Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño de que en autos seguidos perante este Xulgado do Social tramitados baixo o número 39/2001, contra a empresa Oxilema, S.L. sobre salarios, dictouse a seguinte setencia:
«Na Coruña, 6 de xuño de 2001.
Jorge Hay Alba, maxistrado xuíz do Social número dous desta cidade, viu os presentes autos de xuízo número 39/2001, seguidos por instancia de Celia Añón Antelo, José Antonio López Caamaño e José Antonio Rodríguez Pereira, maiores de idade, asistidos polo letrado José Nogueira Esmorís, contra a empresa Oxilema, S.L., que non compareceu nos autos, sendo o obxecto da reclamación salarios.
Seguen feitos e fundamentos de dereito.
Decido que debo estimar e estimo a demanda interposta polos demandantes contra a empresa Oxilema, S.L., condenando a demandada a aboar a cada un dos demandantes as seguintes cantidades: a Celia Añón Antelo 481.573 pesetas; a José Antonio López Caamaño 1.057.934 pesetas e a José Antonio Rodríguez Pereira 997.102 pesetas por tódolos conceptos reclamados na demanda.
Notifíqueselles esta resolución ás partes, ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo, se o recorrente non goza do beneficio da xustiza gratuíta deberá, ó anuncialo, entrega-lo xustificante acreditativo de consignación da cantidade de 25.000 pesetas na conta de depósitos e consignacións que este xulgado ten aberta no BBV desta cidade, co número de conta 5603, clave 65, facendo constar no ingreso o número do expediente.
Así, por esta miña sentencia, definitivamente xulgando en primeira instancia, pronúncioo, mándoo e asínoo».
E para que lle sirva de notificación á empresa Oxilema, S.L., que ten o seu enderezo descoñecido, mediante a súa publicación no Diario Oficial de Galicia, expido e asino esta cédula na Coruña o 27 de setembro de 2001.
O secretario xudicial
Rubricado
