En cumprimento do disposto na normativa legal sobre rexistro e depósito de convenios colectivos de traballo, Real decreto 1040/1981, artigo 2.e), para os efectos previstos nel, faise público que no correspondente servicio desta dirección xeral presentouse, o día 18 de xullo de 2001, certificación do secretario da comisión paritaria do III convenio colectivo único da Xunta de Galicia, na que se fai consta-lo acordo acadado na reunión do 12 de xullo de 2001, sobre a inclusión de categoría profesional no anexo II do convenio.
Esta dirección xeral de relacións laborais
ACORDA:
Primeiro.-Ordena-la inscrición do dito acordo no rexistro correspondente a esta dirección xeral.
Segundo.-Dispoñe-la súa publicación no Diario Oficial de Galicia.
Santiago de Compostela, 18 de xullo de 2001.
José Vázquez Portomeñe
Director xeral de Relacións Laborais
ANEXO
A comisión paritaria do III convenio colectivo único para o persoal laboral da Xunta de Galicia na súa reunión do 12 de xullo de 2001, acordou incorporar ó anexo II do convenio colectivo único para o persoal laboral da Xunta de Galicia a categoría seguinte:
Grupo III.
Categoría-número: 104.
Categoría-denominación: intérprete da lingua de signos.