Para os efectos previstos no artigo 28 do regulamento para a execución da Lei 13/1989, do 10 de outubro, de montes veciñais en man común, o Decreto 260/1992, do 4 de setembro, e de conformidade co disposto no artigo 60.1º da Lei 30/1992, do 26 de novembro, de réxime xurídico das administracións públicas e do procedemento administrativo común, faise público que o Xurado Provincial de Montes Veciñais en Man Común de Lugo, na sesión que tivo lugar o 14 de decembro de 2000 na sala de xuntas da delegación provincial da Consellería de Medio Ambiente, baixo a presidencia do seu delegado provincial, e coa asistencia dos vocais Emilio Sánchez Coto, Manuel Martínez Garrido, José Antonio Illán Torrón, Manuel Veiga Franco e do
secretario Luis Quiroga Arnal, dictou a resolución de clasificar como veciñal en man común o monte seguinte:
Expediente número: 6/2000.
Denominación: monte de Pallarvello e da Porfía.
Comunidade propietaria: veciños dos lugares de Pallarvello e da Porfía.
Parroquia: Padornelo.
Superficie: 25 hectáreas.
Concello: Pedrafita do Cebreiro.
Estremas:
Norte: pola divisoria de augas co monte Carballal dos veciños de Padornelo e Sabugos (parroquia de Padornelo), desde os predios particulares ata Fontaos, e desde Fontaos polo alto, co monte Negredo dos veciños de Padornelo, Pallarvello, A Porfía e Sabugos (parroquia de Padornelo). Leste: segue lindando co monte Negredo dos veciños de Padornelo, Pallarvello, A Porfía e Sabugos ata a súa confluencia co monte dos veciños de Pacios (parroquia de Pacios). Sur: co monte dos veciños de Pacios (parroquia de Pacios) e predios particulares. Oeste: predios particulares.
Contra esta resolución e desde a súa notificación ou publicación, poderá interporse recurso potestativo de reposición no prazo dun mes perante o Xurado Provincial de Montes Veciñais en Man Común de Lugo, ou recurso contencioso-administrativo no prazo de dous meses perante o Xulgado do Contencioso-Administrativo de Lugo, de conformidade co disposto no artigo 46.1º da Lei 29/1998, do 13 de xullo, da xurisdicción contencioso-administrativa, en relación co artigo 12 da Lei de montes veciñais en man común e o artigo 28 do seu regulamento, modificados os dous preceptos legais pola Lei 30/1992, do 26 de novembro, de réxime xurídico das administracións públicas e do procedemento administrativo común.
Lugo, 14 de decembro de 2000.
Luis González Vázquez
Presidente do Xurado Provincial de Montes
Veciñais en Man Común de Lugo