Outorgada a declaración de utilidade pública que leva implícita a urxente ocupación dos bens e dereitos afectados polas instalacións do anexo I do proxecto de execución da liña eléctrica aérea a 220 kV, Mesón-Vimianzo, entre os apoios 31 e 32, no termo municipal de Cerceda (expediente 228/1999), por resolución da Dirección Xeral de Industria de data 15 de marzo de 2001, a favor da entidade beneficiaria Unión Fenosa Distribución, S.A. con enderezo na avda. de Arteixo, nº 171, 15007 da Coruña.

Esta delegación acorda sinala-lo día 29 de maio de 2001 para o levantamento das actas previas á ocupación, de conformidade cos artigos 52 da Lei de expropiación forzosa do 16 de decembro de 1954 e 56 do seu Regulamento do 26 de abril de 1957, nas que se describirán os bens ou dereitos expropiables e de imposición de servidume de paso de enerxía eléctrica, contidos na relación de predios

que se expón xunto con esta resolución no taboleiro de edictos do Concello de Cerceda, deducida da que se someteu a información pública no DOG, BOP e no xornal La Voz de Galicia de datas 14-9-2000, 15-9-2000 e 16-8-2000, respectivamente, acto ó que deberán concorre-los propietarios propostos dos predios afectados, ós que se lles practicará notificación individual sinalándoselles os horarios de toma de datos sobre o terreo e do levantamento efectivo das actas na Casa do Concello de Cerceda.

Esta publicación realizarase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así dirixirlle ó Ministerio Fiscal as dilixencias que se produzan destes, de conformidade co artigo 5 da citada Lei de expropiación forzosa.

A Coruña, 11 de abril de 2001.

Jesús Espada Martínez

Delegado provincial da Coruña