Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño nos autos seguidos perante este xulgado do social, tramitados baixo o número 490/2001 contra Inés Blas Aguiar e outra sobre salarios, dictouse a seguinte sentencia:
Na Coruña, 18 de xaneiro de 2002.
Jorge Hay Alba, maxistrado-xuíz do social número dous desta cidade, viu os presentes autos de xuízo número 490/2001 seguidos por instancia de Inés Blas Aguiar e María Teresa Fernández García, maiores de idade, asistidas pola letrada Cristina Gómez Lozano, contra a empresa Belan Textil, S.L., que non compareceu, e o FOGASA, representado e asistido polo letrado Ramón Novoa Cisneros, sendo o obxecto da reclamación, salarios.
Seguen feitos e fundamentos xurídicos.
Decido que debo estimar e estimo a demanda interposta por Inés Blas Aguiar e María Teresa Fernández García contra a empresa Belan Textil, S.L., con intervención do FOGASA, e debo condenar á empresa Belan Textil, S.L. a que lles aboe ás demandantes a cantidade de: a Inés Blas Aguiar, 5.084,53 euros (845.995 pesetas) e a María Teresa Fernández García, 7.599,61 euros (1.264.468 pesetas) polos conceptos reclamados na demanda.
Notifíqueselles esta resolución ás partes, ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contado a partir da notificación desta sentencia, e no propio termo se o recorrente non goza do beneficio da xustiza gratuíta deberá, ó anuncialo, entrega-lo xustificante acreditativo de consignación da cantidade de 25.000 pesetas na conta de depósitos e consignacións que este xulgado ten aberta no BBV desta cidade, co número da conta 5603, clave 65, facendo constar no ingreso o número do expediente.
Así, por esta miña sentencia, definitivamente xulgando en primeira instancia pronúncioo, mándoo e asínoo.
E para que sirva de notificación á empresa Belan Textil, S.L. mediante a súa publicación no Diario Oficial de Galicia, que ten o seu enderezo descoñecido, expido e asino esta cédula na Coruña, 18 de xaneiro de 2002.
O secretario xudicial
Rubricado