Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño:
En autos seguidos perante este Xulgado do Social tramitados baixo o número 105/2000 e o acumulado 106/2000 do Xulgado do Social número catro desta cidade, por instancia de Mª Teresa Millares Montemuíño e outra contra ISM e outros, sobre viudedade e orfandade, dictouse a seguinte sentencia:
«Na cidade da Coruña, 13 de xullo de 2001.
Jorge Hay Alba, maxistrado-xuíz do Social número dous desta cidade, viu os presentes autos de xuízo número 105/2000 e o acumulado 106/2000 do Xulgado do Social número catro desta cidade, seguidos por instancia de María Teresa Millares Montemuíño
e Virginia García Millares, maiores de idade, asistidas polo letrado José Nogueira Esmorís, contra o ISM, Comercial Marítimo Finisterre, S.L., Cía Marítima Enteli, S.A., INSS e TXSS, sendo o obxecto da reclamación, viudedade e orfandade.
Seguen feitos e fundamentos de dereito.
Decido que, estimando a excepción de cousa xulgada alegada polo ISM, debo desestimar e desestimo as demandas acumuladas interpostas por María Teresa Millares Montemuíño e Virginia García Millares contra o ISM, INSS e TXSS, Comercial Marítimo Finisterre, S.L. e Cía Marítima Enteli, S.A., absolvendo as demandadas dos pedimentos da demanda.
Notifíqueselles esta resolución ás partes, ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, do que coñecerá, no caso, a Sala do Social do Tribunal Superior de Xustiza de Galicia, tal como establece o artigo 188 do texto refundido da lei, aprobado polo Real decreto lexislativo 2/1995, do 7 de abril.
Así, por esta miña sentencia, definitivamente xulgando en primeira instancia, pronúncioo, mándoo e asínoo».
E para que lle sirva de notificación á empresa Cía Marítima Enteli, S.A. mediante a súa publicación no Diario Oficial de Galicia, que ten o seu enderezo descoñecido, expido e asino esta cédula na Coruña, 13 de xullo de 2001.
O secretario xudicial
Rubricado
