Ana María Carrasco García, secretaria do Xulgado do Social número catro da Coruña.
Dou fe e certifico que neste xulgado se seguen autos número 640/2001, por instancia de María Dolores Amado López contra Cablogis, S.L. e outra sobre despedimento nos que recaeu sentencia con data do 22-10-2001 que, copiada nos particulares necesarios, di así:
«Fallo que estimando a demanda promovida por María Dolores Amado López contra Cablogis, S.L. e Centrans Servivio Inmediato, S.L. debo declarar e declaro improcedente o despedimento efectuado á actora, e así mesmo extinguida a relación laboral ó día de hoxe condenando as demandas a que indemnicen a demandante respondendo solidariamente do seu aboamento, na cantidade de 359.592 pesetas en concepto de indemnización, e ó aboamento dos salarios deixados de percibir desde a data do despedimento e ata o día de hoxe que ascenden á suma de 332.552 pesetas.
Así, por esta a miña sentencia, contra a que poderá recorrerse e, suplicación perante a Sala do Social do Tribunal Superior de Xustiza de Galicia no prazo de cinco días contada desde o seguinte ó da súa notificación, anunciando o propósito de presentalo mediante comparecencia ou por escrito, sendo indispensable que o tempo de anuncialo o recorrente, se é empresario, exhiba diante deste Xulgado do Social o xustificante acreditativo de ter depositado no Banco de Bilbao Vizcaya, oficina principal desta
cidade, na conta corrente deste xulgado, número 5.605, clave 60 a cantidade obxecto de condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito este sen o cal non poderá terse por anunciado o recurso e quedará firme a sentencia. Debendo consignar ademais a cantidade de 25.000 pesetas na mesma conta, clave 65, entregándose o xustificante na secretaría ó tempo de interpoñe-lo recurso, declarándose este desistido de non constituírse o dito depósito na forma indicada, definitivamente xulgando en primeira instancia, pronúncioo, mándoo e asinoo».
E para que conste, para efectos da súa publicación no Diario Oficial de Galicia, o fin de que sirva de notificación á empresa, expido e asino a presente cédula na Coruña.
O secretario xudicial
Rubricado