Para dar cumprimento ó solicitado polo Tribunal Superior de Xustiza de Galicia, Sala do Contencioso-Administrativo, Sección Primeira, en relación co recurso 1161/2001 interposto por Barras Eléctricas Galaico-Asturianas, S.A. (BEGASA), contra inactividade administrativa da Consellería da Presidencia e Administración Pública polo non pagamento da subministración da enerxía eléctrica do edificio multiusos sito na r/ Ronda da Muralla 70, Lugo, esta consellería resolveu ordena-la remisión do expediente administrativo ó dito xulgado.
O que se notifica para xeral coñecemento de tódalas persoas interesadas no procedemento, co fin de que poidan comparecer e constituírse en parte nos ditos autos no Tribunal Superior de Xustiza de Galicia, Sala do Contencioso-Administrativo, Sección Primeira, no prazo de nove (9) días contados desde
o día seguinte ó da publicación desta resolución no Diario Oficial de Galicia, segundo dispón o artigo 49 da Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 24 de outubro de 2001.
Pablo Figueroa Dorrego
Secretario xeral da Consellería da Presidencia
e Administración Pública