Por orde desta consellería, do 2 de novembro de 1995 (DOG nº 213, do 7 de novembro), procedeuse á regulación, con carácter provisional, do padroado da fundación Manuel Ventura Figueroa, instituído no ano 1784 polos testamenteiros de Manuel Ventura Figueroa, patriarca das Indias, arcebispo de Laodicea e gobernador do Consello e Cámara de Castela.
Restablecida a actividade fundacional e con obxecto de conseguir unha maior funcionalidade para a consecución dos fins fundacionais, fíxose necesario proceder á modificación do padroado regulado pola citada Orde do 2 de novembro de 1995 e, en consecuencia, dictouse a Orde do 2 de novembro de 2001 (DOG nº 87, do 7 de maio) pola que se modifica a do 2 de novembro de 1995, pola que se nomea con carácter provisional o padroado da fundación.
No artigo único desta orde noméase con carácter provisional o padroado da fundación e correspóndelle á Consellería da Presidencia, Relacións Institucionais e Administración Pública a designación de tres vocais, dos que alomenos dous serán parentes do fundador.
Na súa virtude,
DISPOÑO:
Artigo único.-Nomear a Julio Astray Túñez, en grao de parentesco 2º con 8º co fundador, vocal do padroado da fundación benéfica Manuel Ventura Figueroa.
Disposición adicional
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 24 de xaneiro de 2002.
Jaime Pita Varela
Conselleiro da Presidencia, Relacións
Institucionais e Administración Pública