Visto o expediente da revisión salarial do convenio colectivo da empresa Ártabra, S.A. que tivo entrada nesta delegación provincial o día 22-8-2001, subscrito en representación da parte económica pola empresa e da parte social, polos delegados de persoal o día 20-8-2001, de conformidade co disposto no art. 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, existente nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación (SMAC).
Terceiro.-Dispoñe-la súa publicación no Diario Oficial de Galicia.
A Coruña, 4 de setembro de 2001.
María Silva Costoya
Delegada provincial da Coruña
Acta inicial
Empresa:
José Ignacio Lago Sánchez
Manuel Batallán Casas
Traballadores:
José Vicente Pérez Monelos.
José Juan Dopico Ferreiro.
Francisco J. Vilela García.
Asesor:
Roberto Veira López-UGT.
Fernando Vázquez Martínez-UGT.
En Arteixo, o 22 de marzo de 2001, ás 17 horas, reúnense nos locais da empresa Ártabra, S.A., as representacións que á marxe se relacionan, co obxecto de inicia-las deliberacións do convenio de empresa e, con tal motivo, acordan:
1. Recoñecerse e lexitimarse con capacidade suficiente para negociar e alcanzar acordos no convenio colectivo mencionado.
2. Propor como data orientativa para as reunións os xoves de cada semana ás 17 horas.
3. Designar como secretario da comisión negociadora a Roberto Veira.
4. A representación dos traballadores fai entrega nesta reunión á representación empresarial da súa proposta de convenio para o ano 2001.
Sen máis asuntos que tratar, levántase a sesión, na hora e data arriba indicadas. Asinan todolos presentes esta acta, en proba de conformidade.
Acta derradeira
En Arteixo, o 20 de agosto de 2001, ás 17.30 horas, reúnense nos locais da empresa Ártabra, S.A. as partes que á marxe se relacionan, membros da comisión deliberadora do convenio colectivo da empresa Ártabra, S.A. e, despois das sucesivas reunións por ambas partes, acordan:
1. Prorroga-lo texto do convenio colectivo publicado no BOP o día 3-2-2001, coas seguintes modificacións:
Artigo 2º.-Vixencia.
Desde o 1 de xaneiro ó 31 de decembro de 2001.
Artigo 3º.-Cláusula de revisión salarial.
Se a evolución do IPC durante o ano 2001 fose superior ó 4%, efectuarase unha revisión salarial de tódolos conceptos retributivos establecidos neste convenio.
Artigo 6º.-Retribucións.
Aproba-la táboa salarial que se xunta no anexo a esta acta, cun incremento do 4% para o ano 2001 en tódolos conceptos retributivos o 1 de xaneiro de 2001.
2. Remitir á Delegación Provincial de Traballo da Consellería de Xustiza, Interior e Relacións Laborais copias da acta e da táboa salarial, para os efectos legais oportunos.
Sen máis asuntos que tratar, levántase a sesión, ás 20 horas do día arriba indicado, asinando os presentes esta acta.
ANEXO
Táboa de salarios ano 2001
base convenio bruto anual
Categoría Salario
Complemento
Salario
Salario
Peón 88.768 27.518 116.286 1.744.290
Axudante 89.124 28.682 117.806 1.767.090
base convenio bruto anual
Categoría Salario
Complemento
Salario
Salario
Ofic. 3ª 89.153 29.914 119.067 1.786.005
Ofic. 2ª 89.477 31.154 120.631 1.809.465
Ofic. 1ª 89.832 33.524 123.356 1.850.340
Encargado 90.186 35.311 125.497 1.882.455
Aux. admin. 89.477 31.154 120.631 1.809.465
Ofi. admin. 89.832 33.524 123.356 1.850.340
Vixilante 88.768 27.936 116.704 1.750.560
Nota: o salario anual está composto por 15 pagas de 30 días, incluídas as pagas de 15 de marzo, 15 de xullo e 15 de decembro.
Cálculo valor hora extraordinaria
As horas extraordinarias para cada categoría calcularanse de acordo co seguinte módulo e recarga:
Recarga = 75 x 100 do módulo.
Salario anual
Módulo =
1.800 horas.
Valor hora extraordinaria = 1,75 x módulo.