Jaime Balado Yáñez, secretario xudicial do Xulgado do Social número dous da Coruña,

Dou fe e testemuño: en autos seguidos perante este xulgado do social, tramitados baixo o número 798/2001 por instancia de Dorinda Villaverde Fernández, contra Inem e as empresas Confecciones Rical, S.L. e Confecciones Fada, S.L. sobre desemprego, dictouse a seguinte:

«Sentencia.-Na cidade da Coruña, dez de abril de dous mil dous. Jorge Hay Alba, maxistrado-xuíz do Xulgado do Social número dous desta cidade, viu os presentes autos de xuízo número 798/2001, seguidos por instancia de Dorinda Villaverde Fernández, maior de idade, asistida polo letrado Manuel Comendador Rey, contra o Inem, representado e asistido pola letrada Eva Abajo Lera, as empresas Confecciones Rical, S.L. e Confecciones Fada, S.L., que non compareceron nos autos, o obxecto da reclamación é desemprego.

Seguen feitos e fundamentos de dereito.

Decido: que estimando parcialmente a demanda interposta por Dorinda Villaverde Fernández contra o Inem, Confecciones Rical, S.L. e Confecciones Fada, S.L., debo declarar e declaro que a base reguladora diaria da prestación de desemprego da demandante ascende a 17,15 euros, condenando ós codemandados a estar e pasar por tal declaración, e ó Inem a anticipa-la prestación correcta sen prexuízo da súa subrogación contra as empresas codemandadas responsables.

Notifíqueselles esta resolución ás partes, ás que se fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, do que conocerá, se é o caso, a Sala do Social do Tribunal Superior de Xustiza de Galicia, tal e como establece o artigo 188 do texto refundido da lei, aprobado polo Real decreto lexislativo 2/1995, do 7 de abril.

Así, por esta miña sentencia, definitivamente xulgando en primeira instancia, pronúncioo, mándoo e asínoo».

E para que sirva de notificación ás empresas Confecciones Rical, S.L. e Confecciones Fada, S.L. que teñen o seu enderezo descoñecido, mediante a súa publicación no Diario Oficial de Galicia, expido e asino esta cédula na Coruña, dez de abril de dous mil dous.

O secretario xudicial

Rubricado