Juan Rey Pita, secretario do Xulgado do Social número tres da Courña, dou fe e certifico que neste
xulgado se seguen autos número 639/2001 seguidos por instancia de Eulogio García Fernández contra Caridad y Otero Asociados, S.L. e outro sobre despedimento, nos que recaeu sentencia en data 15-10-2001 que, copiada nos particulares necesarios, dí así:
Que estimando a demanda formulada por Eulogio García Fernández, declaro a improcedencia do seu despedimento e condeno a empresa Caridad e Otero Asociados, S.L., a que, á súa elección, que debe efectuar no prazo de cinco días, o readmita no seu posto e condicións de traballo ou o indemnice coa cantidade de 163.104 pesetas, con aboamento en todo caso dos salarios deixados de percibir desde a data do despedimento ata a da notificación desta sentencia, e que ata a data ascenden á cantidade de 501.480 pesetas.
Absolvo da demanda o Fondo de Garantía Salarial.
Notifíqueselle-la presente resolución as partes, facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles a partir do día seguinte ó da súa notificación.
Prevese a empresa demandada de que para recorrer deberá acreditar ter ingresado na c/c de consignacións 5604.0000.60 639-2001 do Banco Vizcaya desta cidade, denominada Conta do Xulgado do Social número tres o importe da condena e 25.000 pesetas en concepto de depósito, requisitos sen os cales non será admitido a trámite o recurso, quedando firme a sentencia.
Así mesmo advírteselle á parte demandada de que, se fai uso de tal dereito, optando pola readmisión durante a sustanciación do procedemento deberá aboarlle á parte demandante o mesmo salario que percibiría, estando obrigada esta a prestarlle os seus servicios á demandada, a menos que esta prefira facer uso de tal aboamento sen percibir compensación por parte da demandante.
Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo.
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Caridad e Otero, Asociados, S.L. expido e asino esta cédula na Coruña o 14 de novembro de 2001.
O secretario xudicial
Rubricado