Jaime Balado Yáñez, secretario xudicial do Xulgado do Social número dous da Coruña, dou fe e testemuño:
En autos seguidos perante este Xulgado do Xocial, tramitados baixo o nº 461/2001 por instancia de
Carlos Fernández García, Susana Martínez Fiaño e Damaris Vázquez Rodríguez, contra a empresa Josefa Pilar Rodríguez García e o Fogasa, sobre salarios, dictouse a seguinte sentencia:
«Na cidade da Coruña, 16 de xaneiro de 2002. Jorge Hay Alba, maxistrado xuíz do Social número dous desta cidade, viu os presentes autos de xuízo nº 461/2001, seguidos por instancia de Carlos Fernández García, Susana Martínez Fiaño e Damaris Vázquez Rodríguez, maiores de idade, o primeiro representado e asistido polo letrado Felipe Martínez Ramonde e os restantes asistidos polo anterior letrado, contra a empresa Josefa Pilar Rodríguez García, que non compareceu en autos; e o Fogasa, representado e asistido polo letrado Ramón Novoa Cisneros, sendo o obxecto da reclamación salarios.
Seguen feitos e fundamentos de dereito.
Decido que, estimando a demanda interposta polos demandantes, contra a empresa Josefa Pilar Rodríguez García, intervindo o Fogasa, debo condenar e condeno a demandada a que lles aboe ós demandantes as cantidades seguintes: a Carlos Fernández García 1.986,05 euros (330.451 pesetas); a Susana Martínez Fiaño 1.558,33 euros (259.284 pesetas) e a Damaris Vázquez Rodríguez 1.965,44 euros (327.021 pesetas), polos conceptos reclamados na demanda.
Notifíqueselles esta resolución ás partes, ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contado a partir da notificación desta sentencia, e no propio termo, se o recorrente non goza do beneficio da xustiza gratuíta, deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBVA desta cidade, co número de conta 5603, clave 60, facendo constar no ingreso o número do expediente.
E así mesmo deberá, no momento de interpo-lo recurso, consigna-la cantidade de 25.000 pesetas en concepto de depósito, na clave 65 da citada conta e expediente.
Así, por esta miña sentencia, definitivamente xulgando en primeira instancia, pronúncioo, mándoo e asínoo».
E para que lle sirva de notificación á empresa Josefa Pilar Rodríguez García, mediante a súa publicación no Diario Oficial de Galicia, que ten o sen enderezo descoñecido, expido e asino esta cédula na Coruña o 16 de xaneiro de 2002.
O secretario xudicial
Rubricado