Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos número 749/2001 seguidos por instancia de Mª Carmen Sánchez Calvo e outros contra as empresas Vanilda Calviño Pardo e outras sobre salarios, nos que recaeu sentencia en data 25-2-2002 que, copiada nos particulares necesarios, di así:
Estimando a demanda formulada por Mª Carmen Sánchez Calvo, Mª Carmen Fraga Orgueira, Mª Luz Valiño Mallou, Marta Otero Bouzas e Mª Soledad Liñares Gómez, condeno as empresas Vanilda Calviño Pardo, Confecciones Rical, S.L. e Confecciones Fada, S.L., a que de forma solidaira lles aboen as
cantidades seguintes: a Sánchez Calvo 3.241,84 euros, Fraga Orgueira 3.781,95 euros, Valiño Mallou 2.740,47 euros, Otero Bouzas 3.970,67 euros e Liñares Gómez 2.262,83 euros.
Absolvo da demanda o Fondo de Garantía Salarial.
Notifíqueselles esta resolución ás partes, facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles a partir do día seguinte ó da súa notificación.
Prevese a empresa demandada de que, para recorrer, deberá acreditar ter ingresado na c/c de consignacións, código 5604.0000.60 749-2001 do Banco Bilbao-Vizcaya desta cidade, denominada Conta do Xulgado do Social Número Tres, o importe da condena e 150,25 euros en concepto de depósito, requisitos sen os cales non será admitido a trámite o recurso, quedando firme a sentencia.
Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo.
E para que conste, para efectos da súa publicación no Diario Oficial de Galicia co fin de que sirva de notificación en forma ás empresas Vanilda Calviño Pardo, Confecciones Rical, S.L. e Confecciones Fada, S.L., expido e asino esta cédula na Coruña o 25 de febreiro de 2002.
O secretario xudicial
Rubricado