Eu, Jaime Balado Yáñez, secretario xudicial do Xulgado do Social número dous da Coruña, dou fe e testimonio:
En autos seguidos perante este Xulgado do Social, tramitados baixo o número 632/2001, por instancia de Albino Rodríguez Diéguez e outro contra a empresa Losas Iglesias Hermanos, S.L. sobre despedimento, dictouse a seguinte sentencia:
«Na Coruña o 25 de setembro de 2001.
Jorge Hay Alba, maxistrado-xuíz do Xulgado Social número dous desta cidade, viu os presentes autos de xuízo número 632/2001, seguidos por instancia de Albino Rodríguez Diéguez e Manuel Picos Penabad, maiores de idade, asistidos por José Páramo
Sureda, contra a empresa Losas Iglesias Hermanos, S.L., que non compareceu nos autos e o Fondo de Garantía Salarial, representado e asistido pola letrada María Paz Gómez, sendo o obxecto da reclamación, despedimento.
Seguen feitos e fundamentos de dereito.
Decido que, desestimando a excepción de caducidade e estimando a demanda interposta polos demandantes, intervindo o Fondo de Garantía Salarial, debo declarar e declaro improcedente o despedimento efectuado pola empresa Losas Iglesias Hermanos, S.L. e extinguida a relación laboral, condenando á empresa a aboar ós demandantes ás seguintes cantidades: a Albino Rodríguez Diéguez, 66.000 pesetas como indemnización e 478.500 pesetas por salarios de tramitación; a Manuel Picos Penabad, 443.125 pesetas como indemnización e 366.300 pesetas como salarios de tramitación.
Notifíqueselles esta resolución ás partes, ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo, se o recorrente non goza do beneficio da xustiza gratuíta deberá, ó anuncialo, entrega-lo resgardo acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade, co número de conta 5603, clave 60, facendo constar no ingreso o número do expediente.
E así mesmo deberá, no momento de interpo-lo recurso, consigna-la cantidade de 25.000 pesetas en concepto de depósito na clave 65 da citada conta e expediente.
Así, por esta miña sentencia, definitivamente xulgando en primeira instancia pronúncioo, mándoo e asínoo.
O secretario xudicial
Rubricado