Visto o expediente polo que se acorda o procedemento para declarar como solos contaminados os terreos afectados do polígono de Torneiros, no concello do Porriño (Pontevedra), e tendo en conta os seguintes:

Antecedentes de feito.

Pola Orde do 3 de xullo de 2000, trala investigación de detalle realizada pola Dirección Xeral de Calidade e Avaliación Ambiental, na que se avalía a contaminación existente nos terreos do polígono de Torneiros (fase II), acórdase inicia-lo procedemento para declarar como solos contaminados os terenos afectados do polígono de Torneiros, no concello do Porriño (Pontevedra) (fase II), delimitados no plano que figuraba como anexo dela; e abrir un período de información pública, por un prazo de vinte días, para que calquera persoa física ou xurídica puidese formula-las alegacións que considerase oportunas.

Funtamentos xurídicos.

O expediente iniciouse e instruíuse conforme o disposto nas normas legais aplicables, en particular, na Lei 30/1992, do 26 de novembro, de réxime xurídico das administracións públicas e do procedemento

administrativo común, modificada pola Lei 4/1999,

do 13 de xaneiro, e na Lei 10/1998, do 21 de abril,

de residuos.

A competencia para a resolución deste procedemento correspóndelle ó conselleiro de Medio Ambiente, de conformidade co disposto na Lei 10/1998, do 21 de abril, de residuos, así como no artigo 34 da Lei 1/1983, do 22 de febreiro, regu-

ladora da Xunta e do seu presidente, en relación co Decreto 482/1997, do 26 de decembro, polo que se establece a estructura orgánica da Consellería de Medio Ambiente.

O artigo 44.2º da LRXPAC, modificada pola Lei 4/1999, do 13 de xaneiro, establece a caducidade do procedemento polo transcurso do prazo de resolución de tres meses establecido na mesma lei para este tipo de procedementos e dado que neste caso o tempo transcorrido entre a data de inicio do procedemento e a data desta resolución supera o devandito prazo, cómpre declara-la súa caducidade e o arquivo das actuacións.

Vistos os preceptos citados e demais de pertinente aplicación,

RESOLVO:

Declara-la caducidade do devandito procedemento e o arquivo das actuacións sen prexuízo de que, de conformidade co previsto no artigo 92.3º da LRXPAC, modificada pola Lei 4/1999, do 13 de xaneiro, se inicie un novo expediente.

Contra esta resolución, que pon fin á vía administrativa, poderase interpoñer recurso de reposición con carácter potestativo ante o conselleiro de Medio Ambiente no prazo dun mes, ou ben interpoñer directamente o recurso contencioso-administrativo ante o Tribunal Superior de Xustiza de Galicia no prazo de dous meses, de acordo co disposto nos artigos 109 e 116 da Lei 30/1992, do 26 de novembro, de réxime xurídico das administracións públicas e do procedemento administrativo común, e nos artigos 10 e 46 da Lei 29/1998, do 13 de xullo, da xurisdicción contencioso-administrativa, ou exercer calquera outro que coide pertinente.

Santiago de Compostela, 29 de maio de 2001.

José Carlos del Álamo Jiménez

Conselleiro de Medio Ambiente