Jaime Balado Yáñez, secretario xudicial do Xulgado do Social número dous da Coruña, dou fe e testemuño en autos seguidos perante este xulgado do social, tramitados baixo o número 237/2001 contra empresa Transportes y Excavaciones Codetrans, S.L., sobre xubilación, dictouse a seguinte sentencia:
«Na cidade da Coruña, dezaseis de novembro de dous mil un, Jorge Hay Alba, maxistrado-xuíz do social número dous desta cidade, viu os presentes autos de xuízo número 237/2001, seguidos por instancia de Ángel Tomé Suárez, maior de idade, asistido pola letrada Belén Pousada Vales, contra o Instituto Nacional da Seguridade Social, representado e asistido pola letrada Belén Guerra Díaz, a Tesourería Xeral da Seguridade Social, que non compareceu, a empresa Transportes y Excavaciones Codetrans, S.L., que non compareceu, sendo o obxecto da reclamación, xubilación, seguen feitos e fundamentos de dereito.
Decido que, estimando parcialmente a demanda interposta polo demandante Ángel Tomé Suárez contra o Instituto Nacional da Seguridade Social, a Tesourería Xeral da Seguridade Social e a empresa Transportes y Excavaciones Codetrans, S.L., debo declarar e declaro que a base reguladora da pensión de xubilación do actor ascende a 96.579 pesetas, condenando ás entidades demandadas a estar e pasar pola dita declaración, e o Instituto Nacional da Seguridade Social ó seu anticipo na contía regulamentaria, con efectos do 6-4-2000, coa responsabilidade
empresarial da empresa Transportes y Excavaciones Codetrans, S.L.
Notifíqueselles esta resolución ás partes, ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, do que coñecerá, se é o caso, a Sala do Social do Tribunal Superior de Xustiza de Galicia, tal como establece o artigo 188 do texto refundido da lei, aprobado polo Real decreto lexislativo 2/1995, do 7 de abril.
Así, por esta miña sentencia, definitivamente xulgado en primeira instancia, pronúncioo, mándoo e asínoo».
E para que sirva de notificación a Transportes y Excavaciones Codetrans, S.L. mediante a súa publicación no Diario Oficial de Galicia, que ten o seu enderezo descoñecido, expido e asino esta cédula na Coruña o 16 de novembro de 2001.
O secretario xudicial
Rubricado