Visto o expediente de revisión salarial do convenio colectivo do sector de rematantes e serradoiros de madeira da provincia da Coruña, que tivo entrada nesta delegación provincial o día 15-3-2002, subscrito en representación da parte económica pola Asociación Provincial de Rematantes y Aserradores de Madera (Apralco), e da parte social polas centrais sindicais UGT, CC.OO. e CIG o día 29-1-2002, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e notificación ás representacións económica e social da comisión negociadora.
Segundo.-Ordena-lo depósito do citado acordo no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 20 de marzo de 2002.
Reyes Carabel Pedreira
Delegada provincial da Coruña
Acta da comisión paritaria para a sinatura das táboas salariais do ano 2002, do convenio da industria da 1ª transformación da madeira (rematantes e serradoiros) da Coruña
Asistentes:
Parte empresarial:
Ramón Romero Quintáns.
Benito García Sánchez.
Manuel Piñeiro Esperante.
Parte sindical:
UGT: Juan Carlos Tubío Redondo.
CC.OO.: Aurora Iglesias Couselo.
CIG: Vicente Moreiras Sobrido.
En Santiago de Compostela, ás 16.30 horas do día 29 de xaneiro de 2002, reúnense os compoñentes da comisión paritaria do convenio colectivo provin
cial de serradoiros e rematantes da madeira da provincia da Coruña, para proceder, dándolle cumprimento ó pactado nos artigos 31, 32 e 33 do convenio vixente, á revisión e confección das táboas salariais correspondentes ó período abranguido desde o 1 de xaneiro de 2002 ata o 31 de decembro do mesmo ano.
Reunidas ámbalas partes, procédese á revisión salarial do período do 1 de xaneiro de 2001 ata o 31 de decembro de 2001 e á confección das táboas salariais correspondentes ó ano 2002.
Debatido entre as partes presentes o contido do artigo 32 do convenio vixente, acórdase que a súa interpretación garante unha revisión salarial de incrementar en 0,75 puntos o IPC real. Desta maneira, a revisión das táboas salariais e axudas de custos correspondentes ó ano 2001 serán realizadas a partir das do ano 2000 incrementadas en 3,45 puntos, correspondentes a 2,7 puntos do IPC real do ano 2001 máis 0,75 puntos. E en aplicación do artigo 31 do citado convenio, increméntanse as táboas e axudas de custos do ano 2001 xa revisadas en 2,75 puntos, correspondentes a 2 puntos de IPC previsto para o ano 2002 máis 0,75 puntos e ó salario, ademais, incrementaráselle a cantidade de 6,87 euros en concepto da perda de antigüidade, establecendo con estas operacións as táboas salariais e axudas de custos do ano 2002, tal e como aparecen reflectidas no anexo que se lle xunta a esta acta.
En canto ó artigo 33, acórdase revisa-las axudas de custos e desprazamentos nun incremento igual ó IPC real do ano 2001, que se situou en 2,7 puntos.
E sen máis asuntos que tratar, levántase a sesión, ás 18,30 horas da data arriba indicada, asinando, en sinal de conformidade, a totalidade dos asistentes.
ANEXO
Táboas salariais para o ano 2002
profesional salarial mensual anual ano 2001
Grupo
Nivel
Salario
Cómputo
Atrasos
I Técnico proxectista 680,92 A 10.548,57 A 67,10 A
Perito 665,19 A 10.328,35 A 65,64 A
ATS 665,19 A 10.328,35 A 65,64 A
Xefe administrativo 1ª 680,92 A 10.548,57 A 67,10 A
Encargado 665,19 A 10.328,35 A 65,64 A
II Delineante 649,42 A 10.107,57 A 64,18 A
Jefe administrativo 665,19 A 10.328,35 A 65,64 A
III Auxiliar analista 635,77 A 9.916,47 A 62,93 A
Oficial administrativo 1ª 649,42 A 10.107,57 A 64,18 A
Oficial administrativo 2ª 635,77 A 9.916,47 A 62,93 A
Auxiliar administrativo 621,10 A 9,711,09 A 61,57 A
Oficial de 1ª 649,42 A 10.107,57 A 64,18 A
Oficial de 2ª 635,77 A 9.916,47 A 62,93 A
Axudante 621,10 A 9.711,09 A 61,57 A
Peón especializado 608,57 A 9.535,67 A 60,42 A
Peón 593,34 A 9.322,45 A 59,01 A
Ordenanza 593,34 A 9.322,45 A 59,01 A
Garda e vixilante 593,34 A 9.322,45 A 59,01 A