Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 137/2001, por instancia de José Manuel Canedo Cardama e outros contra Seijo Fontaneros, S.L. e Fogasa, sobre salarios, nos que recaeu sentencia en data 18-10-2001 que, copiada nos particulares necesarios, di así:
«Decido que, estimando a demanda promovida por José Manuel Canedo Cardama, Miguel González Fraga e Alberto Fraga Rabuñal, contra a empresa Seijo Fontaneros, S.L. e Fogasa, debo condenar e condeno a demandada a que lle aboe á actora as cantidades de 442.567 pesetas para o primeiro deles, 378.022 pesetas para o segundo e 403.168 pesetas para o terceiro deles, por tódolos conceptos reclamados na demanda.
Así, por esta miña sentencia, contra a que poderá recorrerse en suplicación perante a Sala do Social do Tribunal Superior de Xustiza de Galicia, no prazo de cinco días contado desde o seguinte ó da súa notificación, anunciando o propósito de presentalo mediante comparecencia ou por escrito, sendo indispensable que, ó tempo de anuncialo, recorrente, se é empresario, exhiba diante deste Xulgado do Social o xustificante acreditativo de ter depositado no Banco Bilbao Vizcaya, oficina principal desta cidade, na conta corrente deste xulgado, número 5605, clave 60, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito sen o cal non poderá terse por anunciado o recurso e quedará firme a sentencia, debendo consignar ademais a cantidade de 25.000 pesetas na
mesma conta, clave 65, entregándose o xustificante na secretaría ó tempo de interpoñe-lo recurso, declarándose este desistido de non constituírse o dito depósito na forma indicada, definitivamente xulgando en primeira instancia, pronúncioo, mándooo e asino».
E para que conste, para efectos da súa publicación no Diario Oficial de Galicia, co fin de que sirva de notificación á empresa Seijo Fontaneros, S.L., expido e asino esta cédula na Coruña, o 30 de outubro de 2001.
A secretaria xudicial
Rubricado
