.).
Artigo 9º.-Pluriemprego.
1. As partes asinantes deste convenio consideran conveniente contribuír a erradica-lo pluriemprego como regra xeral.
2. Para estes efectos, a empresa comprométese a non contratar en réxime de pluriemprego ou xornada reducida a aqueles traballadores que dispoñan doutra ocupación retribuida por xornada completa e non a tempo parcial, salvo circunstancias excepcionais das que en su caso se deberá informa-los representantes dos traballadores e obterse a aprobación por parte destes. Así mesmo, para o seu control, a empresa daralles a coñecer ós representantes de persoal os documentos de cotización á Seguridade Social.
Artigo 10º.-Cesamentos voluntarios.
1. Os traballadores que desexen cesar voluntariamente no servicio da empresa estarán obrigados a poñelo no seu coñecemento, cumprindo os seguintes prazos de aviso previo:
-Grupo profesional 7 e 8: dous meses.
-Grupo profesional 4, 5 e 6: un mes.
-Grupo profesional 0, 1, 2 e 3: quince días.
2. O incumprimento por parte do traballador da obriga de avisar coa indicada antelación, dará dereito á empresa a descontar da súa liquidación o importe do salario dun día por cada día de atraso no aviso. Así mesmo, se o traballador cumpre coa súa obriga de avisar, a empresa estará obrigada a liquidar ó finaliza-lo prazo de aviso os conceptos fixos que poidan ser calculados en tal momento. O incumprimento desta obriga imputable á empresa levará aparellado o dereito do traballador a ser indemnizado co importe dun día por cada día de atraso na liquidación, co límite de días do aviso. Non existirá esta obriga, e por conseguinte non nace este dereito se o traballador non avisou coa antelación debida.
Artigo 11º.-Clasificación profesional.
1. Os traballadores da empresa, en atención ás funcións que desenvolven e de acordo coas definicións que se especifican posteriormente, serán clasificados en grupos profesionais.
2. Para os efectos de obter unha máis razoable estructura productiva, sen mingua da dignidade, oportunidade de promoción e xusta retribución que corresponda a cada traballador, os postos de traballo e tarefas axustaranse ós grupos profesionais que se sinalan a continuación:
Grupo profesional 0: establécese este grupo profesional respecto daqueles traballadores que son contratados para a realizacipón de traballos segundo instruccións concretas, claramente establecidas, cun alto grao de dependencia, que requiren preferentemente esforzo físico e/ou atención e que carecen
de experiencia na actividade, sen que teñan máis coñecementos cós de nivel de formación elemental; neste grupo profesional unicamente poderá permanecer un traballador un prazo máximo de vintecatro meses -xa de forma ininterrompida ou descontinua por interrupcións da relación laboral, computándose para tales efectos calquera contrato laboral que o vinculase coa empresa, mesmo cando se producise interrupción na prestación de servicios por ter sido de natureza temporal-, prazo a partir do cal se ascenderá automaticamente ó grupo profesional 1.
Malia isto, co fin de reduci-lo período máximo de permanencia neste grupo profesional, acórdase que a partir do un de setembro do ano 2002, a permanencia no grupo profesional 0 só será de 18 meses máximo, percibíndose durante os seis primeiros meses o salario que entón correspondese ó primeiro ano, e durante os 12 meses seguintes -mes 7º ó 18º percibirá xa o salario previsto para o segundo ano. E a partir do un de xuño do ano 2003, a permanencia máxima no grupo 0 o será de tan só 12 meses, e o salario que se aplicará ó grupo 0 no ano 2004 será o que nese exercicio correspondería ó segundo ano.
En consecuencia, tanto en data 1 de setembro do ano 2002, como en data 1 de xuño do ano 2003, se realizarán as oportunas regularizacións respecto ó persoal que entón estea no grupo 0, conforme o establecido no punto anterior, computándoselles ós traballadores o tempo que nesas datas xa tivesen acumulado no citado grupo e ano -1º ou 2º- que corresponda para determinar qué grupo profesional e salario lles pasa a corresponder e desde qué data.
Grupo profesional 1: establécese este grupo profesional respecto daqueles traballadores que realizan traballos segundo instruccións concretas, claramente establecidas, con alto grao de dependencia, xeralmente de índole física e atención simple, con nivel de formación elemental, pero que reunen xa unha experiencia e antigüidade na empresa que xustifique o seu ascenso a este grupo.
Grupo profesional 2: traballadores que executan funcións que consisten en operacións realizadas seguindo un método de traballo preciso e concreto, con alto grao de supervisión, que normalmente esixen xa certos coñecementos profesionais e/ou experiencia no posto.
Grupo profesional 3: traballadores que realizan funcións consistentes na execución de operacións que, mesmo cando se realicen baixo instruccións precisas, requiren adecuados coñecementos profesionais e aptitudes prácticas e cunha responsabilidade xa menos limitada por unha supervisión directa e sistemática.
Grupo profesional 4: traballadores que realizan funcións de execución autónoma que esixan, habitualmente, iniciativa e razoamento, comportando a responsabilidade destas, sen prexuízo da súa supervisión por mandos superiores, podendo ser axudados
por outro ou outros traballadores baixo a coordinación dos cales actúen.
Grupo profesional 5: traballadores que realizan funcións de integrar, coordinar e supervisa-la execución de tarefas coa responsabilidade de ordena-lo traballo dun conxunto de colaboradores.
Grupo profesional 6: traballadores que realizan funcións que consisten en integrar, coordinar e supervisa-la execución de tarefas heteroxéneas coa responsabilidade de ordena-lo traballo dun conxunto de colaboradores, incluíndo a realización de tarefas complexas, pero homoxéneas que, mesmo sen implicar mando, esixen un alto contido intelectual, así como aquelas que consisten en establecer ou desenvolvar programas ou aplicar técnicas seguindo instruccións xerais.
Grupo profesional 7: inclúe as funcións que consisten na realización de actividades complexas, con obxectivos definidos e con alto grao de esixencia nos factores de autonomía e responsabilidade, dirixen normalmente un conxunto de funcións que comportan unha actividade técnica ou profesional especializada.
Grupo profesional 8: inclúense neste grupo aqueles postos que requiren un alto nivel de autonomía, coñecementos profesionais e responsabilidades, que se exercen sobre un ou varios sectores da empresa, partindo de directrices xerais moi amplas, debendo dar conta da súa xestión a algunha das persoas que desempeñe postos de dirección ou xerencia.
Á marxe dos anteriores grupos profesionais, prestan os seus servicios para a empresa aquelas persoas que desenvolven xa funcións de dirección e xestión empresarial, dependentes unicamente -ou integrantes dos órganos de administración social, con relación laboral tipificable como especial de alta dirección, non recollidos como traballadores con relación laboral ordinaria coa empresa.
2. As máis completas definicións dos grupos profesionais recóllense no convenio xeral de industrias químicas, de ámbito nacional.
Artigo 12º.-Mobilidade funcional.
1. Poderá levarse a cabo unha mobilidade funcional no interior dos grupos profesionais, cando isto non implique traslado de localidade. Exercerán de límite para esta os requisitos de idoneidade e aptitude necesarios para o desempeño das tarefas que se lle encomenden a dito traballador. De non producirse os anteriores requisitos, a empresa formará ó traballador adecuadamente para posibilita-la mobilidade funcional.
2. Ós traballadores obxecto de tal mobilidade seranlles garantidos os seus dereitos económicos e profesionais de acordo coa lei.
3. Os representantes legais dos traballadores serán informados acerca das decisións adoptadas pola dirección da empresa en materia de mobilidade funcional, así como da xustificación ou causa destas, e a empresa estará obrigada a facilitala.
Artigo 13º.-Traballos de distinto grupo profesional.
1. A empresa, en caso de necesidade, poderá destina-los traballadores a realizar traballos de distinto grupo profesional ó seu, reintegrándose ó traballador ó seu antigo posto cando cese a causa que motivou o cambio.
2. Cando se trate dun grupo superior, este cambio non poderá ser de duración superior a seis meses ininterrompidos, salvo os casos de substitución por servicio militar, enfermidade, accidente de traballo, licencias, excedencia especial e outras causas análogas, caso no que se prolongará mentres subsistan as circunstancias que a motivasen. A retribución, mentres se desempeña traballo de grupo superior, será a correspondente a este.
3. Cando se trate dun grupo inferior, esta situación non poderá prolongarse por período superior a dous meses ininterrompidos. Non obstante, este prazo poderá prolongarse se así se acorda expresamente entre a empresa e os representantes dos traballadores con base en razóns excepcionais que o xustifiquen e coa previsión de medidas para resolve-lo problema presentado. En todo caso o traballador conservará a retribución correspondente a su grupo de orixe, salvo que o cambio se producise por petición do traballador, caso no que o seu salario se condicionaría segundo o novo grupo profesional. En ningún caso o cambio de grupo poderá implicar menoscabo da dignidade humana. Evitarase reitera-lo traballo de grupo inferior cun mesmo traballador.
4. Nos casos de traballadores adscritos con carácter forzoso a un grupo profesional inferior, por exceso de cadro de persoal, deberán ser reintegrados ó grupo de orixe en canto existan vacantes do seu grupo.
5. Os traballadores remunerados a obra feita ou primas, que supoñan a percepción de complementos especiais de retribución, non poderán ser adscritos a outros traballos de distinto réxime, salvo cando mediasen causas de forza maior ou as esixencias técnicas da explotación o requirisen.
Artigo 14º.-Réxime de ascensos.
1. O ascenso dos traballadores a tarefas ou postos de traballo que impliquen mando ou confianza, tales como poidan se-las funcións realizadas polos xefes de sección, xefes de taller, xefes de almacén, directores técnicos, directores administrativos, dirección de vendas, serán de libre designación pola empresa.
2. Para o ascenso dos demais traballadores, a empresa establecerá un concurso-oposición con base nun sistema obxectivo, tomando como referencia as seguintes circunstancias: titulación adecuada, valoración académica, coñecemento do posto de traballo, historial profesional, ter desempeñado funcións de superior grupo profesional e superar satisfactoriamente as probas que para o efecto se establezan.
3. En relación coa promoción, terán prioridade aquelas persoas pertencentes ó sexo menos representado no grupo profesional do que se trate.
4. O sistema de valoración confeccionado pola dirección será obxecto preceptivamente dictaminado polos representantes dos traballadores. No suposto de que se producise desacordo por consideraren os representantes dos traballadores que o sistema carece de obxectividade, en reunión conxunta ámbalas partes tratarán de negociar unha solución concordada. Se a pesar disto fose materialmente imposible alcanza-lo acordo, quedará aberta ós traballadores a vía de reclamación ante a Inspección de Traballo ou ante a xurisdicción competente.
Artigo 15º.-Traslados.
1. Os traslados de persoal que impliquen a necesidade dun cambio de domicilio familiar para o afectado, poderán ter lugar por solicitude do interesado, caso no que, se a empresa acepta o traslado, non terá o traballador dereito a indemnización polos gastos que lle orixine o traslado.
2. Tamén poderán ter lugar por decisión da empresa cando as necesidades do traballo o xustifiquen, e logo de información ós representantes dos traballadores, caso no que o traballador terá dereito a que se lle respecten tódolos dereitos adquiridos, así como calquera outro que no futuro puidese establecerse. Así mesmo, salvo que cos representantes dos traballadores se estableza por acordo específico para ese suposto outro sistema de compensación, o trasladado terá dereito a percibir, logo de xustificación, o importe dos seguintes gastos: locomoción do interesado e os familiares que convivan con el, transporte do mobiliario, ropa e útiles, e unha indemnización en metálico igual a dous meses de salario real; ademais, se o traslado lle supón ó traballador, e así o xustifica, un necesario incremento da renda por aluguer de vivenda que viñese satisfacendo, en tal caso a empresa aboaralle a diferencia.
Notificada pola empresa a decisión do traslado, se o traballador optase pola rescisión do contrato, aplicarase o disposto na lexislación vixente.
Sen prexuízo da executividade do traslado, o traballador que non tendo optado pola extinción do contrato se amose desconforme coa decisión empresarial, poderá impugnala ante a xurisdicción competente.
Artigo 16º.-Sistema retributivo.
1. As retribucións do persoal comprendido neste convenio estarán constituídas polo salario base e os seus complementos.
O salario base é o SMG de cada grupo profesional. Para isto poderase proceder á absorción que sexa necesaria do complemento convenio. As cantidades que excedan deste SMG, se as houber, serán complemento convenio ata un límite, salvo pacto en contrario, do 35% do SMG correspondente, de modo que o complemento convenio exprese conceptos de retribución xeral para tódolos traballadores dun mesmo grupo profesional.
2. Calquera cantidade que se perciba en xornada ordinaria e a actividade normal, distinta a estes dous conceptos (SMG e complemento convenio) e ós complementos de antigüidade, quendas, nocturnidade, perigosidade e toxicidade, complemento de posto de traballo, constituirá o complemento persoal do traballador, integrante para tódolos efectos da masa salarial.
3. Non se poderá establecer un complemento persoal mentres non se esgote o complemento convenio ata o mencionado tope. Acada-lo mencionado complemento convenio de cada grupo profesional será obxectivo preferente da parte da reserva da masa salarial destinada ó axuste de abanos salariais.
4. Dada a adopción no seo desta empresa do sistema e estructura salarial así exposto, establécese tamén un prazo de catro meses para que se adapten os conceptos salariais do persoal e recibos de salarios ós conceptos que se establecen neste convenio, prazo que se computará desde a sinatura deste convenio e que tamén poderá ser prorrogado de mutuo acordo por ambas partes negociadoras se a complexidade de tal adaptación así o fai necesario.
Artigo 17º.-Acción positiva.
Para contribuír eficazmente á aplicación do principio de non discriminación e ó seu desenvolvemento baixo os conceptos de igualdade de condicións en traballos de igual valor, é necesario desenvolver unha acción positiva particularmente nas condicións de contratación, formación e promoción, de modo que en igualdade de condicións de idoneidade terán preferencia as persoas do xénero menos representado no grupo profesional.
Artigo 18º.-Pagamento de salarios.
1. O salario así establecido aboarase distribuído en doce mensualidades ordinarias máis dúas pagas extraordinarias completas, que se aboarán como data límite o día 15 de xullo e o 15 de decembro de cada ano unha paga, e outra media paga extraordinaria, que se aboará o día 15 de marzo de cada ano; o pagamento realizarase mediante transferencia bancaria ou outra forma de pagamento que se coide máis conveniente, debendo procurarse que o aboamento en conta corrente ou libreta do traballador se produza dentro da mensualidade á que se corresponda o pagamento.
2. En canto ó pagamento de anticipos, aplicarase o disposto na lexislación vixente.
Artigo 19º.-Salario mínimo garantido.
1. Por este convenio asígnaselles ós traballadores, en xornada completa, o salario mínimo garantido que a continuación se sinala, en función do grupo profesional no que estea encadrado:
Grupo 0: durante o primeiro ano de vixencia de relación laboral: SMG de 8.315,33 E/ano (1.383.555 pesetas).
Durante o segundo ano de vixencia de relación laboral: SMG de 8.954,98 E/ano (1.489.983 pesetas).
Grupo 1: SMG de 10.146,99 E/ano (1.688.317 pesetas).
Grupo 2: SMG de 10.857,28 E/ano (1.806.499 pesetas).
Grupo 3: SMG de 11.770,50 E/ano (1.958.446 pesetas).
Grupo 4: SMG de 13.089,62 E/ano (2.177.929 pesetas).
Grupo 5: SMG de 14.915,63 E/ano (2.481.752 pesetas).
Grupo 6: SMG de 17.452,84 E/ano (2.903.908 pesetas).
Grupo 7: SMG de 21.207,19 E/ano (3.528.579 pesetas).
Grupo 8: SMG de 26.889,50 E/ano (4.474.038 pesetas).
2. O SMG estará composto pola totalidade dos conceptos retributivos que percibirán os traballadores da empresa, en actividade normal ou habitual en traballos non medidos, sen que se inclúan no SMG os seguintes conceptos:
Antigüidade, complemento de quendas, nocturnidade, e complementos de posto de traballo ou incentivos, nin tampouco o complemento de transporte.
3. En todo caso, o salario que os traballadores da empresa viñan percibindo no ano 2001, será incrementado neste ano 2002 nunha porcentaxe dun 2,7%.
4. Á súa vez, o SMG correspondente ó segundo ano de vixencia do convenio, sufrirá un aumento coincidente co IPC previsto polo Goberno para ese ano máis o 0,6%. Este incremento aplicarase tamén ó resto de conceptos económicos establecidos neste convenio salvo que se sinale especificamente outra cosa.
5. E o SMG correspondente ó terceiro ano de vixencia do convenio, sufrirá un aumento coincidente co IPC previsto polo Goberno para ese ano máis o 0,6%. Este incremento aplicarase tamén ó resto de conceptos económicos establecidos neste convenio salvo que se sinale especificamente outra cosa.
Artigo 20º.-Cláusula de revisión salarial para os anos 2002, 2003, e 2004.
1. No caso de que o índice de prezos ó consumo establecido polo INE rexistrase o 31 de decembro do ano 2002 un incremento respecto ó 31 de decembro de 2001 superior ó IPC previsto polo Goberno para ese ano (IPC previsto 2%), efectuarase unha revisión salarial tan pronto se constate oficialmente esta circunstancia no exceso sobre a indicada cifra. Isto non obstante, a revisión, no suposto de que corresponda co antes dito, non excederá, en ningún caso, do 0,3%. Tal incremento aboarase con efectos do 1 de xaneiro do ano 2002, no caso de que o IPC acumulado desde o 1 de xaneiro de 2002 superase xa a previsión do Goberno durante o primeiro semestre do ano 2002; e aboarase con efectos do 1 de xullo do ano 2002 se se supera o 2% a partir do mes de xullo; así mesmo o incremento resultante de ata 0,3 aplicarase para establece-las táboas salariais que serven de base de cálculo, para o incremento salarial do ano 2003.
2. No caso de que o índice de prezos ó consumo establecido polo INE rexistrase o 31 de decembro do ano 2003 un incremento respecto ó 31 de decembro de 2002 superior ó IPC previsto polo Goberno para ese ano, efectuarase unha revisión salarial tan pronto se constate oficialmente esta circunstancia no exceso sobre a indicada cifra. Isto non obstante, a revisión, no suposto de que corresponda co antedito, non excederá, en ningún caso, do 0,3%. Tal incremento aboarase con efectos do 1 de xaneiro do ano 2003, no caso de que o IPC acumulado desde o 1 de xaneiro de 2003 superase xa a previsión do Goberno durante o primeiro semestre do ano 2003; e aboarase con efectos do 1 de xullo do ano 2003 se se supera o IPC previsto a partir do mes de xullo; así mesmo o incremento resultante de ata 0,3 aplicarase para establece-las táboas salariais que serven de base de cálculo, para o incremento salarial do ano 2004.
3. No caso de que o índice de prezos ó consumo establecido polo INE rexistrase o 31 de decembro do ano 2004 un incremento respecto ó 31 de decembro de 2003 superior ó IPC previsto polo Goberno para ese ano, efectuarase unha revisión salarial tan pronto se constate oficialmente esta circunstancia no exceso sobre a indicada cifra. Isto non obstante, a revisión, no suposto de que corresponda co antedito, non excederá, en ningún caso, do 0,3%. Tal incremento aboarase con efectos do 1 de xaneiro do ano 2004, no caso de que o IPC acumulado desde o 1 de xaneiro de 2004 superase xa a previsión do Goberno durante o primeiro semestre do ano 2004; e aboarase con efectos do 1 de xullo do ano 2004 se se supera o IPC previsto a partir do mes de xullo; así mesmo o incremento resultante de ata 0,3 aplicarase para establece-las táboas salariais que serven de base de cálculo, para o incremento salarial do ano 2005.
Artigo 21º.-Antigüidade.
1. Os traballadores da empresa Aludec Ibérica, S.A. terán dereito a percibir un complemento de antigüidade, consistente en:
a) Para aqueles traballadores con relación laboral vixente coa empresa na data de sinatura do primeiro convenio colectivo de Aludec Ibérica, S.A., dado que se viña aplicando o devengo de dous trienios, por un importe cada un dun 5% sobre o salario base que percibía o traballador; e cinco quinquenios, consistentes nun importe do 10% sobre o salario base, se terminará de facer efectivo o réxime transitorio establecido no artigo 21.1.A do citado I convenio, que consiste en que este persoal continuou percibindo por réxime transitorio a suma que en concepto de antigüidade xa percibían antes da sinatura dese convenio; e ademais o trienio ou, de se-lo caso, quinquenio que á sinatura do I convenio estuviese -ou aínda estea actualmente devengando cada traballador, recoñeceráselle tamén con aplicación da mesma fórmula de cálculo indicada (tendo en conta a contía do concepto de salario base que lle figura na nómina do mes anterior á sinatura do I convenio); pero o
seguinte trienio, ou, de se-lo caso, quinquenio que lle corresponda devengar, será xa conforme o módulo de cálculo que se establece no artigo 21.I.B do I convenio, que a continuación se reproduce.
b) Para aqueles traballadores de nova contratación a partir da sinatura do I convenio, e para os trienios e quinquenios que devenguen os traballadores con relación laboral entón vixente -coa excepción do trienio ou quinquenio que entón estivesen devengando-, terase dereito en concepto de complemento de antigüidade ó devengo de trienios e quinquenios, quedando conxelada a súa base de cálculo nas seguintes contías:
Trienios: 13.050 pesetas/ano, 78,432 E/ano.
Quinquenios: 26.100 pesetas/ano, 156,864 E/ano.
En todo caso se aplicará o tope máximo de devengo de dous trienios e cinco quinquenios -para estes efectos computaranse os xa devengados por calquera sistema de cálculo-.
2. A estas bases de cálculo xa non se lles aplicarán os incrementos de convenio, nin os xa pactados no I convenio -incrementos xa non aplicados ata a data nin tampouco os incrementos que se pactan neste convenio para outros conceptos salariais, nin os que se pacten nos sucesivos convenios desta empresa, salvo que con ocasión da súa negociación acordasen as partes negociadoras outra cosa.
3. Estes módulos de cálculo son de aplicación unitaria para tódolos grupos profesionais.
Artigo 22º.-Complementos por toxicidade, perigosidade, penosidade e nocturnidade.
1. No suposto de haber un posto de traballo que implique toxicidade ou perigosidade, dará dereito ó traballador que o desempeñe e con respecto ó tempo real de prestación de servicios nese posto, ó percibo do correspondente complemento salarial. A determinación ou cualificación dun posto de traballo como penoso, tóxico ou perigoso farase por acordo entre a dirección da empresa e os representantes dos traballadores; en caso de desacordo, decidirá a autoridade laboral ou a xurisdicción competente.
2. O complemento salarial consistirá nun importe dun 10% (por cada un deles) sobre as bases seguintes:
Grupo 0 e grupo 1: 12,98 E/día; 2.159 pesetas/día.
Grupo 2: 13,90 E/día; 2.313 pesetas/día.
Grupo 3: 15,06 E/día; 2.505 pesetas/día.
Grupo 4: 16,76 E/día; 2.788 pesetas/día.
Grupo 5: 19,08 E/día; 3.174 pesetas/día.
Grupo 6: 22,34 E/día; 3.717 pesetas/día.
Grupo 7I: 27,15 E/día; 4.517 pesetas/día.
Grupo 8: 34,41 E/día; 5.726 pesetas/día.
3. Os traballadores que realicen o seu traballo nun horario comprendido na súa integridade ou parcialmente entre as 22 horas e as 6 horas da mañá,
percibirán un complemento de nocturnidade, que consistirá nunha bonificación sobre o seu salario base do 25% (respecto das horas concretas de traballo nocquenda realizado), salvo que expresamente se recolla xa no seu contrato de traballo a súa contratación para un traballo nocturno e se pacte nel unha retribución específica.
Artigo 23º.-Traballadores en réxime de quendas.
No caso daqueles traballadores que presten os seus servicios a quendas rotatorias, entendendo por tales aqueles que presten os seus servicios en quendas de oito horas cun horario que abranga de forma rotatoria tódolos días da semana, incluíndo sábados e festivos, e as 24 horas do día, o salario mínimo anual garantido incrementarase nun vinte por cento tomando como base o salario mínimo anual garantido do grupo profesional ó que pertenza. De acordo coa anterior definición, non se considerará como réxime de quendas que dea dereito a este complemento, a prestación de servicios de forma rotatoria unha semana en quenda de mañá e a semana seguinte en quenda de tarde, ou supostos asimilables.
Artigo 24º.-Complemento de transporte.
1. Tódolos traballadores da empresa percibirán mensualmente como concepto extrasalarial un complemento de transporte, na cantidade de 19,19 E -3.193 pesetas/mensuais-, e que se incrementará anualmente en igual porcentaxe que o resto de conceptos retributivos.
2. O traballador que permaneza en situación de incapacidade temporal non terá dereito á parte proporcional do complemento de transporte correspondente ó período de incapacidade temporal; tamén se deixará de aboa-lo complemento de transporte en calquera outro período de suspensión do contrato de traballo.
Artigo 25º.-Incentivos.
Para os efectos de incentiva-la productividade e reduci-lo absentismo, subscribirase asemade á sinatura deste convenio, un acordo polo cal se establece un complemento salarial para aboar cunha periodicidade semestral, na cuantificación da cal se teña en conta a asistencia, puntualidade e presencia no centro de traballo que cada traballador reúna no período semestral; así mesmo, no prazo máis próximo posible, tratarase de concluí-lo estudio en curso en materia de medición de rendementos e productividade individual, de modo que a productividade individualmente alcanzada por cada traballador se teña en consideración como outro dato máis á hora de cuantifica-lo complemento salarial antes sinalado e obxecto de aboamento. Unha vez concluído o estudio de rendementos en curso, as partes incorporarano ó acordo sinalado, sempre mediante o diálogo e mutuo acordo entre as partes negociadoras.
Este complemento salarial -na forma na que polo momento se regula será de aplicación exclusivamente ó persoal laboral con relación directa coa empresa, dada a súa natureza e o control que desenvolverá
Aludec Ibérica, S.A. en materia de asistencias, puntualidade, etc.; a súa facultade de control e disciplinaria unicamente pode alcanzar a este persoal directo.
Artigo 26º.-Xornada de traballo.
1. Os traballadores de Aludec Ibérica, S.A. realizarán unha xornada laboral máxima anual de 1.752 horas de traballo efectivo no ano 2002, de 1.752 horas de traballo efectivo no ano 2003, e de 1.752 horas de traballo efectivo no ano 2004.
2. Deberanse respectar en todo caso os períodos mínimos de descanso diario e semanal previstos na lexislación vixente. O calendario laboral anual axustarase de tal forma que non se supere a xornada anual máxima así establecida.
3. Cando a duración da xornada diaria continuada exceda de seis horas, deberá establecerse un período de descanso durante ela de quince minutos de duración. Este período de descanso considerarase tempo de traballo efectivo.
4. A xornada laboral distribuirase de luns a venres, cunha duración máxima de 8 horas ó día e 40 á semana, se ben poderá variarse cando necesidades de producción así o requiran, logo de acordo coa representación dos traballadores. Así mesmo, no caso de traballadores de nova contratación, a empresa poderá establecer un réxime de traballo a quendas que considere como laborables tódolos días da semana sen prexuízo do réxime de descansos que proceda.
5. O horario de traballo será fixado pola dirección da empresa, consultando o seu establecemento cos representantes dos traballadores, buscando o criterio que favoreza unha maior productividade e mellor atención ós clientes.
6. A xornada de traballo comezará á hora prevista, debendo encontrarse o traballador en disposición de iniciar efectivamente a súa actividade laboral no posto de traballo, coa súa correspondente indumentaria, no momento mesmo no que corresponda o inicio da súa xornada de traballo. A empresa facilitaralle ó persoal a indumentaria que precise para o desempeño do seu traballo, indumentaria que deberá ser utilizada polo persoal da empresa durante toda a xornada de traballo, salvo autorización pola empresa noutro sentido.
Artigo 27º.-Horas extraordinarias.
1. Só terán a consideración de horas extraordinarias para efectos legais as que excedan da xornada anual sinalada no artigo anterior, así como da xornada semanal habitual de 40 horas salvo no caso de que se supere a xornada semanal por razóns de producción e sexan obxecto de compensación con descanso as horas traballadas de máis nun prazo máximo de catro meses. Para efectos de compensación por descanso, nos casos de traballadores con xornada ordinaria de 8 horas, se se supera esta xornada, a novena hora traballada compensarase cunha hora de descanso compensatorio; pero as horas de
traballo que superen as nove horas, compensaranse a razón dunha hora e media de descanso por cada hora de exceso que supere as nove de traballo.
Valor hora extra: aboarase tomándose como módulo o seguinte: salario mínimo garantido + antigüidade + complementos x 1,20: xornada laboral.
No caso de horas extras en domingos e festivos, en lugar de 1,20 aplicarase un incremento de 1,50.
2. As horas extraordinarias compensaranse preferentemente por descanso, sempre e cando non perturbe o normal proceso productivo da empresa, compensación que deberá efectuarse no prazo máximo de catro meses contados desde a súa realización. Noutro caso, deberán ser obxecto de retribución con aplicación do módulo antes sinalado. Se se compensan con descanso dentro do prazo de catro meses, non computarán para efectos do tope máximo anual de horas extras establecido no artigo 35.2º do Estatuto dos traballadores.
3. Ante a grave situación de paro existente e co obxecto de fomentar unha política social solidaria que favoreza a creación de emprego, acórdase a supresión das horas extraordinarias habituais. Tamén respecto dos distintos tipos de horas extraordinarias se acorda o seguinte:
Horas extraordinarias de forza maior que veñan esixidas pola necesidade de reparar sinistros ou outros análogos a non realización das cales produza evidentes e graves prexuízos á propia empresa ou a terceiros, así como en caso de risco de perda de materias primas: realización.
Horas extraordinarias necesarias por pedidos ou períodos punta de producción cando estes son imprevisibles ou a súa non realización produza graves perdas materiais ou de clientes e iso sexa evidente, ausencias imprevistas, as necesarias para a posta en marcha e/ou paradas, cambios de quenda, as de mantemento cando non caiba a utilización das distintas modalidades de contratación temporal ou parcial previstas pola lei e a súa non realización leve consigo a perda ou a deterioración da producción e no suposto de que a súa non realización supoña a imposibilidade de reparar avarías ou garanti-la debida posta en marcha da producción: mantemento.
4. As horas extraordinarias serán voluntarias, de acordo coa lei, exceptuando aquelas a non realización das cales lle produza á empresa graves prexuízos ou impida a continuidade da producción e os demais supostos de forza maior contidos no punto anterior.
5. A empresa informará mensualmente os representantes dos traballadores sobre o número de horas extraordinarias realizadas, especificando as causas e, se é o caso, a distribución por seccións.
Artigo 28º.-Calendario laboral.
1. No mes de xaneiro de cada ano, unha vez publicados os calendarios oficiais no BOE e Diario Oficial de Galicia, e a ser posible antes do día 31 de xaneiro
do ano en curso, a empresa e a representación dos traballadores acordarán o calendario laboral para ese ano, que deberá incluí-las festas locais e as datas para o desfrute das vacacións, así como a fixación dos descansos. Igualmente se farán consta-las xornadas especiais.
2. O calendario deberá estar exposto no centro de traballo durante todo o ano.
Artigo 29º.-Vacacións.
1. O réxime de vacacións anuais retribuídas será de trinta días naturais para tódolos traballadores. Deste período como mínimo quince días naturais deberán desfrutarse de forma ininterrompida entre os meses de xuño a setembro.
2. A vacación anual non poderá ser compensada en metálico.
3. Os traballadores que na data determinada para o desfrute da vacación anual non completasen un ano efectivo no cadro de persoal da empresa, desfrutarán dun número de días proporcional ó tempo de servicios prestados.
4. En caso de peche do centro de traballo por vacacións, a dirección da empresa consignará o persoal que durante este período deba executar obras necesarias, labores de empresa, etc., concertando particularmente cos interesados a forma máis conveniente da súa vacación anual.
5. A empresa poderá excluír como período vacacional aquél que coincida coa maior actividade productiva estacional da empresa, logo de consulta cos representantes dos traballadores.
6. O cadro de distribución das vacacións exporase cunha antelación de tres meses como mínimo, nos taboleiros de anuncios, para coñecemento do persoal. No caso de que un traballador inicie proceso de incapacidade temporal durante o período vacacional que tivese xa predeterminado no calendario de vacacións, ou que xa se encontre en incapacidade temporal cando este período se inicie, (e que no dito período vacacional coincida co cesamento da actividade productiva esencial da empresa por vacacións), non terá dereito a que se lle conceda outro período vacacional en substitución da parte non desfrutada, salvo que a incapacidade temporal sexa motivada por accidente de traballo e cause alta antes da terminación do ano natural con suficiente marxe para o desfrute do tempo non desfrutado. Se ben no caso dun traballador que se encontre en situación de incapacidade temporal durante o período que lle correspondía de desfrute de vacacións, e unha vez cause alta dentro do ano natural non tivese
dereito a desfrute de vacacións pola norma antes establecida, en tal caso terá dereito a que a retribución durante os trinta días naturais que lle correspondían de vacacións se lle efectúe aplicando o 100% do salario base e antigüidade como se estivese desfrutando de período vacacional.
7. O persoal con dereito a vacacións que cese no transcurso do ano, terá dereito á parte proporcional das vacacións, segundo o número de meses traballados, computándose como mes completo a fracción deste. En caso de falecemento do traballador, este importe satisfaráselles ós seus habentes dereito.
Artigo 30º.-Desprazamentos e axudas de custos.
1. Os traballadores que por necesidades da empresa teñan que efectuar viaxes ou desprazamentos a localidades distintas daquelas en que radique o seu centro de traballo percibirán unha axuda de custo de 13,56 E -2.257 pesetas-, cando realicen unha comida fóra e pernoiten no seu domicilio; 22,92 E -3.814 pesetas cando realicen dúas comidas fóra, pernoitando no seu domicilio, e de 45,81 E -7.622 pesetas se, ademais de realiza-las dúas comidas principais fóra, pernoitaran fóra do seu domicilio. Estas axudas de custos devengaranse integramente o día de saída.
2. Serán os gastos de locomoción por conta da empresa, a cal establecerá o medio de transporte máis adecuado. Así mesmo, os traballadores xustificarán con posterioridade o importe dos gastos realizados.
3. Cando os medios de locomoción, custeados pola empresa, e a distribución do horario permitan ó traballador face-las comidas no seu domicilio, non terán dereito a percibo de axuda de custo.
4. Cando para os desprazamentos o traballador utilice o seu propio vehículo establecerase, logo de acordo entre a empresa e o traballador, unha cantidade por quilómetro, e para o seu cálculo terase en conta o custo dos factores que conforman o mantemento do vehículo, amortización, seguro de accidentes, etc. téndose en conta o que ó respecto establezan as revistas especializadas na materia, sen que en ningún caso esta cantidade por quilómetro poida estar por debaixo dos 0,25 E -41 pesetas-. Esta cantidade mínima de 0,25 E incrementarase cada ano, ó menos, no que se pacte como incremento salarial.
Artigo 31º.-Licencias.
1. O traballador, avisando coa posible antelación, poderá faltar ó traballo, con dereito a remuneración, por algún dos motivos e durante o tempo que a continuación se expón:
1.1. Quince días naturais nos casos de matrimonio.
1.2. Dos días por nacemento de fillo ou polo falecemento, accidente ou enfermidade graves ou hospitalización de parentes ata o segundo grao de consanguinidade ou afinidade. Cando con tal motivo o traballador necesite facer un desprazamento para o efecto, o prazo será de catro días.
1.3. Un día natural en caso de matrimonio de fillos, pais ou irmáns, na data de celebración da cerimonia.
1.4. Durante un día por traslado do seu domicilio habitual.
1.5. Polo tempo indispensable para o cumprimento dun deber inescusable de carácter público e persoal, comprendido o exercicio do sufraxio activo. Cando conste nunha norma legal ou convencional un período determinado, aplicarase o que esta dispoña en canto a duración da ausencia e compensación económica.
1.6. Polo tempo establecido para desfrutar dos dereitos educativos xerais e da formación profesional nos supostos e na forma regulados na lexislación vixente.
1.7. Por tempo indispensable para a realización de exames prenatais e técnicas de preparación ó parto que deban realizarse dentro da xornada de traballo.
2. En canto ós sinalados nos números 1 e 2 do punto anterior, en casos extraordinarios debidamente acreditados, tales licencias outorgaranse polo tempo que sexa preciso segundo as circunstancias, conviñéndose as condicións de concesión e podendo acordarse a non percepción de haberes.
Artigo 32º.-Suspensión do contrato por maternidade.
1. A traballadora no suposto de parto, terá dereito a unha suspensión do seu contrato de traballo de dezaseis semanas, que se desfrutarán de forma ininterrompida, ampliables no suposto de parto múltiple en dúas semanas máis por cada fillo a partir do segundo. O período de suspensión distribuirase a opción da interesada sempre que seis semanas sexan inmediatamente posteriores ó parto. En caso de falecemento da nai, o pai poderá facer uso da totalidade ou, se é o caso, da parte que reste do período de suspensión.
2. Non obstante o anterior, e sen prexuízo das seis semanas inmediatas posteriores ó parto de descanso obrigatorio para a nai, no caso de que o pai e a nai traballen, esta, ó iniciarse o período de descanso por maternidade, poderá optar por que o pai desfrute dunha parte determinada e ininterrompida do período de descanso posterior ó parto ben de forma simultánea ou sucesiva co da nai, salvo que no momento da súa efectividade a incorporación ó traballo da nai supoña un risco para a súa saúde.
3. Nos casos de parto prematuro e naqueles en que, por calquera outra causa, o neonato deba permanecer hospitalizado a continuación do parto, o período de suspensión poderá computarse, por instancia da nai ou, en su defecto, do pai, a partir da data da alta hospitalaria. Exclúense deste cómputo as primeiras seis semanas posteriores ó parto, de suspensión obrigatoria do contrato da nai.
4. Nos supostos de adopción e acollemento, tanto preadoptivo como permanente, de menores de ata seis anos, a suspensión terá unha duración de dezaseis semanas ininterrompidas, ampliable no suposto de adopción ou acollemento múltiple en dúas semanas máis por cada fillo a partir do segundo, contadas á elección do traballador, ben a partir da decisión
administrativa ou xudicial de acollemento, ben a partir da resolución xudicial pola que se constitúe a adopción. A duración da suspensión será, así mesmo, de dezaseis semanas nos supostos de adopción ou acollemento de menores maiores de seis anos de idade cando se trate de menores discapacitados ou minusválidos ou que polas súas circunstancias e experiencias persoais ou que por proviren do estranxeiro teñan especiais dificultades de inserción social e familiar debidamente acreditadas polos servicios sociais competentes. En caso de que o pai e a nai traballen, o período de suspensión distribuirase a opción dos interesados, que poderán desfrutalo de forma simultánea ou sucesiva, sempre con períodos ininterrompidos e cos límites sinalados.
5. Nos casos de desfrute simultáneo de períodos de descanso, a suma destes non poderá exceder das dezaseis semanas previstas nos puntos anteriores ou das que correspondan en caso de parto múltiple.
6. Os períodos ós que se refire este artigo poderán desfrutarse en réxime de xornada completa ou a tempo parcial, logo de acordo entre os empresarios e os traballadores afectados, nos termos que regulamentariamente se determinen.
7. Nos supostos de adopción internacional, cando sexa necesario o desprazamento previo dos pais ó país de orixe do adoptado, o período de suspensión previsto para cada caso neste artigo, poderá iniciarse ata catro semanas antes da resolución pola que se constitúe a adopción.
Artigo 33º.-Excedencias.
1. Os traballadores cun ano de antigüidade na empresa poderán solicita-la excedencia voluntaria por un prazo mínimo de doce meses e non superior a cinco anos, non computándose o tempo que dure esta situación para ningún efecto, e sen que en ningún caso se poida producir nos contratos de duración determinada.
2. As peticións de excedencia serán resoltas pola empresa nun prazo máximo dun mes, tendo en conta as necesidades do traballo e procurando despachar favorablemente aquelas peticións que se funden en terminación de estudios, esixencias familiares e outras análogas.
3. En canto ós dereitos recoñecidos á muller traballadora polas disposicións vixentes, aplicarase o disposto nelas.
4. O traballador que non solicite o reingreso antes da terminación da súa excedencia, causará baixa definitiva na empresa. Para acollerse a outra excedencia voluntaria, o traballador deberá cubrir un novo período de, polo menos, catro anos de servicio efectivo na empresa.
5. Cando o traballador o solicite, o reingreso estará condicionado a que haxa vacante no seu grupo profesional; se non existise vacante no grupo profesional e si no inferior, o excedente poderá optar entre ocupar esta praza co salario a ela correspondente ata
que se produza unha vacante no seu grupo profesional, ou non reingresar ata que se produza tal vacante.
6. En calquera caso a empresa estará obrigada a contestar por escrito a petición de reingreso do traballador.
Artigo 34º.-Excedencia por coidado de fillos e fillas.
1. Os traballadores terán dereito a un período de excedencia de duración non superior a tres anos para atende-lo coidado de cada fillo, tanto cando o sexa por natureza como por adopción, ou nos supostos de acollemento, tanto permanente como preadoptivo, contados desde a data de nacemento ou, se é o caso, da resolución xudicial ou administrativa.
2. Tamén terán dereito a un período de excedencia, de duración non superior a un ano, os traballadores para atende-lo cuidado dun familiar, ata o segundo grao de consanguinidade ou afinidade, que por razóns de idade, accidente ou enfermidade non poida valerse por si mesmo, e non desempeñe actividade retribuída.
3. A excedencia considerada neste artigo, constitúe un dereito individual dos traballadores, homes ou mulleres. Non obstante, se dous traballadores da empresa xerasen este dereito polo mesmo suxeito causante, poderase limita-lo seu exercicio simultáneo por razóns xustificadas de funcionamento da empresa.
4. Cando un novo suxeito causante dese dereito a un novo período de excedencia, o seu inicio dará fin ó que, de se-lo caso, se viñese desfrutando.
5. Estes períodos de excedencia serán computables para efectos de antigüidade, e o traballador terá dereito á asistencia a cursos de formación profesional; para a participación neles deberá ser convocado polo empresario, especialmente con ocasión da súa reincorporación. Durante o primeiro ano terá dereito á reserva do seu posto de traballo. Transcorrido este prazo, a reserva quedará referida a un posto de traballo do mesmo grupo profesional ou categoría equivalente.
Artigo 35º.-Excedencias especiais.
1. Dará lugar á situación de excedencia especial do persoal o nomeamento para cargo público, cando o seu exercicio sexa incompatible coa prestación de servicios na empresa. Se xorde discrepancia a este respecto, decidirá a xurisdicción competente. A excedencia prolongarase durante o tempo que dure o cargo que a determina e outorgará dereito a ocupa-la mesma praza que desempeña o traballador ó producirse tal situación, computándose o tempo que permanecese naquela como activo para tódolos efectos. O reingreso deberá solicitalo dentro do mes seguinte ó de su cesamento no cargo público que ocupaba.
Artigo 36º.-Asistencia a consultorio médico.
Cando por razón de enfermidade o traballador precise a asistencia a consultorio médico en horas coin
cidentes coas da súa xornada laboral, as empresas concederán, sen perda de retribución, o permiso necesario polo tempo preciso para o efecto, debendo xustificarse co correspondente volante visado polo facultativo, ou persoal debidamente acreditado, sexan ou non da Seguridade Social.
Artigo 37º.-Garantía salarial nos supostos de hospitalización, enfermidade profesional, accidentes de traballo e maternidade.
1. Nos casos de hospitalización, mentres dure esta, así como na incapacidade temporal derivada de enfermidade profesional, accidente de traballo e maternidade (entendendo por esta unicamente o período de baixa ordinario por maternidade legalmente estipulado, actualmente dezaseis semanas), a empresa complementará as prestacións por incapacidade temporal da Seguridade Social ata o 100% da suma do salario base máis antigüidade máis o complemento de convenio.
2. Entenderase por hospitalización o período de estancia en centro hospitalario.
3. Este complemento en ningún caso o será por un período superior a dezaoito meses.
4. No caso de incapacidade temporal por enfermidade común ou accidente non laboral, a empresa non estará obrigada a realizar ningún complemento, salvo durante o período de hospitalización. No caso de que durante o primeiro ano de vixencia deste convenio o nivel de absentismo na empresa non supere en cómputo anual unha porcentaxe do 3%, revisarase entre as partes a posibilidade do establecemento futuro dun complemento salarial para a incapacidade temporal por enfermidade ou accidente común a partir do día 15 da baixa cun tope dun 90%.
Artigo 38º.-Seguro colectivo de accidentes laborais.
1. A empresa concertará un seguro colectivo de accidentes laborais, con primas íntegras ó seu cargo, mediante póliza que cubra as seguintes indemnizacións para o ano 2002: accidente que teña a cualificación pola autoridade ou xurisdicción competente como accidente laboral, con resultado de falecemento, gran invalidez ou incapacidade permanente absoluta: 18.030,36 E, equivalentes a 3.000.000 de pesetas; e con resultado de incapacidade permanente total: 12,020,24 E, equivalentes a 2.000.000 de pesetas.
2. Para os efectos de evitar discrepancias na determinación de indemnizacións aplicables e a tramitación administrativa de actualizacións, acórdase que as indemnizacións así estipuladas sexan as aplicables durante todo o período de vixencia pactado para este convenio, sen ningún incremento anual. Para a súa subscrición e entrada de efectos establécese un prazo de 30 días desde a data de sinatura deste convenio.
3. Os traballadores deberán designa-lo beneficiario da indemnización; así mesmo, no caso de novas
contratacións, a empresa disporá dun prazo dun mes para incluí-lo traballador neste aseguramento. Así mesmo, establécese que unicamente se aplicarán as contías establecidas neste convenio, no caso de accidentes que se produzan a partir da sinatura deste convenio, sen prexuízo de que para que naza o dereito á indemnización será requisito necesario o recoñecemento dos graos de invalidez sinalados por parte da entidade xestora competente da Seguridade Social ou xurisdicción social; se ben, ó se manteren as contías establecidas no anterior convenio, non se producen alteracións nelas.
Artigo 39º.-Código de conducta laboral-réxime disciplinario.
1. Réxime de faltas e sancións. Os traballadores poderán ser sancionados pola dirección das empresas de acordo coa graduación de faltas e sancións que se establecen nos artigos seguintes.
2. Graduación das faltas. Toda falta cometida por un traballador se clasificará, atendendo á súa importancia, transcendencia e intención, en leve, grave ou moi grave.
3. Faltas leves. Considéranse faltas leves as seguintes:
3.1. A falta de puntualidade, ata de tres nun mes, na asistencia ó traballo, con atraso inferior a trinta minutos no horario de entrada.
3.2. Non cursar en tempo oportuno a baixa correspondente cando se falte ó traballo por motivo xustificado, a non ser que se probe a imposibilidade de telo efectuado.
3.3. O abandono do servicio sen causa fundada, mesmo cando sexa por breve tempo. Se como consecuencia disto se lle orixinase prexuízo dalgunha consideración á empresa ou fose causa de accidente ós seus compañeiros de traballo, esta falta poderá ser considerada como grave ou moi grave, segundo os casos.
3.4. Pequenos descoidos na conservación do material.
3.5. Falta de aseo e limpeza persoal, cando sexa de tal índole que poida afecta-lo proceso productivo da empresa.
3.6. Non atende-lo público coa corrección e dilixencia debidas.
3.7. Non lle comunicar á empresa os cambios de residencia ou domicilio.
3.8. As discusións sobre asuntos estraños ó traballo dentro das dependencias da empresa. Se tales discusións producisen escándalo notorio poderán ser consideradas como faltas graves ou moi graves.
3.9. Faltar ó traballo un día ó mes sen causa xustificada.
3.10. O incumprimento das obrigas previstas no artigo 29 da Lei 31/1995, do 8 de novembro, de prevención de riscos laborais, sempre que careza de transcendencia grave para a integridade física ou a saúde dos traballadores.
4. Faltas graves.
Consideraranse faltas graves as seguintes:
4.1. Máis de tres faltas non xustificadas de puntualidade, superiores a cinco minutos, na asistencia ó traballo nun período de trinta días.
4.2. Ausencias sen causa xustificada, por dous días durante un período de trinta días.
4.3. Non comunicar coa puntualidade debida os cambios experimentados na familia que poidan afectar á Seguridade Social. A falta maliciosa nestes datos considérase como falta moi grave.
4.4. Entregarse a xogos ou distraccións nas horas de traballo.
4.5. A simulación de enfermidade ou accidente.
4.6. A desobediencia ós seus superiores en calquera materia de traballo. Se implicase quebranto manifesto da disciplina ou dela derivase prexuízo notorio para a empresa, poderá ser considerada como falta moi grave.
4.7. Simula-la presencia doutro traballador, fichando, contestando ou asinando por el.
4.8. Neglixencia ou desidia no traballo que afecte á boa marcha do servicio.
4.9. A imprudencia en acto de traballo; se implicase risco de accidente para o traballador, para os seus compañeiros ou perigo de avaría para as instalacións, poderá ser considerada como moi grave.
4.10. Realizar, sen o oportuno permiso, traballos particulares durante a xornada, así como empregar ferramentas da empresa para usos propios.
4.11. A embriaguez fóra de acto de servicio, vestindo o uniforme da empresa, sempre que polo uniforme se poida identifica-la empresa.
4.12. A reincidencia en falta leve (excluída a de puntualidade), aínda que sexa de distinta natureza, dentro dun trimestre e mediando comunicación escrita.
4.13. O incumprimento das obrigas previstas no artigo 29 da Lei 31/1995, do 8 de novembro, de prevención de riscos laborais, cando tal incumprimento orixine risco de danos graves para a seguridade e saúde dos traballadores.
5. Faltas moi graves.
Consideraranse faltas moi graves as seguintes:
5.1. Máis de dez faltas non xustificadas de puntualidade, superior a cinco minutos, cometidas nun período de seis meses ou vinte durante un ano.
5.2. A fraude, a deslealdade ou o abuso de confianza nas xestións encomendadas e o furto ou roubo, tanto á empresa como ós compañeiros de traballo ou a calquera outra persoa dentro das dependencias da empresa ou durante o traballo en calquera outro lugar.
5.3. Facer desaparecer, inutilizar, destrozar ou causar desperfectos en primeiras materias, útiles, ferramentas, maquinaria, aparellos, instalacións, edificios, enxoval e documentos da empresa.
5.4. A condena por delicto de roubo, furto ou malversación cometidos fóra da empresa, ou por calquera outra clase de feitos que poidan implicar para esta desconfianza respecto ó seu autor, e, en todo caso, a de duración superior a seis anos dictada polos tribunais de xustiza.
5.5. A continuada e habitual falta de aseo e limpeza de tal índole que produza queixas xustificadas dos seus compañeiros de traballo.
5.6. A embriaguez habitual.
5.7. Viola-lo segredo da correspondencia ou documentos reservados da empresa ou revelar a elementos estraños a ela datos de reserva obrigada.
5.8. Os malos tratos de palabra ou obra, abuso de autoridade ou a falta grave de respecto e consideración ós xefes ou ós seus familiares, así como ós compañeiros e subordinados.
5.9. Causar accidentes graves por neglixencia ou imprudencia.
5.10. Abandona-lo traballo en posto de responsabilidade.
5.11. A diminución voluntaria e continuada no rendemento normal de traballo, sempre que non estea motivada polo exercicio de ningún dereito recoñecido polas leis.
5.12. Orixinar frecuentes rifas e liortas cos compañeiros de traballo.
5.13. A reincidencia en falta grave, aínda que sexa de distinta natureza, sempre que se cometa dentro dos seis meses seguintes a producirse a primeira.
5.14. O abuso de autoridade por parte dos xefes será sempre considerado como falta moi grave. O que o sufra porao inmediatamente en coñecemento da dirección da empresa.
5.15. O acoso sexual, entendendo por tal unha conducta de natureza sexual, de palabra ou acción, desenvolvida no ámbito laboral e que sexa ofensiva para o traballador ou traballadora obxecto dela. Nun suposto de acoso sexual protexerase a continuidade no seu posto de traballo da persoa obxecto deste.
5.16. O incumprimento das obrigas previstas no artigo 29 da Lei 31/1995, do 8 de novembro, de prevención de riscos laborais, sempre que de tal incumprimento derive un risco grave e inminente para a seguridade e saúde dos traballadores.
6. Réxime de sancións.
Correspóndelle á empresa a facultade de impor sancións nos termos do estipulado neste convenio. A sanción das faltas leves e graves requirirá comunicación escrita motivada ó traballador.
En calquera caso, a empresa dará conta ós representantes dos traballadores, ó mesmo tempo que ó propio afectado, de toda sanción que impoña por falta grave ou moi grave.
7. Sancións máximas. As sancións máximas que poderán imporse en cada caso, atendendo á gravidade da falta cometida, serán as seguintes:
a) Por faltas leves: amoestación verbal, amoestación por escrito, suspensión de emprego e soldo ata dous días.
b) Por faltas graves: suspensión de emprego e soldo de tres a quince días.
c) Por faltas moi graves: desde a suspensión de emprego e soldo de dezaseis a sesenta días ata a rescisión do contrato de traballo nos supostos en que a falta fose cualificada dun grao máximo
8. Prescrición. A facultade da empresa para sancionar prescribirá para as faltas leves ós dez días, para as faltas graves ós vinte días e para as moi graves ós sesenta días, a partir da data en que aquela tivo coñecemento da súa comisión, e en calquera caso ós seis meses de se cometer.
9. Graduación de faltas. Para os efectos de graduación de faltas, non se terán en conta aquelas que se cometesen con anterioridade de acordo cos seguintes prazos:
Faltas leves: tres meses.
Faltas graves: seis meses.
Faltas moi graves: un ano.
Artigo 40º.-Saúde laboral.
1. A empresa comprométese ó estricto cumprimento da normativa que en materia de seguridade e hixiene e prevención de riscos laborais se contén na Lei 31/1995, do 8 de novembro, Lei de prevención de riscos laborais, o Regulamento de servicios de prevención de riscos laborais-R.D. 39/1997-, así como a Ordenanza xeral de seguridade e hixiene no traballo, e demais normativas vixentes de desenvolvemento.
2. Para tales efectos, manterase coas funcións que lle son propias no seo da empresa o comité de seguridade e saúde, composto por unha representación dos traballadores e un número similar de representantes da empresa, comité ó que corresponderán as funcións establecidas na normativa anteriormente citada.
3. Nos casos en que Aludec Ibérica, S.A. subcontrate outras empresas, para prestación de servicios no propio centro de traballo de Aludec Ibérica, S.A., deberá establecer baixo a súa responsabilidade, os mecanismos de coordinación adecuados para a prevención de riscos e información sobre eles en xeral, en todo o que se relacione coas condicións de seguridade e saúde dos traballadores, así como hixiénico-sanitarios.
4. A empresa facilitaralle á totalidade do persoal integrante na cadro de persoal, un recoñecemento médico con carácter anual como mínino, o cal se levará a cabo na forma e condicións legalmente esixidas.
Artigo 41º.-Dereitos sindicais.
1. Sen prexuízo do disposto na lexislación vixente, os traballadores desfrutarán das seguintes garantías sindicais:
2 A empresa dará conta das novas contratacións que realice ó comité de empresa.
3. A empresa deberá ter un taboleiro de anuncios para inserción de propaganda sindical. En canto á súa inserción, aplicarase o disposto no Estatuto dos traballadores.
4. Dentro das formalidades previstas nos artigos 77 e seguintes do Estatuto dos traballadores, a empresa facilitará o exercicio de reunións informativas fóra da xornada laboral e durante dúas horas ó mes.
5. Cada un dos representantes sindicais poderá dispor dun crédito de horas mensuais retribuídas para o exercicio das súas funcións de representación, conforme o Estatuto dos traballadores.
6. Quedarán incluídas neste crédito as horas destinadas a asistir ás convocatorias sindicais que, en todo caso, deberán ser correctamente realizadas.
Cláusulas adicionais
Primeira.-Compromiso de conversión de contratacións en indefinidas.
A empresa comprométese, tendo en conta as súas actuais posibilidades e evolución económica do sector productivo ó que pertence, a ir convertendo contratacións temporais actualmente vixentes en contratacións de natureza indefinida -ou a proceder a contratar traballadores con tal relación laboral indefinida-; para este fin se considerarán os informes que en relación co persoal laboral da empresa emitan os seus superiores inmediatos.
Para tales efectos, e salvo que se produza unha modificación substancial durante a vixencia deste convenio respecto das circunstancias da empresa e do sector que agora se consideran, a empresa asume un compromiso mínimo de novas contratacións indefinidas -por conversión de contratacións hoxe temporais de 8 traballadores para este exercicio 2002; 5 traballadores como mínimo para o exercicio 2003, e un mínimo de 5 contratacións para o exercicio 2004. Así mesmo, e tendo tamén en conta a salvagarda antes indicada de que se poida producir unha alteración relevante nas circunstancias da empresa ou do sector ó que pertence, Aludec Ibérica, S.A. comprométese a alcanzar ó termo de vixencia deste convenio, un cadro de persoal laboral no que polo menos un 75% dos traballadores teñan contrato de duración indefinida.
Segunda.-Reducción do absentismo.
As partes negociadoras acordan como un obxectivo primordial durante a vixencia deste convenio, a reducción do nivel de absentismo que se vén experimentando no seo desta empresa. Para tales efectos, acórdase adopta-las seguintes medidas:
a) O acordo sobre complemento salarial que se subscribe simultaneamente á sinatura deste conve
nio como pacto de empresa no que se ten en consideración a asistencia, puntualidade e presencia no traballo. Tratarase de fomenta-la productividade e asistencia habitual ó traballo, de modo que se penalizará especialmente a aqueles traballadores que acumulen un nivel apreciable de absentismo ó traballo, e premiaranse os traballadores que non presenten absentismo.
b) As partes adoptarán as medidas necesarias, en todo caso, para lograr unha reducción do actual nivel de absentismo, sempre, se é posible, de mutuo acordo entre a empresa e a representación dos traballadores.
Terceira.-Comisión paritaria.
Establécese que como órgano de interpretación, conciliación e vixilancia do cumprimento deste convenio, actuará unha comisión integrada por ámbalas partes negociadoras, composta por un máximo de tres vocais por cada unha das partes.
Reunirase, con carácter ordinario, polo menos unha vez ó ano, así como sempre que sexa convocada para o efecto por calquera das partes, convocatoria que deberá efectuarse con polo menos setenta e dúas horas de antelación.
Cuarta.-Lexislación subsidiaria.
Naquelas materias que non estean expresamente reguladas neste convenio, aplicarase o establecido no Estatuto dos traballadores e nas demais disposicións legais vixentes, e no que non entre en contradicción coa regulación específica contida neste convenio, terase en consideración o contido do convenio xeral de industrias químicas, sen prexuízo da desvinculación desta empresa do ámbito do citado convenio, especialmente en materia salarial e condicións económicas en xeral.
O que así subscriben e asinan as partes negociadoras, en Vigo, vintesete de marzo do ano 2002.
Pola empresa.
Polo comité de empresa.
ANEXO
Regulación pacto de asistencia,
puntualidade e absentismo
Conforme o estipulado no artigo 25 do convenio, as partes acordan que con efectos do día un de xaneiro do ano 2002, se establece un complemento para lle aboar ó persoal laboral con relación laboral directa coa empresa, coa regulación básica seguinte:
1. Este complemento será por unha contía máxima durante o ano 2002 de 50.000 pesetas/ano, e aboarase mediante dous pagamentos semestrais de 25.000 pesetas con ocasión do aboamento da mensualidade de xuño e da de decembro de cada ano. Percibirán ese importe máximo, cunha contía idéntica para tódolos grupos profesionais, os traballadores que durante o semestre non presentasen nin
gunha incidencia das que se sinalan no número 3 deste artigo. Nos anos 2003 e 2004 ás contías máximas antes indicadas aplicaránselle-los incrementos establecidos neste convenio para o resto de conceptos salariais.
2. En principio, para a determinación deste complemento terase en consideración de forma individualizada a asistencia ó traballo, puntualidade e presencia, que se complementará con criterios de productividade individual unha vez se completen os estudios técnicos en curso que posibiliten a implantación deste criterio de forma xusta e obxectiva, considerando a cantidade e calidade de traballo executado por cada operario.
3. Mentres non se incorporen eses criterios de productividade, aplicaranse as seguintes regras:
3.1. Por cada día de ausencia inxustificada ó traballo aplicarase unha reducción de: se é un só día, un 10%; se son dous días, un 15% por cada día; e a partir do terceiro día, un 20 por 100 cada día; porcentaxes que se aplicarán sobre o importe máximo semestral de 25.000 pesetas para percibir. (Sen prexuízo de que ademais a empresa procederá a deducir ó traballador o salario correspondente ó día de ausencia inxustificada pola inexistencia de prestación de servicios). Computaranse as ausencias de forma semestral (do 1 de xaneiro ó 30 de xuño e do 1 de xullo ó 31 de decembro). Se a ausencia non alcanza o 50% da xornada aplicarase a porcentaxe antes indicada reducida nun 50%.
3.2. Igualmente por cada falta de puntualidade inferior a 15 minutos, aplicarase unha reducción dun 1%, e se é superior a 15 minutos aplicarase reducción dun 2%. Pero no caso de reiteración, aplicarase un 0,25% de máis a partir da terceira falta de puntualidade inxustificada. Tamén se computarán as faltas de puntualidade por períodos semestrais.
3.3. Por cada día de ausencia xustificada por enfermidade común ou accidente non laboral exclúense accidente de traballo e enfermidade profesional aplicarase unha reducción de 2% a partir do sétimo día de ausencia, inclusive.
4. No caso de que un traballador manifeste unha discrepancia co importe que reciba por tal complemento, deberá presenta-la súa reclamación primeiramente ante os representantes dos traballadores, co fin de intentar obter un acordo ó respecto entre a dirección da empresa e os representantes do persoal. De non alcanzarse un acordo, o traballador poderá sempre formula-la súa reclamación ante a xurisdicción competente.
A aplicación de tales porcentaxes de reducción será compatible co exercicio pola empresa da súa facultade disciplinaria por ausencias inxustificadas ó traballo ou faltas de puntualidade, conforme o código de conducta laboral-réxime disciplinario antes sinalado.
O que así subscriben e asinan as partes negociadoras, en Vigo, vintesete de marzo do ano 2002.
Pola empresa.
Polo comité de empresa.
