Jaime Balado Yáñez, secretario xudicial do Xulgado do Social número dous da Coruña, dou fe e testemuño de que nos autos seguidos perante este Xulgado do Social, tramitados baixo o nº 843/2001, contra a empresa Crochee Coruña, S.L. sobre despedimento, dictouse a seguinte sentencia:
«A Coruña, 10 de decembro de 2001.
Jorge Hay Alba, maxistrado xuíz do Social número dous desta cidade, viu os presentes autos de xuízo nº 843/2001, seguidos por instancia de Anahi Benito Domec, maior de idade, asistida polo letrado José Miguel López Pérez, contra a empresa Crochee Coruña, S.L., que non compareceu, sendo obxecto da reclamación despedimento.
Seguen feitos e fundamentos xurídicos.
Decido que debo estimar e estimo a demanda interposta por Anahi Benito Domec e debo declarar e declaro improcedente o despedimento efectuado pola empresa Crochee Coruña, S.L., condenando a esta a que, no prazo de cinco días, opte pola readmisión inmediata da demandante, nas mesmas condicións
existentes con anterioridade, o aboamento de 15.299 pesetas como indemnización máis, en ámbolos dous casos, ó aboamento dos salarios de trámite correspondentes, a razón de 4.080 pesetas/día.
Notifíqueselles esta resolución ás partes, ás que se lles fará saber que contra ela só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo, se o recorrente non goza do beneficio da xustiza gratuíta, deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade, co número de conta 5603, clave 60, facendo constar no ingreso o número do expediente.
E así mesmo deberá, no momento de interpo-lo recurso, consigna-la cantidade de 25.000 pesetas en concepto de depósito, na clave 65 da citada conta e expediente.
Así, por esta miña sentencia, definitivamente xulgando en primeira instancia, pronúncioo, mándoo e asínoo».
E para que sirva de notificación á empresa Crochee Coruña, S.L. que ten o seu enderezo descoñecido, mediante a súa publicación no Diario Oficial de Galicia (DOG), expido e asino esta cédula na Coruña, 4 de febreiro de 2002.
O secretario xudicial
Rubricado
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA