Visto o texto do convenio colectivo para a empresa Agua de Fontenova, S.A.-Verín (Ourense) (código de convenio nº 3200022), con entrada nesta delegación provincial o día 26-6-2001, subscrito con data 22-6-2001, dunha parte por José María Reguión Esteban e Francisco Alfredo Pardo Cáceres, en representación da parte empresarial, e doutra polo delegado de persoal, en representación dos traballadores desta, esta delegación provincial, de conformidade co disposto no artigo 90.2º e 3º do Estatuto dos traballadores, texto refundido aprobado polo Real decreto 1/1995, do 24 de marzo, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, e demais normativa aplicable de dereito común,
ACORDA:
Primeiro.-Ordena-la súa inscrición no libro rexistro de convenios colectivos de traballo, existente nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Unidade de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Ourense, 5 de xullo de 2001.
José Lage Lage
Delegado provincial de Ourense
Convenio colectivo para a empresa Agua de Fontenova, S.A.-Verín (Ourense)
Disposicións xerais
Artigo 1º.-Ámbito de aplicación.
As disposicións incluídas no presente convenio regularán desde a súa entrada en vigor a súa vixencia, as relacións laborais que nel se establezan entre a empresa Agua de Fontenova, S.A. e o seu persoal.
Artigo 2º.-Ámbito persoal.
Estará afectado polo presente convenio o persoal da empresa incluído no artigo 1º, agás as persoas que exerzan funcións de alta dirección e alto consello.
Artigo 3º.-Vixencia, duración e prórroga.
A duración deste convenio será de 12 meses, comezando os seus efectos económicos o día 1 de xaneiro de 2001 e rematando a súa vixencia o 31 de decembro de 2001.
O convenio prorrogarase tacitamente de ano en ano, se non fose denunciado por calquera das partes con tres meses de anticipación, polo menos, ó remate da súa vixencia. Permanecerá vixente o texto, ata a sinatura dun novo.
As condicións de denuncia serán as que determina o artigo 89 do Real decreto lexislativo 1/1995, do 24 de marzo.
O incremento de salarios para o 2001 será do 3%, que se aboará da forma seguinte:
a) A empresa aumentará un 3% sobre tódolos conceptos retributivos, que fará efectivo a partir da data da sinatura deste convenio, aboando os atrasos con efectos retroactivos ó 1 de xaneiro de 2001.
b) A representación legal dos traballadores/as acepta estudiar para o futuro que o incremento establecido no parágrafo anterior se poida condicionar á productividade da empresa.
No caso de que o IPC oficial de 2001, no 31 de decembro do 2001, fose superior ó 3% (tres por cento), revisaranse os salarios na súa diferencia e actualizaranse as táboas salariais de 2001, aboándolles ós operarios os atrasos correspondentes.
Artigo 4º.-Compensación e absorción.
As melloras resultantes do presente convenio serán compensadas e adsorbidas ata onde chegue o cómputo anual, con aqueloutras que puidesen establecerse por disposición legal ou que tivesen establecidos pola empresa, agás que expresamente se pacte o contrario.
Artigo 5º.-Comisión paritaria.
Para resolve-las dúbidas que puidesen xurdir sobre a aplicación do convenio, constitúese unha comisión mixta composta polos/as vocais que interviñeron na negociación e elaboración do convenio.
Clasificación do persoal
Artigo 6º.-Novas categorías.
Por disposicións legais obrigatorias e por necesidades das empresas, faise necesario crear e definir novas categorías:
-Técnico titulado de laboratorio: é o que con título facultativo oficial realiza as funcións de analista de control de calidade, con responsabilidade, dependendo directamente da dirección da empresa.
-Laborante: é o productor experto en análises e traballo de laboratorio que, sen título facultativo, leva a cabo as devanditas funcións ou como auxiliar do técnico titulado.
-Capataz: é o productor que ten ó seu cargo un grupo de persoas ás que dirixe e orienta na execución dos traballos dun determinado servicio.
-Peón: é o operario que executa os labores que para seren realizados se require predominantemente esforzo físico, sen necesidade de práctica operativa ningunha. Esta categoría só poderá aplicarse ó persoal contratado por tempada para carga e descarga e non ó ingresado como fixo do cadro de persoal, como operario de embotellamiento.
Xornada de traballo e vacacións
Artigo 7º.-Xornada de traballo.
A xornada de traballo establécese en trinta e nove horas semanais de luns a venres.
A xornada de traballo máxima legal para o 2001 será de 1.770 horas/anuais, distribuídas de luns a venres en cómputo semanal de trinta e nove horas, cos días máximos anuais que resulten.
O persoal de distribución e reparto, mentres estea adscrito a estes traballos, poderá ser excluído da xornada normal, sempre que de común acordo coa empresa se fixen as compensacións económicas para posibles variacións de xornada, tendo en conta as especiais características que presente a distribución e o reparto.
Artigo 8º.-Vacacións.
As vacacións anuais consistirán no goce de 30 días naturais. O salario que se percibirá durante o período de vacacións será o real estipulado no presente convenio.Todo o persoal poderá gozar dun período de 15 días de vacacións durante os meses de xuño, xullo, agosto e setembro. Atenderase sempre á producción e á consideración da dirección, non podendo gozar máis de 4 productores as vacacións á vez, resultando un total de 8 productores por cada mes sinalado.
Tódolos traballadores da empresa terán dereito anualmente a 2 (dous) días libres de permiso retribuído para asuntos propios, debendo comunicarllo á empresa con dous días de anticipación.
Retribucións
Artigo 9º.-Retribucións.
A retribución convida constará de:
-Salario base.
-Complementos salariais.
Os traballadores/as que teñan que acudir ó médico especialista da Seguridade Social terán dereito ó percibo do seu salario, polo tempo que dure o dito desprazamento.
Artigo 10º.-Salario base.
O salario base será o que se especifica na táboa de salarios anexa.
Artigo 11º.-Antigüidade.
Establécese un complemento de antigüidade que consistirá en trienios ó 4% sobre o salario base.
Artigo 12º.-Gratificación de carencia de incentivos.
Establécese o pagamento da gratificación de carencia de incentivos, como prima de productividade e asistencia.
A gratificación de carencia de incentivos consistirá no percibo por cada traballador individualmente e por día efectivamente traballado das cantidades que constan na táboa de salarios do presente convenio por este concepto.
Artigo 13º.-Sistema de incentivos.
A empresa poderá establecer calquera outro sistema de incentivos á producción, non podendo ser menores, en cómputo anual, cós establecidos neste convenio como gratificación de carencia e incentivos.
Os devanditos sistemas de remuneración por rendemento representarán como actividade normal de traballo a de 100 unidades do sistema centesimal ou 60 puntos Bedaux. A actividade óptima estará valorada en 140 unidades centesimais ou 80 puntos Bedaux.
Artigo 14º.-Gratificacións extraordinarias.
Consistirán en 3 pagas extraordinarias, de 1 mensualidade de salario base máis antigüidade cada unha, pagadoiras o 18 de marzo, o 18 de xullo e o 18 de decembro, respectivamente.
Artigo 15º.-Xubilación.
Todo/a traballador/a afectado/a polo presente convenio poderá solicita-la xubilación ós 64 anos de idade, de conformidade co establecido no Acordo Nacional de Emprego e no Real decreto do 20 de agosto de 1981.
Artigo 16º.-Premio de xubilación.
Ó cesa-lo traballador na empresa por xubilación concederáselle unha indemnización do seu salario base máis antigüidade en proporción ós seus anos de servicio na empresa, de acordo coa seguinte escala:
-De 5 a 10 anos: dúas mensualidades.
-De 10 anos e un día a 15 anos: seis mensualidades.
-De 15 anos e un día a 25 anos: nove mensualidades.
-De 25 anos e un día en diante: unha anualidade.
Artigo 17º.-Gratificación de vixilancia e garda xuramentado.
En concepto de perigosidade establécese unha gratificación para os que exerzan as ditas funcións, consistentes no 10% do salario base.
Artigo 18º.-Auxiliares administrativos.
Os auxiliares administrativos, ós 6 anos de exerceren as ditas funcións na empresa deberán ascender á categoría de oficiais administrativos.
Artigo 19º.-Seguro de vida e accidentes.
A empresa estará obrigada a manter un seguro para todo o persoal afectado polo presente convenio que cubra as seguintes continxencias e coas seguintes indemnizacións.
-Morte por accidente: 2.000.000 de pesetas.
-Invalidez permanente total: 2.000.000 de pesetas.
-Morte por calquera outra causa: 1.500.000 pesetas.
Os/as beneficiarios/as deste seguro serán o/a traballador/a asegurado/a ou o/a cónxuxe viúvo/a e, se é o caso, os sucesores do/a asegurado/a. O prazo para concertar este seguro será de 30 días a partir da publicación no BOP e en calquera caso a partir dos tres meses da alta na empresa.
Artigo 20º.-Gratificación por matrimonio.
Tódolos traballadores cunha antigüidade de polo menos tres anos na empresa terán dereito cando casen a unha gratificación dun mes de salario base máis antigüidade.
Artigo 21º.-Incapacidade temporal.
Cando un traballador/a se atope en situación de IT percibirá o 100% do salario a partir da 2ª semana consecutiva en que se atope na devandita situación.
Artigo 22º.-Horas extraordinarias.
Durante a vixencia deste convenio realizaranse horas extraordinarias de carácter normal; sen embargo, poderán realizarse as horas extraordinarias debidas a forza maior e as de carácter estructural.
Consideraranse horas extraordinarias motivadas por causa de forza maior as traballadas e empregadas na reparación de sinistro ou as que se realicen para prevelos, e horas estructurais, as que con carácter extraordinario e esporádico se efectúen no seo da empresa para cubri-la realización dun traballo que non foi posible prever nin substituír por contratacións temporais ou a tempo parcial, previstas na lei.
Enviarase á delegación provincial de traballo un informe mensual da realización e motivos destas horas, e será realizado conxuntamente polos delegados e a dirección da empresa.
O incumprimento dos pactos deste artigo, así como todo o referente ó artigo 35 da Lei 8/1980, do 10
de marzo, e Real decreto lei 1958, do 20 de agosto, considerarase unha falta grave para os efectos do disposto no artigo 37 do Estatuto dos traballadores.
Artigo 23º.-Desconto en nómina da cota sindical.
A empresa, trala comunicación escrita ó traballador, procederá ó desconto na folla de salarios da cota sindical correspondente, e ingresaraa na conta bancaria que se fará constar no escrito a petición do traballador e que corresponde á central sindical á cal está afiliado/a. A dita central sindical deberá cumpri-los requisitos establecidos na Lei orgánica de liberdade sindical.
No escrito de solicitude deberán constar claramente os datos do traballador/a, a cantidade para descontar, o número de conta na que se debe ingresar e a sinatura de autorización.
Artigo 24º.-Dereitos sindicais.
O comité de empresa ou delegado de persoal deberán ser informados de calquera sanción imposta a un traballador antes de serlle notificada por escrito a el, estando presente, en todo caso, no momento de serlle notificada.
A empresa estará obrigada a entregarlles ós representantes a copia de cada contrato feito durante a vixencia do presente convenio. En caso de que non o fixese e incumprise algunha cláusula contractual, este pasará a ser indefinido.
Así mesmo, a empresa entregará trimestralmente o informe sobre a situación económico-financiera, mercado, vendas, futuro e conta de resultados de anos anteriores, tal e como prevé a Lei 8/1980 e Lei 11/1985, considerándose falta moi grave o incumprimento das ditas normas, e do estipulado no presente artigo.
Artigo 25º.-Compromiso de contratación indefinida.
Todo traballador/a que leve na empresa 12 meses ininterrompidos de contrato pasará a ser indefinido.
Artigo 26º.-Licencias retribuídas.
O persoal afectado por este convenio terá dereito a solicitar licencias retribuídas de 3 días por falecemento de pais, cónxuxe, fillos e irmáns, segundo estabelece o artigo 37 do Estatuto dos traballadores. Así mesmo, terán dereito a unha licencia retribuída de un día por falecemento de familiares de segundo grao e sobriños.
Igualmente terán dereito a un día en caso de voda dun fillo, cando esta sexa en día laborable, ou en lugar distinto á provincia de Ourense. Tambén podrán asistir a consulta médica da Seguridade Social en Verín para acompañar menores de 12 anos, debendo entregarlle á empresa o xustificante médico correspondente.
Cláusula derradeira
En todo o que non estea previsto no presente convenio haberá que aterse ó disposto na Regulamen
tación de establecementos balnearios do 3 de xuño de 1959 e na Lei 8/1980, do 10 de marzo.
O presente convenio é asinado pola empresa Agua de Fontenova, S.A. e o representante dos traballadores/as no seo da devandita empresa, pertencente á central sindical Comisiones Obreras (CC.OO). Tódalas partes actúan con capacidade legal suficiente segundo o Real decreto lexislativo 1/1995, do 24 de marzo, do Estatuto dos traballadores.
Verín, 22 de xuño de 2001.
Agua de Fontenova, S.A.
Táboa salarial para 2001
S. Base P.C.I.
Persoal técnico Licenciados/as titulados/as super. 154.778 Técnicos/as titulados/as 133.465 Peritos e asimilados/as 133.465
Non titulados Encargado/a xeral 133.465 Encargado/a de sección 124.939
Persoal administrativo Xefe/a de primeira 129.171 1.705 Xefe/a de 2ª contable-caixeiro/a 92.280 1.705 Oficial de 1ª 92.280 1.705 Oficial de 2ª 92.280 1.135 Auxiliar 92.280 792
Persoal mercantil Xefe de vendas 133.465 Inspector/a de vendas 92.280 1.273
Persoal obreiro Capataz 92.280 1.273 Operario/a de embotellamento 92.280 792 Aprendiz SMI 792
Oficios varios Oficial de 1ª 92.280 1.273 Conductor/a-repartidor/a 92.280 1.273 Oficial de 2ª 92.280 1.135 Oficial de 3ª 92.280 1.135 Axudante 92.280 792 Conductor/a 92.280 792 Laborante 92.280 792
Persoal subalterno Peón 86.839 792 Almacenista 86.839 792 Ordenanza-cobrador/a 86.839 792 Ordenanza 86.839 792 Vixilante 86.839 792 Porteiro/a e conserxe 86.839 792 Telefonista 86.839 792 Xardineiro/a 86.839 792 Limpador/a 86.839 792
