Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos 227/2001, por instancia de Manuel Babío Ríos contra as empresas Cid e Cabo SC e Benito Cid González sobre despedimento, nos que recaeu sentencia en data que, copiada nos particulares necesarios, di así:
«Decido que estimando a demanda promovida por Manuel Babío Ríos contra a empresa Cid y Cabo SC debo declarar e declaro improcedente o despedimento efectuado á demandante en data 2-3-2001 condenando a demandada Cid y Cabo SC, a que no prazo de cinco días contados desde a notificación desta resolución, opte entre a readmisión do traballador nas mesmas condicións que rexían antes de producirse o despedimento ó aboamento da cantidade de 104.466 pesetas en concepto de indemnización e ó aboamento dos salarios deixados de percibir desde a data do despedimento e ata a notificación desta resolución a razón de 4.134 pesetas diarias, absolvendo a Benedicto Cid González de tódalas peticións contidas na demanda, e absolvendo igualmente ó fondo de garantía salarial, sen prexuízo das responsabilidades que no seu día puideran corresponderlle.
Así, por esta miña sentencia, contra a que se poderá recorrer en suplicación perante a Sala do Social do Tribunal Superior de Xustiza de Galicia no prazo
de cinco días contados desde o seguinte ó da súa notificación, anunciando o propósito de presentalo mediante comparecencia ou por escrito, sendo indispensable que ó tempo de anuncialo o recorrente, se é empresario, exhiba perante este Xulgado do Social o xustificante acreditativo de ter depositado no Banco de Bilbao Vizcaya, oficina principal desta cidade, na conta corrente deste xulgado número identificador 5.605, clave 60, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito este sen o cal non poderá terse por anunciado o recurso e quedará firme a sentencia. Debendo consignar ademais a cantidade de 25.000 pesetas na mesma conta coa clave 65, entregándose o xustificante na secretaría ó tempo de interpoñe-lo recurso, declarándose este desistido de non constituírse o dito depósito na forma indicada, definitivamente xulgando en primeira
instancia, pronúncioo, mándoo e asínoo».
Así, por esta miña sentencia, do que se unirá certificación ós autos orixinais para a súa notificación e cumprimento, xulgando, pronuncio, mando e asino.
E para que conste, para efectos da súa publicación no Diario Oficial de Galicia, co fin de que lles sirva de notificación en forma á empresa Cid y Cabo SC e Benedicto Cid González, expido e asino a presente cédula na Coruña, o 29 de xuño de 2001.
O secretario xudicial
Rubricado
