Por medio deste edicto faise saber que, por parte do presidente do organismo autónomo Augas de Galicia, foi dictada resolución no expediente adminis
trativo que se detalla no extracto anexo a este edicto, referente á extinción do dereito ó uso privativo das augas por caducidade da concesión, nos termos previstos no texto refundido da Lei de augas, aprobado polo Real decreto legislativo 1/2001, do 20 de xullo. Ó ignorarse o enderezo do titular da concesión, por non constar no expediente, non se puido practica-la notificación individual desta resolución.
En consecuencia, de acordo co previsto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle ó interesado a resolución referida no anexo, contra a que poderá interpoñer recurso de alzada perante o conselleiro de Medio Ambiente, no prazo de un (1) mes contado desde a publicación deste edicto no Diario Oficial de Galicia, de acordo co contido dos artigos 114 e 115 da citada Lei 30/1992, na súa redacción dada pola Lei 4/1999, que a modifica.
Así mesmo, comunícaselle que o seu texto íntegro, xunto co resto das actuacións do expediente, se atopa á súa disposición nas oficinas do Departamento de Xestión do Dominio Público Hidráulico de Augas de Galicia (praza Camilo Díaz Valiño, 7-9, Santiago de Compostela).
Santiago de Compostela, 24 de xaneiro de 2002.
Francisco J. Pan Montojo-González
Presidente de Augas de Galicia
ANEXO
Expediente número: 12/109/4.
Persoa interesada: Eléctrica de Villozas, S.A.
Acto administrativo: resolución pola que se declara a caducidade da concesión outorgada por resolución da dirección dos servicios hidráulicos do norte de España, con data do 16 de xuño de 1955, a Eléctrica de Villozas, S.A., para o aproveitamento de 110 l/sg de augas do río Medio, nos concellos de Vilarmaior e Miño (A Coruña), con destino á producción de enerxía eléctrica, por interrupción permanente da explotación durante tres anos consecutivos por causa imputable ó titular e, en consecuencia, a extinción do dereito.