Ana María Carrasco García, secretaria do Xulgado do Social número catro da Coruña dou fe e certifico que neste xulgado se seguen autos 65/2001 por instancia de Jesús Porteiro Pérez, José Ramón Pérez Cancela e Gervasio Ferreiro García contra a empresa Tecnología y Tratamientos de Superficies S.A. sobre salarios, nos que recaeu sentencia en data que, copiada nos particulares necesarios, di así:
Decido que estimando a demanda promovida por Jesús Porteiro Pérez, José Ramón Pérez Cancela e Gervasio Ferreiro García contra a empresa Tecnología y Tratamientos de Superficies S.A. debo condenar e condeno a demandada a que aboe á demandante a cantidade de 511.677 pesetas a Jesús Porteiro Pérez, 597.882 pesetas a José Ramón Pérez Cancela e 321.441 pesetas a Gervasio Ferreiro García por tódolos conceptos reclamados na demanda.
Así, por esta miña sentencia, contra a que se poderá recorrer en suplicación perante a Sala do Social do Tribunal Superior de Xustiza de Galicia no prazo de cinco días contados desde o seguinte ó da súa notificación, anunciando o propósito de presentalo mediante comparecencia ou por escrito, sendo indispensable que, ó tempo de anuncialo o recorrente, se é empresario, exhiba perante este Xulgado do Social o xustificante acreditativo de ter depositado
no Banco de Bilbao Vizcaya, oficina principal desta cidade, na conta corrente deste xulgado número identificador 5.605, clave 60, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito este sen o cal non poderá terse por anunciado o recurso e quedará firme a sentencia, debendo consignar ademais a cantidade de 25.000 pesetas na mesma conta coa clave 65, entregándose o xustificante na secretaría ó tempo de interpoñe-lo recurso, declarándose este desistido de non constituírse o dito depósito na forma indicada definitivamente xulgando en primeira instancia, pronúncioo, mándoo e asínoo.
Así, por esta miña sentencia, do que se unirá certificación ós autos orixinais para a súa notificación e cumprimento, xulgando, pronuncio, mando e asino.
E para que conste, para efectos da súa publicación no Diario Oficial de Galicia, co fin de que sirva de notificación en forma á empresa Tecnología y Tratamientos de Superficies S.A. expido e asino a presente cédula na Coruña o vinteún de xuño de dous mil un.
O secretario xudicial
Rubricado
