Jaime Balado Yáñez, secretario xudicial do Xulgado do Social número dous da Coruña, dou fe e testemuño; en autos seguidos perante este Xulgado do Social tramitados baixo o número 298/2001 por instancia da Mutua Gallega Accidentes de Trabajo contra INSS e outros sobre resp. prestacións e reintegro, dictouse a seguinte sentencia:
«Na cidade da Coruña, o 2 de xaneiro de 2002.
Jorge Hay Alba, maxistrado-xuíz do Xulgado do Social número dous desta cidade, viu os presentes autos de xuízo número 298/2001 seguidos a instancia de Mutua Gallega de Accidentes de Trabajo, representada e asistida pola letrada Sonsoles Sueiro Lemus, contra o INSS, representado e asistido polo letrado Francisco Requejo Gutiérrez; a TXSS e a empresa Soluciones Constructivas Gallegas, S.L., que non compareceu nos autos, sendo o obxecto da reclamación responsabilidade prestacións e reintegro.
Seguen feitos e fundamentos de dereito.
Decido que estimando a demanda interposta pola Mutua Gallega de Accidentes de Trabajo contra, debo declarar e declaro á empresa Soluciones Constructivas Gallegas, S.L. responsable directa do aboamento de tódalas prestacións a que ten dereito Francisco Pesado Jamardo, a raíz do accidente de traballo de 12-8-1999, declarándose a responsabilidade subsidiaria do INSS e TXSS para o suposto de insolvencia da empresa e, en consecuencia, debo con
denar e condeno con carácter principal a empresa Soluciones Constructivas Gallegas, S.L. e o INSS e TXSS con carácter subsidiario a reintegrar á Mutua Gallega de Accidentes de Trabajo a cantidade de 3.147,24 euros (523.657 pesetas).
Notifíqueselles esta resolución ás partes ás que se fará saber que a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días a contar a partir da notificación desta sentencia, e no propio termo se o recurrente non goza do beneficio da xustiza gratuíta deberá ó anuncialo entrega-lo xustificante acreditativo de consignación da cantidade de 150,25 euros (25.000 pesetas) na conta de depósitos e consignacións que este xulgado ten aberta no BBV desta cidade co número de conta 5603 clave 65, facendo constar no ingreso o número do expediente.
Así, por esta miña sentencia, definitivamente xulgando en primeira instancia, pronúncioo, mándoo e asínoo».
E para que sirva de notificación á empresa Soluciones Constructivas Gallegas, S.L. mediante a súa publicación no Diario Oficial de Galicia, que ten o seu enderezo descoñecido, expido e asino esta cédula na Coruña, o 2 de xaneiro de 2002.
O secretario xudicial
Rubricado