Examinado o expediente presentado polo centro privado Sanitex de Vigo, polo que se solicita auto

rización para imparti-lo ciclo formativo de grao superior de hixiene bucodental en quenda de tarde noite.

Resultando que por Orde do 28 de xullo de 1998 (DOG do 10 de setembro) se autorizou a dito centro para imparti-lo ciclo formativo de grao superior de Hixiene bucodental, en quenda de mañá.

Vistos o Real decreto 1004/1991, do 14 de xuño (BOE do 26 de xuño), polo que se establecen os requisitos mínimos dos centros que imparten ensinanzas de réxime xeral non universitarias; Real decreto 777/1998 (BOE do 8 de maio) polo que se desenvolven determinados aspectos da ordenación da formación profesional no ámbito do sistema educativo; Orde do 21 de decembro de 1999 (DOG do 31 de xaneiro de 2000) pola que se regulan determinados aspectos relativos á autorización de centros privados exclusivos de formación profesional específica; Decreto 296/1999 (DOG do 18 de novembro) polo que se desenvolven determinados aspectos dos currículos dos ciclos formativos de formación profesional específica na Comunidade Autónoma de Galicia; Decreto 133/1995, do 10 de maio (DOG do 22 de maio) e a Orde do 20 de setembro de 1995 (DOG do 15 de decembro) que desenvolve o dito decreto.

Considerando que concorren no expediente os requisitos esixidos nas disposicións vixentes para poder acceder ó solicitado.

Esta consellería, por proposta da Dirección Xeral de Centros e Inspección Educativa,

DISPÓN:

Primeiro-Autoriza-lo centro privado Sanitex de Vigo (Pontevedra) para imparti-lo ciclo formativo de grao superior de hixiene bucodental en quenda de tarde noite, segundo se especifica no anexo da presente orde.

Segundo.-Antes do inicio das ensinanzas que se autorizan, a Delegación Provincial da Consellería de Educación e Ordenación Universitaria, logo de informe da Inspección Educativa, aprobará expresamente a relación de persoal que imparta docencia no dito centro.

Terceiro.-Queda o centro obrigado ó cumprimento da lexislación vixente e a solicita-la oportuna revisión cando teña que modificarse calquera dos datos que sinala a presente orde.

Contra esta orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso

contencioso-administrativo no prazo do dous meses perante o Tribunal Superior de Xustiza de Galicia.

Santiago de Compostela, 3 de agosto de 2001.

Celso Currás Fernández

Conselleiro de Educación e Ordenación

Universitaria

ANEXO

Provincia: Pontevedra.

Concello: Vigo.

Localidade: Vigo.

Enderezo: Ramón y Cajal nº 16 (esq. Gran Vía nº 70).

Código do centro: 36020210.

Denominación: centro privado Sanitex.

Titular: Héctor Juan Lobaina Maresma.

Composición resultante:

Familia profesional: sanidade.

Quenda de mañá:-1 ciclo formativo de grao superior de hixiene bucodental (1 unidade para 20 alumnos).-1 ciclo formativo de grao superior de documentación sanitaria (1 unidade para 20 alumnos).-1 ciclo formativo de grao superior de próteses dentais (2 unidades, 20 alumnos/unidade).

Quenda de tarde noite:-1 ciclo formativo de grao superior de hixiene bucodental (1 unidade para 20 alumnos).