Examinado o expediente instruído para efectos de outorgamento do permiso de actividade para a explotación dunha cetaria, apreciáronse os seguintes

A) Feitos:

Primeiro.-Mediante escrito do 18 de maio de 1999, Manuel Iglesias Casas (DNI: 32614610N), en representación de la Confraría de Pescadores de Cedeira (CIF: G15029192), solicitou permiso de actividade e concesión para a explotación dunha cetaria no porto de Cedeira, municipio de Cedeira (A Coruña).

Segundo.-O interesado achegou a documentación requirida para a tramitación deste tipo de establecementos.

Terceiro.-No expediente consta que se realizaron os seguintes trámites:

-Anuncio de información pública.

-Informe técnico biolóxico.

-Informe da Consellería de Sanidade e Servicios Sociais.

-Informe sobre a ocupación do dominio público do ente público Portos de Galicia.

-Informe xurídico favorable emitido polo Servicio Técnico-Xurídico.

Cuarto.-Con data do 11 de setembro de 1990 o ente público Portos de Galicia outorgou á Confraría de Pescadores de Cedeira a concesión para a construcción de 56 departamentos para armadores no porto de Cedeira. Posteriormente, a propia confraría solicitou cambio de uso para os locais 11 e 13, co fin de adaptalos para a explotación de cetarias. Con data do 22 de setembro de 1998 o ente público Portos de Galicia aprobou a realización das obras. Unha vez finalizadas esas obras, mediante a Resolución do 23 de febreiro de 1999, o referido ente público resolveu aprobalas, coa modificación dos locais para adaptalos para a explotación de cetarias.

B) Fundamentos de dereito.

Este órgano é competente para resolve-lo expediente de conformidade coa Lei 6/1993, do 11 de maio, de pesca de Galicia (Diario Oficial de Galicia nº 101), co Decreto 193/1997, do 5 de xuño, polo que se determinan as condicións para o outorgamento do permiso de actividade para os establecementos de cultivos mariños e auxiliares situados na zona terrestre (Diario Oficial de Galicia nº 142) e coa Orde do 27 de marzo de 2000, pola que se regula o procedemento para o outorgamento do permiso de actividade para establecementos de cultivos mariños e auxiliares na zona terrestre (Diario Oficial de Galicia nº 67).

Examinadas as disposicións citadas, a proposta de resolución da Dirección Xeral de Recursos Mariños, o artigo 89 da Lei 30/1992, do 26 de novembro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería,

RESOLVE:

Outorgar á Confraría de Pescadores de Cedeira con CIF: G15029192, permiso de actividade para a posta en funcionamento e explotación do establecemento auxiliar de cultivos mariños, que se indica a continuación:

-Tipo: cetaria.

-Nome: Confraría de Pescadores de Cedeira.

-Actividade: mantemento de crustáceos vivos.

-Especies: boi (Cancer pagurus), camarón (Palaemon spp.), centola (Maja squinado), lagosta (Palimurus spp.), lumbrigante (Homarus ganmarus), nécora (Macropipus puber).

-Situación: locais 11 e 13 do porto de Cedeira (A Coruña).

-Superficies:

Dominio privado: 0.00 m.

Dominio público: 50 m distribuídos en 2 plantas.

-Características das instalacións:

Naves: nº 1.

Superficie: 86 m x m.

Piscinas: nº 1.

Superficie: 7,20 m

Baixo as seguintes condicións:

Primeira.-O permiso de actividade outórgase por un prazo de dez (10) anos, que se contarán a partir do día seguinte ó da publicación da resolución no Diario Oficial de Galicia. Poderá prorrogarse por períodos máximos doutros dez anos, logo de petición do interesado, presentada dentro dos 60 días anteriores ó vencemento da súa vixencia.

A vixencia dos títulos habilitantes, permiso de actividade e concesión da ocupación do dominio público, así como das prórrogas que no seu día se puidesen outorgar, deberán ser coincidentes.

Segunda.-As obras e instalacións que poderán dar comezo no momento no que o titular dispoña das autorizacións preceptivas dos distintos organismos competentes na materia, levaranse a cabo conforme o proxecto básico «Memoria técnica e planos referentes á instalación dunha cetaria no porto de Cedeira», subscrito en febreiro de 2000, polo biólogo Antonio Pérez Cribeiro, e deberán realiza-las melloras indicadas pola Consellería de Sanidade e Servicios Sociais no seu informe do 9 de xuño de 2000, e deberán quedar totalmente rematadas no prazo de 12 meses, contados desde o día seguinte ó da publicación da presente resolución.

Terceira.-A execución das obras e instalacións e o inicio da actividade realizaranse conforme o disposto nos artigos 5 e 6 da Orde do 27 de marzo de 2000 anteriormente citada.

Cuarta.-O establecemento, o dominio público ocupado e as obras nel executadas non poderán destinarse a usos distintos dos autorizados. Baixo ningún concepto se poderán modifica-las instalacións sen permiso expreso desta consellería.

Quinta.-Sen prexuízo da caducidade da concesión de ocupación do dominio público, ó abeiro do disposto nas resolucións do ente público Portos de Galicia, que será vinculante para esta consellería, o permiso de actividade ó que se refire esta resolución extinguiranse polo incumprimento dalgunha das condicións dela e nos casos previstos no artigo 72, da Lei 6/1993, de pesca de Galicia, e no Decreto 193/1997, do 5 de xuño.

Sexta.-O outorgamento deste permiso de actividade non exime o seu titular da obtención das licencias, permisos e autorizacións legalmente procedentes.

Sétima.-O titular xustificará o pagamento á Facenda pública do imposto que grava as concesións e autorizacións (transmisións patrimoniais e actos xurídicos documentados) ou acreditará a declaración de non estar suxeito o acto do dito imposto, feita pola Delegación de Facenda ou oficina liquidadora correspondente.

Contra esta resolución, que pon fin á vía administrativa, poderase interpoñer recurso potestativo de reposición, no prazo dun mes, ante o conselleiro de Pesca, Marisqueo e Acuicultura, ou recurso contencioso-administrativo, ante a xurisdicción conteciosa-administrativa, que se interporá no prazo de dous meses, contados en ámbolos dous casos desde o día seguinte ó da súa publicación, de conformidade co disposto no artigo 116 da Lei 30/1992, do 26 de novembro, modificada por Lei 4/1999, de réxime xurídico das administracións públicas e do procedemento administrativo común e o artigo 46.1º da Lei 29/1998, do 13 de xullo, da xurisdicción contencioso-administrativa.

Santiago de Compostela, 10 de abril de 2001.

Amancio Landín Jaráiz

Conselleiro de Pesca, Marisqueo e Acuicultura