Visto o expediente instruído para efectos de outorgamento do permiso de actividade para a explotación dunha cetaria, apreciáronse os seguintes:

a) Feitos.

Primeiro: mediante escrito de data 19-5-1999, Antonio Franco García, en representación de Mariscos Benavides, S.L. (DNI/CIF: B-36234243), solicitou permiso de actividade para a explotación dunha cetaria para estabulación de crustáceos, no polígono do Tambre, concello de Santiago de Compostela, provincia da Coruña.

Segundo: o interesado presentou a documentación requirida para a tramitación deste tipo de establecementos.

Terceiro: no expediente consta a seguinte documentación:

Informe técnico biolóxico.

Informe sanitario.

Contrato de cesión do uso por parte de Mercagalicia, S.A. a Mariscos Benavides, S.L. dunha superficie aproximada de 180 m na Nave de Polivalencia da Unidade Alimentaria de Santiago de Compostela.

Informe técnico xurídico.

b) Fundamentos de dereito.

Este órgano é competente para resolve-lo expediente de conformidade coa Lei 6/1993, do 11 de maio, de pesca de Galicia (DOG nº 101), co Decreto 193/1997, do 5 de xuño, polo que se determinan as condicións para o outorgamento do permiso de actividade para os establecementos de cultivos mariños e auxiliares situados na zona terrestre (DOG nº 142) e coa Orde do 27 de marzo do 2000, pola que se regula o procedemento para o outorgamento do permiso de actividade para establecementos de cultivos mariños e auxiliares na zona terrestre (DOG nº 67).

Vistas as disposicións citadas, o artigo 89 da Lei 30/1992, do 26 de novembro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería

RESOLVE:

Outorgar a Mariscos Benavides, S.L. (DNI/CIF: B-36234243), permiso de actividade para a posta en funcionamento e explotación do establecemento auxiliar de cultivos mariños que se indica a continuación.

Tipo: cetaria.

Nome: Mariscos Benavides, S.L.

Actividade: estabulación de crustáceos.

Especies: nécora (Necora puber), boi (Cancer pagurus), centola (Maja squinado), lumbrigante (Homarus gammarus) e lagosta (Palinurus elephas).

Situación: Mercagalicia, S.A., polígono do Tambre, concello de Santiago de Compostela, provincia da Coruña.

-Superficies:

Dominio privado: 180 m.

-Características das instalacións:

Naves: nº: 1, superficies: planta baixa: 180 m, entreplanta: 54 m.

Piscinas: nº: 10, superficie total: 59.50 m.

Baixo as seguintes condicións:

Primeira.-O permiso de actividade entrará en vigor o día seguinte ó da publicación da resolución no Diario Oficial de Galicia e rematará o 1 de xaneiro do 2009, sempre que o titular obteña as correspondentes prórrogas do contrato de cesión do uso da nave.

Segunda.-As obras e instalacións que poderán dar comezo no momento no que o titular dispoña das autorizacións preceptivas dos distintos organismos competentes na materia, levaranse a cabo conforme o proxecto titulado proxecto de actividade e instalacións para local destinado a cetaria, situación Mercagalicia, polígono do Tambre, Santiago de Compostela, subscrito en febreiro de 1999, polo arquitecto técnico Fernando Comba Teijido, visado polo Colexio Profesional correspondente, e deberán quedar totalmente rematadas no prazo dun ano, a contar desde o día seguinte ó da publicación da presente resolución.

Terceira.-Á execución das obras e instalacións e o inicio da actividade seralles de aplicación o disposto nos artigos 5 e 6 da Orde do 27 de marzo de 2000 citada.

Cuarta.-O establecemento non poderá destinarse usos distintos dos autorizados. Baixo ningún concepto se poderá modifica-las instalacións sen permiso expreso desta consellería.

Quinta.-O permiso de actividade ó que se refire esta resolución extinguirase polo incumprimento dalgunha das condicións dela, nos casos previstos no artigo 72, da Lei 6/1993, de pesca de Galicia, e no Decreto 193/1997, do 5 de xuño e pola resolución ou extinción do contrato de cesión do uso da nave.

Sexta.-O outorgamento deste permiso de actividade non exime o seu titular da obtención das licencias, permisos e autorizacións legalmente procedentes.

Sétima.-O titular xustificará o pagamento á Facenda Pública do imposto que grava as concesións e

autorizacións (transmisións patrimoniais e actos xurídicos documentados) ou acreditará a declaración de non estar suxeito ó acto do dito imposto, feita pola Delegación de Facenda ou oficina liquidadora correspondente.

Contra esta resolución, que pon fin á vía administrativa, poderase interpoñer recurso potestativo de reposición, no prazo dun mes, ante o conselleiro de Pesca, Marisqueo e Acuicultura, ou recurso contencioso-administrativo, ante a xurisdicción contencioso-administrativa, no prazo de dous meses, contados en ámbolos dous casos desde o día seguinte ó da súa publicación, de conformidade co disposto no artigo 116 da Lei 30/1992, de 26 de novembro, modificada pola Lei 4/1999, de réxime xurídico das administracións públicas e do procedemento administrativo común e o artigo 46.1º da Lei 29/1998, de 13 de xullo, da xurisdicción contencioso-administrativa.

Santiago de Compostela, 26 de xuño de 2001.

Amancio Landín Jaráiz

Conselleiro de Pesca, Marisqueo e Acuicultura