O artigo 11 da Lei 46/1998, do 17 de decembro, sobre introducción do euro, modificada pola Lei 9/2001, do 4 de xuño, establece os criterios para efectua-la redenominación en euros dos valores monetarios expresados en pesetas.

De acordo coa nova redacción dada ó artigo, márcanse os criterios para a adaptación das escalas e baremos de sancións pecuniarias con importes monetarios expresados en pesetas.

Co fin de evitar aqueles problemas que puidesen xurdir na interpretación dos criterios da Lei 46/1998 ós valores recollidos para as sancións tanto na Lei 6/1991, do 15 de maio, de infraccións en materia de protección de recursos marítimo-pesqueiros como no Decreto 426/1993, do 17 de decembro, polo que se refunde a normativa vixente de desenvolvemento de determinados preceptos da devandita lei e de dar publicidade ós novos importes en euros, estímase oportuna a publicación desta resolución.

Polo anterior, en virtude das funcións atribuídas á Secretaría Xeral da Consellería de Pesca e Asuntos Marítimos polo Decreto 109/1998, do 5 de marzo, polo que se regula a estructura orgánica da Consellería de Pesca e Asuntos Marítimos.

DISPOÑO:

Primeiro.-Esta resolución ten por obxecto dar publicidade á redenominación en euros das sancións contidas na Lei 6/1991, do 15 de maio, de infraccións en materia de protección de recursos marítimo-pesqueiros, así como ás contías que para a gradación das referidas sancións se teñen en conta no Decreto 426/1993, do 17 de decembro, polo que se refunde a normativa vixente de desenvolvemento de determinados preceptos da Lei 6/1991, do 15 de maio.

Segundo.-A conversión dos valores en pesetas a euros que se inclúe como anexo a esta resolución non supón senón a plasmación dos criterios recollidos na Lei 46/1998, do 26 de decembro, do euro, de acordo coa redacción dada pola Lei 9/2001, do 4 de xuño, e especificamente, dos contidos no seu artigo 11, sen que en ningún caso, se pretenda altera-los aspectos substantivos das normas que aproban e regulan os devanditos valores.

Santiago de Compostela, 16 de xaneiro de 2002.

Miguel Ángel López Sieiro

Secretario xeral da Consellería de Pesca

e Asuntos Marítimos

ANEXO

Lei 6/1991, do 15 de maio, de infraccións en materia de protección de recursos marítimo-pesqueiros.

Decreto 426/1993, do 17 de decembro, polo que se refunde a normativa vixente de desenvolvemento de determinados preceptos da Lei 6/1991, do 15 de maio, de infraccións en materia de protección de recursos marítimo-pesqueiros.