Visto o expediente da revisión salarial do convenio colectivo do sector do comercio de vendedores por xunto de froitas varias, hortalizas e plátanos, que tivo entrada nesta Delegación Provincial da Consellería de Xustiza, Interior e Relacións Laborais o día 20-2-2002, subscrito en representación da parte económica pola Asociación de Asentadores de Froitas Varias, Hortalizas e Plátanos, e, da parte social pola central sindical CC.OO. o día 29-1-2002, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordena-la súa inscrición no libro rexistro de convenios colectivos de traballo, que se atopa nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito do citado acordo no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 26 de febreiro de 2002.

Reyes Carabel Pedreira

Delegada provincial da Coruña

Acta da comisión paritaria do convenio de

comercial de vendedores por xunto de froitas varias, hortalizas

e plátanos

Asistentes:

Pola parte empresarial:

Víctor Dopico.

Pola parte social:

Olga Montes (CC.OO.).

Juan Esparza (CC.OO.).

José Ramón Grela (asesor-CC.OO.).

Na Coruña, 29 de xaneiro de 2002, ás 19 horas, reúnense nos locais da asociación empresarial as partes que á marxe se relacionan, na representación que presentan, e que compoñen a comisión paritaria do convenio colectivo provincial do comercio de vendedores de xunto de froitas varias, hortalizas e plátanos, co obxecto de proceder á actualización de salarios como consecuencia da desviación do IPC do ano 2001.

Para tal efecto constatan:

1º Que o artigo 22 do convenio colectivo establece que para o ano 2001 que: no caso de que o IPC o 31 de decembro de 2001 sexa superior ó previsto polo Goberno para o dito ano, regularízanse os salarios no dito exceso. O cálculo efectuarase sobre os salarios vixentes o 31 de decembro de 2000 e con efectos do 1 de xaneiro de 2001.

2º Que o IPC do período 1 de xaneiro ó 31 de decembro de 2001 é do 2,7%.

En virtude de todo o anterior, acordan:

Primeiro.-Proceder á revisión das táboas do ano 2001, conforme o exceso do IPC real do ano 2001 sobre o IPC previsto; o dito diferencial ascende ó 0,7%.

Segundo.-A revisión realízase conforme o pactado no artigo 22 do convenio colectivo.

Terceiro.-O complemento de transporte e as dietas pasan a te-la seguinte contía:

Complemento de transporte: 42,25 euros (6.863 pesetas).

Dietas:

Comida: 8,03 euros (1.336 pesetas).

Comida e cea: 12,23 euros (1.870 pesetas).

Comida, cea e durmida: 19,26 euros (3.204 pesetas).

Cuarto.-Acórdase remitir esta acta xunto coas táboas salariais anexas á autoridade laboral para que proceda a dar trámite ós actos relativos ó rexistro, depósito e publicación. Para tal efecto autorízase expresamente a José Ramón Grela para que dilixencie ante a autoridade laboral os ditos trámites.

E non tendo máis asuntos que tratar, sendo as 20 horas, levántase a reunión, asinando a acta tódolos asistentes en probas de conformidade.

Táboas salariais ano 2001

Sector de vendedores por xunto de froitas varias,

hortalizas e plátanos