Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño:

En autos seguidos perante este xulgado do social, tramitados baixo o nº 903/2001, por instancia de Francisco Javier Piñeiro Ferreiro, contra a empresa Manuel Rebollo Capillas e Fogasa sobre despedimento, dictouse a seguinte sentencia:

«Na cidade da Coruña 14 de xaneiro de 2002.

Jorge Hay Alba, maxistrado-xuíz do Xulgado do Social número dous desta cidade, viu os presentes

autos de xuízo nº 903/2001, seguidos por instancia de Francisco Javier Piñeiro Ferreiro, maior de idade, asistido pola graduado social Belén Matilla Cortés, contra a empresa Manuel Rebollo Capillas, que non comparece; e Fogasa, representado e asistido pola letrada Enma Pérez Díaz del Corral, sendo o obxecto da reclamación, despedimento.

Seguen feitos e fundamentos de dereito:

Decido que estimando a demanda interposta polo demandante Francisco Javier Piñeiro Ferreiro, intervindo o Fogasa, debo declarar e declaro improcedente o despedimento efectuado pola empresa Manuel Rebollo Capillas e extinguida a relación laboral na data da presente resolución, condenando a empresa a que lle aboe ó demandante a cantidade de 9.426,27 euros (1.568.515 pesetas) en concepto de indemnización.

Notifíqueselles esta resolución ás partes ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo se o recorrente no goza do beneficio da xustiza gratuíta deberá, ó anuncialo, entrega-lo resgardo acreditativo de consignación da cantidade obxecto da condena na conta de «depósitos e consignacións» que este xulgado ten aberta no BBV desta cidade, co número de conta 5603, clave 60, facendo constar no ingreso o número do expediente.

E, así mesmo, deberá, no momento de interpo-lo recurso, consigna-la cantidade de 25.000 pesetas en concepto de depósito, na clave 65 da citada conta e expediente.

Así, por esta miña sentencia, definitivamente xulgando en primeira instancia pronúncioo, mándoo e asínoo».

E para que lle sirva de notificación á empresa Manuel Rebollo Capillas mediante a súa publicación no Diario Oficial de Galicia, que ten o seu enderezo descoñecido, expido e asino esta cédula na Coruña o 14 de xaneiro de 2002.

O secretario xudicial

Rubricado