As empresas que se detallan a continuación ofrecen a doazón ó Servicio Galego de Saúde da Comunidade Autónoma de Galicia os activos correspondentes, con destino a diversas unidades do Complexo Hospitalario de Pontevedra:
-Ekipo S. Coop. Ltda.: once colchóns antiéscaras.
-Pharmacia Spain, S.A.: un ordenador persoal y un ordenador portátil.
-Innogenetics Diagnostica y Terapéutica, S.A.: un frigorífico.
-Roche Diagnósticos: unha neveira.
-Corneal España, S.L.: unha caixa de instrumental oftalmolóxico.
-Galilei Medical, S.A.: un respirador.
-DPC Dipesa, S.A.: dous ordenadores con CD.
Conforme o artigo 17.1º da Lei 3/1985, do 12 de abril, do patrimonio da Comunidade Autónoma, requírese decreto do Consello da Xunta de Galicia para a adquisición de bens a título gratuíto.
En cumprimento do disposto na Lei 3/1985, do 12 de abril, do patrimonio da Comunidade Autónoma, de conformidade coa proposta do conselleiro de Sanidade e Servicios Sociais e presidente do Servicio Galego de Saúde e logo da deliberación do Consello da Xunta de Galicia na súa reunión do día vintecinco de maio de dous mil un,
DISPOÑO:
Artigo 1º
Acéptase a doazón dos activos das citadas empresas, xunto cos dereitos derivados da propiedade.
Artigo 2º
Os activos acéptanse segundo o establecido na normativa en materia patrimonial da Comunidade Autónoma e destinaranse a diversas unidades do Com
plexo Hospitalario de Pontevedra, de acordo coa vontade dos doadores.
Disposición derradeira
O Servicio Galego de Saúde, a través do seu órgano competente, levará a cabo os trámites necesarios para a efectividade de canto se dispón neste decreto.
Santiago de Compostela, vintecinco de maio de dous mil un.
Manuel Fraga Iribarne
Presidente
José María Hernández Cochón
Conselleiro de Sanidade e Servicios Sociais
