Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño: en autos seguidos perante este Xulgado do Social, tramitados baixo o número 938/2001 por instancia de José Antonio Rodo Vilar, contra a empresa Arena Todo Construcción, S.L. e Fogasa sobre salarios, dictouse a seguinte sentencia:

Na Coruña, 12 de abril de 2002.

Jorge Hay Alba, maxistrado-xuíz do Social número dous desta cidade, viu os presentes autos de xuízo número 938/2001, seguidos por instancia de José Antonio Rodo Vilar, maior de idade, asistido polo letrado Pedro Pedreira Candal, contra a empresa Arena Todo Construcción, S.L., que non compareceu en autos; e o Fogasa, representado e asistido polo letrado Javier Morado Díaz, sendo o obxecto da reclamación, salarios.

Seguen feitos e fundamentos de dereito.

Decido que estimando a demanda interposta por José Antonio Rodo Vilar, intervindo o Fogasa, contra a empresa Arena Todo Construcción, S.L., debo condenar e condeno á empresa demandada a aboar ó demandante a cantidade de 2.194,80 euros polos conceptos reclamados na demanda.

Notifíqueselles esta resolución ás partes, ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contado a partir da notificación desta sentencia, e no propio termo, se o recorrente non goza do beneficio da xustiza gratuíta, deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade, co número de conta 5603, clave 60, facendo constar no ingreso o número do expediente.

E así mesmo, deberá no momento de interpo-lo recurso, consigna-la cantidade de 150,25 euros en concepto de depósito, na clave 65 da citada conta e expediente.

Así, por esta miña sentencia, definitivamente xulgando en primeira instancia, pronúncioo, mándoo e asínoo.

E para que sirva de notificación á empresa Arena Todo Construcción, S.L., de domicilio descoñecido, mediante a súa publicación no Diario Oficial de Galicia, expido e asino esta cédula na Coruña, 12 de abril de 2002.

O secretario xudicial

Rubricado