Examinado o expediente relativo á concesión da Medalla de Galicia na súa categoría de prata á Unidade do Corpo Nacional de Policía adscrita á Comunidade Autónoma de Galicia, en atención á brillante traxectoria profesional nos seus dez anos de actuación ó servicio da sociedade e das institucións de Galicia, e visto o dictame emitido pola Comisión Asesora previsto no artigo 3.2º do Decreto 1/1991, do 11 de xaneiro, polo que se regula a concesión da Medalla de Galicia, e o artigo 4º, parágrafo segundo, do mencionado decreto, na redacción dada polo Decreto 166/1995, do 16 de xuño, en virtude das competencias que me confire o referido decreto,
RESOLVO:
Concederlle a Medalla de Galicia na súa categoría de prata á Unidade do Corpo Nacional de Policía adscrita á Comunidade Autónoma de Galicia.
Santiago de Compostela, doce de setembro de dous mil un.
Manuel Fraga Iribarne
Presidente