Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño: en autos seguidos perante este Xulgado do Social tramitados baixo o número 107/2002 por instancia de José Ramón Fojón Teijeiro, contra a empresa Arena Todo Construcción, S.L., e Fogasa sobre despedimento, dictouse a seguinte sentencia:
Na Coruña, 12 de abril de 2002.
Jorge Hay Alba, maxistrado-xuíz do social número dous desta cidade, viu os presentes autos de xuízo número 107/2002 seguidos por instancia de José Ramón Fojón Teijeiro, maior de idade, asistido pola letrada Cristina Gómez Lozano, contra a empresa Arena Todo Construcción, S.L., que non compareceu en autos; intervindo o Fogasa, representado e asistido por Javier Morado Díaz, sendo o obxecto da reclamación, despedimento.
Seguen feitos e fundamentos de dereito.
Decido que estimando a demanda interposta por José Ramón Fojón Teijeiro, intervindo o Fogasa, contra a empresa Arena Todo Construcción, S.L., debo declarar e declaro improcedente o despedimento efectuado pola empresa Arena Todo Construcción, S.L. e extinguida a relación laboral na data da presente resolución, condenando a empresa a que lle aboe ó demandante a cantidade de 919,55 euros en concepto de indemnización, máis 733,54 euros por salarios de tramitación.
Notifíqueselles esta resolución ás partes, ás que se lle fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contado a partir da notificación desta sentencia, e no propio termo, se o recorrente non goza do beneficio da xustiza gratuíta deberá, ó anuncialo entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade co número de conta 5603 clave 60, facendo constar no ingreso o número do expediente.
E así mesmo deberá no momento de interpo-lo recurso consigna-la cantidade de 150,25 euros en concepto de depósito, na clave 65 da citada conta e expediente.
Así, por esta miña sentencia definitivamente xulgando en primeira instancia pronúncioo, mándoo e asínoo.
E para que sirva de notificacióin á empresa Arena Todo Construcción, S.L., que ten o seu enderezo descoñecido, mediante a súa publicación no Diario Oficial de Galicia, expido e asino esta cédula na Coruña o 12 de abril de 2002.
O secretario xudicial
Rubricado
