Begoña Arroyo Martín, secretaria do Xulgado de Primeira Instancia e Instrucción número seis de Santiago de Compostela, dá fe e testemuño:
Que neste xulgado se seguen autos de xuízo de faltas número 87/2000, por falta de respecto ós axentes da autoridade, nos que recaeu sentencia que ten como encabezamento e decisión o teor literal seguinte:
«En Santiago de Compostela, o 15 de setembro de 2000
José Gómez Rey, maxistrado xuíz do Xulgado de Primeira Instancia e Instrucción número seis deste partido, pronuncia a seguinte sentencia:
Vistos os presentes autos de xuízo verbal de faltas número 87/2000, seguidos neste xulgado sobre falta de respecto ós axentes da autoridade nos que son partes, ademais do Ministerio Fiscal, o denunciante os policías nacionais número 52.882 e 54.430; e o denunciado Julio Ángel Luis Castillo Gómez.
Decido que debo condenar e condeno a Julio Ángel Luis Castillo Gómez, como autor dunha falta de respecto ós axentes da autoridade, á pena de multa de vinte días, fixando o importe da cota diaria da pena de multa na contía de duascentas pesetas e sinalando a responsabilidade persoal subsidiaria dun día de privación de liberdade por cada dúas cotas diarias non satisfeitas.
Contra a presente resolución cabe interpor recurso de apelación ante este xulgado, para ante a Audiencia Provincial, no prazo de cinco días a partir do seguinte ó da súa notificación, na forma que dispoñen os artigos 795 e 796 da Lei de axuizamento criminal.
Así, por esta miña sentencia, da que se levará certificación literal ós autos, definitivamente xulgando en primeira instancia, pronúncioo, mándoo e asínoo».
E para que así conste e sirva de notificación ó denunciado Julio Ángel Luis Castillo Gómez, en paradoiro descoñecido, expido, selo e asino a presente cédula en Santiago de Compostela, o dezanove de marzo de dous mil un.
A secretaria xudicial
Rubricado