Visto o expediente da revisión salarial do convenio colectivo do sector de industrias vinícolas, alcoholeiras, licoreiras e sidreiras e o seu comercio para a provincia da Coruña para o ano 2000, que tivo entrada nesta delegación provincial o día 10-7-2001, subscrito en representación da parte económica pola Asociación Provincial de Mayoristas y Embotelladores de Vinos, e, da parte social, polas centrais sindicais UGT e CC.OO. o día 4-7-2001, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordena-la súa inscrición no libro de rexistro de convenios colectivos de traballo

desta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 19 de xullo de 2001.

María Silva Costoya

Delegada provincial da Coruña

Acta da reunión da comisión paritaria do convenio provincial de industrias vinícolas, alcoholeiras, licoreiras, sidreiras e o seu comercio da Coruña.

Asistentes.

Pola parte empresarial:

Asociación Provincial de Mayoristas y Embotelladores de Vinos.

Víctor Robla Carreiras.

Pola parte social:

Roberto Veira (UGT).

Roberto Vázquez (UGT).

Alfonso Quintana (CC.OO.).

Ámbalas partes se recoñecen lexitimidade para integra-la comisión paritaria e asumi-las súas funcións, e acordan:

1. Efectua-la revisión salarial debida á diferencia entre o IPC real de 2000, do 4%, fronte ó previsto do 2%. Procede aumenta-la táboa salarial en 2%, o cal se fará efectivo con carácter retroactivo a 1 de xaneiro de 2000, e refectirase na táboa anexa, a cal servirá de base para actualiza-las táboas do ano 2001.

Así mesmo, autorízase a Roberto Veira López para que proceda ó seu rexistro e publicación.

Ás 13 horas levántase a sesión e asínase este escrito en sinal de conformidade.

A Coruña, 4 de xullo de 2001.

ANEXO

Táboas salariais definidas

Convenio industrias vinícolas 2000

e outros conceptos retributivos. (Revisión salarial)

ANEXO

Revisión salarial 2000

Antigüidade (valor bienio): 4.532 pesetas.

Gratificación patronal sector: 50.349 pesetas.

Complemento asistencia (valor diario): 448 pesetas.