A teor do artigo 9 da Lei 3/1993, do 22 de marzo, básica das Cámaras de Comercio, Industria e Nave

gación, o Ministerio de Industria, Comercio e Turismo (actualmente, o Ministerio de Economía) determinará a apertura do proceso electoral, logo da consulta coas comunidades autónomas que teñan atribuída a competencia nesta materia, dándose cumprimento ó dito precepto por medio da Orde do 25 de xuño de 2001 pola que se declara aberto o proceso electoral para a renovación dos Plenos das Cámaras Oficiais de Comercio, Industria e Navegación de España e o seu Consello Superior.

Por outra banda, segundo o mesmo artigo 9 da Lei 3/1993, do 22 de marzo, básica das Cámaras de Comercio, Industria e Navegación, correspóndelle á Administración tutelante a convocatoria de eleccións, establecéndose no artigo 7 do Decreto 116/1997, do 14 de maio, polo que se regula o réxime electoral das Cámaras Oficiais de Comercio, Industria e Navegación da Comunidade Autónoma de Galicia, que transcorridos os prazos de presentación de reclamacións sobre a inclusión ou exclusión das empresas nos grupos e categorías correspondentes, a dirección xeral competente procederá logo da consulta ás cámaras, a convoca-las eleccións.

Por todo isto, en cumprimento do artigo 7 do Decreto 116/1997, do 14 de maio, polo que se regula o réxime electoral das Cámaras Oficiais de Comercio, Industria e Navegación da Comunidade Autónoma de Galicia e logo da consulta ás cámaras,

DISPOÑO:

1. Convoca-las eleccións para a renovación dos Plenos das Cámaras Oficiais de Comercio, Industria e Navegación de Galicia.

2. As xuntas electorais, a razón dunha por cada Cámara Oficial de Comercio, Industria e Navegación, terán as súas sedes nos enderezos sociais delas.

3. A elección dos vocais ós que fai referencia o artigo 7.1.a).1 da Lei 3/1993, do 22 de marzo, básica das Cámaras de Comercio, Industria e Navegación de España celebrarase para tódolos grupos e categorías o 4 de abril de 2002, permanecendo abertos os colexios electorais desde as nove horas ata as vintedúas horas.

4. Para os efectos de proceder á elección dos vocais ós que fai referencia o artigo 7.1.a).2 da Lei 3/1993, do 22 de marzo, básica das Cámaras de Comercio, Industria e Navegación de España, a Confederación de Empresarios de Galicia remitiralle á secretaria de cada cámara antes de que transcorra o prazo para a toma de posesión dos membros electos unha lista de candidatos entre persoas de recoñecido prestixio na vida económica dentro da circunscrición da cámara. O número de candidatos que se van presentar para cada cámara serán os seguintes:

-Cámara Oficial de Comercio, Industria e Navegación da Coruña, 11 candidatos para elixir 8 vocais.

-Cámara Oficial de Comercio, Industria e Navegación de Ferrol, 6 candidatos para elixir 4 vocais.

-Cámara Oficial de Comercio, Industria e Navegación de Lugo, 4 candidatos para elixir 3 vocais.

-Cámara Oficial de Comercio e Industria de Ourense, 6 candidatos para elexir 4 vocais.

-Cámara Oficial de Comercio, Industria e Navegación de Pontevedra, 6 candidatos para elixir 4 vocais.

-Cámara Oficial de Comercio, Industria e Navegación de Santiago de Compostela, 4 candidatos para elixir 3 vocais.

-Cámara Oficial de Comercio, Industria e Navegación de Tui, 3 candidatos para elixir 2 vocais.

-Cámara Oficial de Comercio, Industria e Navegación de Vigo, 11 candidatos para elixir 8 vocais.

-Cámara Oficial de Comercio, Industria e Navegación de Vilagarcía de Arousa, 3 candidatos para elixir 2 vocais.

Santiago de Compostela, 17 de xaneiro de 2002.

Victor Tello Calvo

Director xeral de Comercio e Consumo