Jaime Balado Yáñez, secretario xudicial do Xulgado do Social número dous da Coruña,
Dou fe e testemuño: en autos seguidos perante este xulgado do social, tramitados baixo o número 62/2002 por instancia de María Isabel Rodríguez Perdiz, contra a empresa Ingeniería de Sistemas y Telecomunicaciones Hispania 2000, S.L., Eduardo Dacasa Blanco, a empresa Telefónica de España, S.A. e Fogasa, sobre despedimento, dictouse a seguinte:
«Sentencia.-Na cidade da Coruña, nove de abril de dous mil dous. Jorge Hay Alba, maxistrado-xuíz do Xulgado do Social número dous desta cidade, viu os presentes autos de xuízo número 62/2002, seguidos por instancia de María Isabel Rodríguez Perdiz, maior de idade, asistida polo graduado social José María Corujo Seguido, contra a empresa Ingeniería de Sistemas y Telecomunicaciones Hispania 2000, S.L., Eduardo Dacasa Blanco, que non comparece, a empresa Telefónica de España, S.A., representada e asistida polo letrado José Martínez Ferreño, e Fogasa, representado e asistido pola letrada Enma Pérez Díez del Corral, sendo o obxecto da reclamación, despedimento.
Seguen feitos e fundamentos de dereito.
Decido que estimando parcialmente a demanda interposta por María Isabel Rodríguez Perdiz, intervindo Fogasa, contra as empresas Ingeniería de Sistemas y Telecomunicaciones Hispania 2000, S.L., Eduardo Dacasa Blanco e a empresa Telefónica de España, S.A., debo declarar e declaro improcedente o despedimento efectuado pola empresa Ingeniería de Sistemas y Telecomunicaciones Hispania 2000, S.L., condenando a esta a que, nun prazo de cinco días desde a notificación da sentencia, opte entre a readmisión inmediata da demandante, nas mesmas condicións existentes con anterioridade, ou o aboamento de 637,74 euros, en concepto de indemnización, máis, en ambos casos, o aboamento de 1.162,10 euros en concepto de salarios de tramitación con absolución de Eduardo Dacasa Blanco e Telefónica de España, S.A., en atención á súa falta de lexitimación pasiva.
Notifíqueselles esta resolución ás partes, ás que se fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo, se o recorrente non goza do beneficio da xustiza gratuíta, deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade, co número de conta 5603, clave 60, facendo constar no ingreso o número do expediente.
E, así mesmo, deberá, no momento de interpo-lo recurso, consigna-la cantidade de 150,25 euros en concepto de depósito na clave 65 da citada conta e expediente.
Así, por esta miña sentencia, definitivamente xulgando en primeira instancia, pronúncioo, mándoo e asínoo».
E para que sirva de notificación a empresa Ingeniería de Sistemas y Telecomunicaciones Hispania 2000, S.L. e Eduardo Dacasa Blanco, que teñen o seu enderezo descoñecido, mediante a súa publicación no Diario Oficial de Galicia, expido e asino a presente na Coruña, dez de abril de dous mil dous.
O secretario xudicial
Rubricado
CONSELLERÍA DE POLÍTICA TERRITORIAL, OBRAS PÚBLICAS
E VIVENDA