Por Orde do 15 de febreiro de 2001 (DOG do 5 de marzo), publicouse a convocatoria para a concesión de axudas a conservatorios de música públicos non dependentes da Consellería de Educación e Ordenación Universitaria.

Por Orde do 6 de xuño de 2001 (DOG do 28 de xuño), publicouse a concesión destas axudas. Nesta orde houbo erros na adxudicación, polo que é preciso publicar unha nova orde de concesión de axudas.

Valoradas as solicitudes e elevada a proposta de concesión destas axudas pola comisión constituída segundo o punto sétimo da orde de convocatoria, a Consellería de Educación e Ordenación Universitaria

DISPÓN:

Primeiro.-Deixar sen efectos a Orde do 6 de xuño de 2001 (DOG do 28 de xuño) pola que se conceden axudas a conservatorios de música públicos non

dependentes da Consellería de Educación e Ordenación Universitaria.

Segundo.-Concedérlle-las axudas, nas contías que se sinalan, ós conservatorios de música públicos que se relacionan no anexo I a esta orde.

Terceiro.-Amplíase o prazo para a xustificación completa dos gastos realizados ata o 31 de decembro de 2001. Para facer efectivo o pagamento das axudas, os beneficiarios presentarán esta xustificación na Dirección Xeral de Centros e Inspección Educativa, Subdirección Xeral de Centros, Servicio de Xestión de Programas Educativos.

Cuarto.-Contra esta orde, que esgota a vía administrativa, os interesados poderán interpoñer recurso potestativo de reposición no prazo dun mes, contado a partir do día seguinte ó da publicación no Diario Oficial de Galicia, perante o conselleiro de Educación e Ordenación Universitaria, segundo o disposto na Lei 4/1999, do 13 de xaneiro (BOE do 14 de xaneiro), de modificación da Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27 de novembro), ou ben poderán presentar directamente recurso contencioso-administrativo, perante o Tribunal Superior de Xustiza de Galicia, no prazo de dous meses contados a partir do día seguinte ó da súa publicación, conforme se establece na Lei 29/1998, do 13 de xullo, reguladora da xurisdicción contencioso-administrativa (BOE do 14 de xullo).

Santiago de Compostela, 21 de novembro de 2001.

Celso Currás Fernández

Conselleiro de Educación e Ordenación Universitaria

ANEXO I