Eu, Camilo J. García-Puertas Magariños, secretario do Xulgado do Social número dous de Santiago de Compostela, dou fe de que nestes autos de xuízo verbal número 697/2001, seguidos neste Xulgado do Social número dous de Santiago de Compostela, por instancia de Manuel Blanco Blanco, contra Construcciones Covilco 2000, S.L. e Fondo de Garantía Salarial, en reclamación de despedimento, se dictou, con data do 7 de febreiro de 2002, sentencia cunha decisión do teor literal seguinte:
«Que debo estima-la demanda promovida por Manuel Blanco Blanco contra a empresa Construcciones Covilco 2000, S.L. declarando improcedente o despedimento e condenando a empresa a readmiti-lo traballador nas mesmas condicións que
rexían antes de producirse o despedimento (2-10-2001) ou, a elección da empresa, a lle aboar unha indemnización de cento sesenta e seis mil trescentas oitenta e cinco pesetas (166.385 pesetas, 999,99 euros) e seiscentas cincuenta e catro mil trescentas trinta e seis pesetas (654.336 pesetas, 3.932,64 euros) en concepto de salarios de tramitación, así como os salarios que se puidesen devengar desde a data desta sentencia ata a data da súa notificación, a razón dun haber diario de 5.112 pesetas, 30,72 euros.
E para que lle sirva de notificación de sentencia a Construcciones Covilco 2000, S.L., con domicilio en Santiago de Compostela na rúa Alfredo Brañas, 18 Galerías A Lúa, baixo, local nº 10, hoxe en paradoiro descoñecido, facéndolles saber que contra ela cabe recurso de suplicación no prazo de cinco días».
E así mesmo, para que conste para efectos de publicación no Diario Oficial de Galicia, expido e asino esta cédula de notificación de sentencia, en Santiago de Compostela o 15 de febreiro de 2002.
O secretario xudicial
Rubricado