A Orde do 6 de xullo de 2001 (DOG do 1 de agosto), pola que se aproban as bases que rexerán as convocatorias de axudas e de bolsas correspondentes ó Programa de Investigación Agraria do Plan Galego de Investigación e Desenvolvemento Tecnolóxico, prevé no seu anexo III a concesión de axudas para a adquisición de infraestructura científica por parte de grupos de centros públicos de investigación agraria non universitarios e non dependentes da Administración central.
A selección das solicitudes e a determinación da contía das axudas foi realizada pola comisión de selección segundo o establecido no punto 8 do anexo III da orde citada con anterioridade.
En consecuencia, e atendendo á proposta elaborada pola comisión de selección en virtude das competencias atribuídas ás consellerías de Agricultura, Gandería e Política Agroalimentaria e da Presidencia e Administración Pública,
RESOLVEMOS:
Primeiro.-Informar favorablemente, de acordo coa proposta elaborada pola comisión de selección, as solicitudes para a adquisición de infraestructura científica por parte de grupos de centros públicos de investigación agraria non universitarios e non dependentes da Administración central dos investigadores que se relacionan no anexo desta resolución, na contía e polas anualidades que, en cada caso, se sinalan.
A Secretaría Xeral de Investigación e Desenvolvemento procederá a efectua-las oportunas retencións de crédito polos importes concedidos co obxecto de que por parte da Consellería de Agricultura, Gandería e Política Agroalimentaria se proceda a
unha ampliación de crédito segundo o previsto no artigo 64.1º g) da Lei 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia co fin de proceder á adquisición do equipamento correspondente.
Segundo.-A inobservancia por parte dos beneficiarios de calquera das bases establecidas na referida orde de convocatoria supoñerá a perda do dereito a percibi-la axuda correspondente.
Terceiro.-Contra esta resolución, que esgota a vía administrativa, poderán os interesados interpoñer recurso potestativo de reposición ante o conselleiro de Agricultura, Gandería e Política Agroalimentaria ou ante o conselleiro da Presidencia e Administración Pública, no prazo dun mes, contado a partir do día seguinte ó da publicación desta resolución no Diario Oficial de Galicia consonte o establecido nos artigos 116 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro. De non estima-la interposición deste recurso,
poderán interpoñer recurso contencioso-administrativo anta a Sala do Contencioso-Administativo do Tribunal Superior de Xustiza de Galicia, de acordo co establecido nos artigos 10 e 46 da Lei 29/1998, do 13 de xuño, no prazo de dous meses, contados a partir do día seguinte ó da publicación desta resolución no Diario Oficial de Galicia e sen prexuízo de que os interesados poidan exercer calquera outro que consideren oportuno.
Disposición derradeira
Esta resolución entrará en vigor o día seguinte ó da súa publicación no Diario Oficial de Galicia.
Santiago de Compostela, 23 de outubro de 2001.
P.D. (Orde 6-7-2001,P.D. (Orde 6-7-2001,
DOG do 1 de agosto)DOG do 1 de agosto)
Alejandro Martínez-GeijoMiguel Ángel Ríos Fernández
Nogueira-Soares Secretario xeral de Investigación
Director xeral dee Desenvolvemento
Desenvolvemento Rural
ANEXO
pesetas
Beneficiario Organismo Código proxecto Material Subvención
Gonzalo Flores Calvete Centro de Investigacións Agrarias de Mabegondo PGIDT01AGR50301IF Analizador de fluxo continuo para análise automática de mostras de forraxes 14.500.000
Jesús Moreno González Centro de Investigacións Agrarias de Mabegondo PGIDT01AGR50302IF Sistema de análise automática xenética para fragmentos de ADN 14.900.000
Lorenzo Montserrat Bermejo Centro de Investigacións Agrarias de Mabegondo PGIDT01AGR50303IF Cromatógrafo para texturómetro 12.400.000
Alberto Oliveira Prendes Centro de Investigacións Agrarias de Mabegondo PGIDT01AGR50304IF Unidade de recolleita de cereais e pratenses 14.000.000
Juan Piñeiro Andión Centro de Investigacións Agrarias de Mabegondo PGIDT01AGR50305IF Unidade de limpeza e clasificación de sementes de cereais e pratenses 10.300.000
Importe total: 66.100.000 pesetas