Visto o texto do convenio colectivo do sector de industrias de panificación, con número de código 3600785, que tivo entrada nesta delegación provincial o día 2-3-2001, subscrito en representación da parte económica pola Asociación Provincial de Industrias de Panificación, e da parte social, polas centrais sindicais CC.OO, UGT e CIG, en data 20-2-2001. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á

Comunidade Autónoma de Galicia, en materia de traballo, esta delegación provincial,

ACORDA:

Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

Vigo, 7 de marzo de 2001.

Antonio Coello Bufill

Delegado provincial de Pontevedra

Asociación Provincial de Industrias de Panificación da provincia de Pontevedra

Convenio colectivo do sector de industrias de panificación provincia de Pontevedra. Ano 2000

Artigo 1º.-Ámbito de aplicación.

O presente convenio afecta no seu contido normativo a toda a provincia de Pontevedra, comprendendo nel a tódalas industrias e traballadores que se rexan pola Regulamentación nacional do traballo de panaderías, normativa laboral subsidiariamente aplicable en todo o non previsto no presente convenio.

Artigo 2º.-Vixencia e duración.

O convenio entrará en vigor ós dez días do seu asinamento, sen prexuízo da súa publicación no BOP, pero os seus efectos económicos retrotraeranse ata o 1 de xaneiro de 1999.

O presente convenio terá unha duración dun ano e os seus efectos finalizarán o 31 de decembro de 2000. Prorrogarase automaticamente por anualidades se non media denuncia das partes cunha anticipación de tres meses, cando menos, respecto do final da súa vixencia. A dita denuncia deberase facer por escrito dirixido á outra parte afectada polo convenio.

Artigo 3º.-Retribucións.

As retribucións salariais son as que para cada categoría profesional se fixan na táboa salarial que se xunta no anexo I, as cales foron calculadas conforme un incremento do 2,5% para o exercicio de 1999 e 2,5% para o exercicio de 2000 calculado sobre a táboa salarial publicada no convenio de 1998. Os ditos salarios servirán de base para o cálculo de tódalas percepcións que sinala o presente convenio.

Artigo 4º.-Antigüidade.

Co fin de fomenta-la vinculación coa respectiva empresa do persoal que actúe na industria panadeira, establécense aumentos periódicos por tempo de ser

vicios dentro da propia empresa para todo o persoal afectado pola regulamentación nas seguintes proporcións: dous bienios do 5% e catro quinquenios do 10% sobre a retribución base.

Para o cómputo da antigüidade para efectos dos aumentos periódicos, terase en conta a totalidade dos anos en servicios prestados dentro da empresa, calquera que sexa a categoría ou grupo profesional no que o traballador se encontre encadrado, aínda que o dito cómputo, para estes efectos, se iniciará desde a entrada en vigor da Regulamentación de traballo (Orde do 20 de agosto de 1968, BOE do 9 de setembro).

Os traballadores que ascendan de categoría ou cambien de grupo percibirán sobre o salario base daquela a que incorporen os aumentos periódicos por antigüidade que lles corresponda, de conformidade co precedente, calculados todos eles sobre o novo salario base.

Artigo 5º.-Complemento de iniciación de xornada.

Naquelas empresas en que habitualmente se anticipe o comezo da xornada do persoal de obradoiro, as horas anticipadas serán aboadas cada unha delas cun importe de 418 pesetas, salvo dereitos adquiridos de maior contía.

Non se poderá anticipa-la entrada ó traballo en máis de dúas horas diarias, con excepción daqueles días en que a elaboración sexa dobre, nos que se poderá anticipar ata un máximo de catro horas, sen que en ningún caso exceda das doce da noite.

As empresas procurarán que o anticipo de xornada se efectúe de forma rotativa entre o persoal afectado.

Artigo 6º.-Licencias e permisos.

As licencias e permisos que a empresa poderá conceder ós traballadores serán as que se recollen no cadro de licencias, ausencias e facilidades concedidas ós traballadores, unido como anexo II ó presente convenio.

A empresa concederá licencia non retribuída durante un día, como máximo, ó ano, sempre que se solicite con tres días de anticipación, como mínimo, antes da data do seu desfrute e non concorra a solicitude e licencia coa doutro traballador da mesma sección ou departamento.

Artigo 7º.-Vacacións.

O persoal afectado por este convenio terá dereito a unha vacación anual de trinta días naturais.

Artigo 8º.-Xornada e descansos.

A xornada laboral será de 40 horas semanais de traballo efectivo, que se distribuirán das 0 horas do luns ata as 22 horas do sábado.

Tódolos traballadores descansarán en cumprimento do establecido no artigo 37.1º do Estatuto dos traballadores, os domingos e festivos e, ademais, desfrutarán dun día de descanso durante a semana.

Segundo se dispón no laudo arbitral do 2 de xaneiro de 1998 (AGA 23/97), as empresas incluídas dentro do ámbito de aplicación do convenio colectivo provincial de industrias de panificación da provincia de Pontevedra teñen a facultade de proceder á apertura en domingo. Os traballadores terán dereito, como mínimo, ó descanso semanal de dous domingos cada mes, desfrutando de forma alterna con respecto ós outros días de descanso semanal en cada mes natural substitutivos do domingo, e percibindo unha gratificación por prestación de servicio en domingo do 100% do salario diario ordinario incluíndo tódolos conceptos.

Entran nesta obrigatoriedade do cumprimento deste artigo tódalas panaderías da provincia, sen ningunha excepción.

Artigo 9º.-Pagas extraordinarias.

Para efectos das pagas extraordinarias de xullo, Nadal e San Honorato, consistirán nunha mensualidade do salario realmente percibido para cada unha delas; isto é a media dos incentivos devengados no último trimestre inmediatamente anterior ó mes do seu pagamento (mecanización, semimecanización salario base, antigüidade e anticipo de hora, cando proceda).

Con efectos exclusivos para o exercicio de 2001 establécese unha paga extraordinaria anual de sesenta mil pesetas (60.000 pesetas) brutas, sen ningún outro tipo de complemento salarial, para todo o persoal afecto ó presente convenio, que estivese de alta nela durante todo o exercicio de 1999 e 2000 a xornada completa, rateándose nos casos de que entrase noutra data calquera distinta dos anos mencionados e/ou a súa xornada non fose completa.

Tal paga extraordinaria ten a consideración de compensación polo incremento salarial correspondente ó exercicio de 1999 e 2000 e polo tanto incluído no incremento mencionado no artigo 3º do convenio; dela deberán de descontarse, se é o caso, os incrementos salariais tidos nos citados exercicios, para cada traballador en concreto. Tal paga extraordinaria será aboada durante o mes de febreiro de 2001.

Artigo 10º.-Complemento de transporte.

Establécese un complemento de transporte na contía de 518 pesetas por día de traballo efectivo para todo o persoal.

Artigo 11º.-Retribución en especie.

Ademais da remuneración en metálico e sen que se compute como salario, tódolos traballadores recibirán 1 kg de pan cada día de traballo, así como os descansos semanais, días de festa non recuperables, días de vacación e días en situación de IT, que deberá ser de calquera das pezas comerciais que a empresa fabrique e nunca elaborado especialmente para os traballadores.

O valor deste suplemento alimenticio non se computará para a determinación do salario en gratificacións, aumentos por antigüidade nin para o fondo do complemento familiar.

Artigo 12º.-Aplicación más favorable.

Os preceptos do presente convenio aplicaranse en sentido máis favorable para o traballador, sen que en ningún caso se menoscaben aquelas situacións máis beneficiosas que poidan existir por concesión graciable da empresa.

Artigo 13º.-Cesamentos.

O persoal afectado polo presente convenio que se propoña cesar voluntariamente no servicio dunha empresa, deberallo comunicar ó xefe desta, polo menos con quince días de anticipación á data en que se vaia deixar de prestar servicio.

O incumprimento por parte do traballador da obriga de avisar coa indicada anticipación dará dereito á empresa a descontar da liquidación o importe do salario dun día por cada día de atraso no aviso.

Artigo 14º.-Complemento por IT.

No caso de incapacidade laboral transitoria, as empresas aboarán ó seu persoal o 100% do seu salario real (salario máis complementos), durante o tempo que dure a hospitalización do traballador afectado, se for necesaria aquela e despois de xustificala.

Igualmente complementarán ata o citado importe as baixas de IT motivadas por accidente de traballo.

Nos demais supostos aboarase o subsidio de IT na súa contía legal.

Artigo 15º.-Festividade de San Honorato.

Establécese como festa do patrón con carácter aboable e non recuperable o día 16 de maio, festividade de San Honorato.

Artigo 16º.-Seguro de accidentes.

As empresas afectadas polo presente convenio deberán subscribir no prazo de dous meses, a partir do momento da súa sinatura, unha póliza de seguro colectivo con primas íntegras ó seu cargo, que cubran as seguintes indemnizacións:

Accidente laboral ou común, como resultado de morte, invalidez permanente total, absoluta ou gran invalidez, por un capital de 2.500.000 pesetas.

As indemnizacións faranse efectivas ó traballador afectado ou ós seus habentes causa.

Artigo 17º.-Semimecanización.

Os traballadores da sección de obradoiro afectados polo presente convenio percibirán en concepto de semimecanización o 15% de incremento sobre o salario base.

Artigo 18º.-Complemento retributivo en días festivos ou descansos.

A retribución nos supostos de realización de traballo en días de descanso, así como a retribución

dos días festivos que se traballen ou se anticipe a súa producción, efectuarase aplicando o módulo habitual de retribución (salario base, antigüidade, complemento de mecanización e anticipo de horas cando proceda), un coeficiente do 55% de incremento.

Artigo 19º.-Roupa de traballo.

Tódalas empresas afectadas polo presente convenio están obrigadas a facilitar ós seus traballadores ó inicio de cada semestre natural unha bata ou pantalón e chaqueta curta ou peza similar adecuada ó posto de traballo; o seu uso será obrigatorio.

Artigo 20º.-Recoñecementos médicos.

Tódolos traballadores da empresa terán dereito a unha revisión médica anual, que se realizará, en calquera caso, a cargo da empresa.

Artigo 21º.-Formación profesional.

As partes signatarias do presente convenio acordan promover cantas accións sexan necesarias encamiñadas ó desenvolvemento e mellora da formación profesional dos traballadores.

En tal sentido, e como primeira decisión ó respecto, as empresas afectadas polo presente convenio comprométense a que as ensinanzas previstas como obrigatorias no Real decreto 1992/1984, para os contratos para a formación, poidan realizarse, en canto o dito centro subsista, na escola de formación profesional existente na Asociación Provincial de Industriais de Panificación.

Así mesmo, os títulos e acreditacións que emita a dirección académica da escola de formación profesional en relación ós traballadores que se formen nela, terán o valor de certificado para os efectos do previsto no artigo 10 do Real decreto 1992/1984.

Artigo 22º.-Contratos de duración determinada (art. 15.1º.B) ET.

Para efectos do disposto no Real decreto 2720/1998, do 8 de xaneiro de 1999, sobre contratos de duración determinada, cando os contratos se concerten para cubrir postos en centros de traballo que non teñan a consideración de obra. Neste suposto a duración máxima do contrato poderá ser de 13,5 meses dentro dun período de 18 meses.

No caso de se concertaren por un período inferior a 18 meses, este poderá ser prorrogado, de común acordo entre as partes, ata o tope máximo descrito.

Artigo 23º.-Comisión mixta do convenio.

Para a interpretación, vixilancia e cumprimento do pactado por ámbalas partes neste convenio, crearase a comisión mixta de vixilancia ou interpretación, correspondendo a súa presidencia á comisión deliberadora do convenio ou persoa en quen delegue, e composta ademais por catro empresarios e igual número de traballadores.

Esta comisión actuará no ámbito da súa competencia, sen invadi-las esferas privativas daqueles

organismos e xurisdiccións que teñan unha competencia determinada e concreta, recoñecida na normativa dos convenios colectivos.

Acórdase que se reunirán tódolos primeiros mércores de cada mes ás 19 horas.

Artigo 24º.-Negociación colectiva.

O texto do convenio colectivo de ámbito provincial para o sector da industria de panificación é subscrito pola Asociación Provincial de Industrias de Panificación (Aproinpa) e a central sindical confederación sindical de comisiones obreras (CC.OO.), de conformidade co artigo 85, letra A, da Lei 8/1980, do 10-3-80, do Estatuto dos traballadores.

ANEXO I

Tábola salarial en vigor a partir

do 1 de xaneiro de 2000

Categorías	Pesetas

Técnicos	Salario/mes
Xefe de fabricación	91.462
Xefe de taller mecánico	89.545
Administrativos	Salario/mes
Xefe de oficina e contabilidade	91.462
Oficial administrativo	82.533

Categorías	Pesetas

Auxiliar de oficina	77.748
En panaderías totalmente mecanizadas	Pesetas/día
Axudante encargado	2.592
Amasador	2.592
Axudante amasador	2.590
Especialista, fogueiro, acendedor oficial	2.592
Mecánico de 1ª	2.592
Mecánico de 2ª	2.592
Mecánico de 3ª	2.592
Peón	2.592
Nas restantes panaderías	Pesetas/día
Mestro encargado	2.736
Oficial de pa	2.736
Oficial de masa	2.663
Oficial de mesa	2.606
Axudante	2.606
Aprendiz de primeiro ano	2.223
Aprendiz de segundo ano	2.223
Dos servicios complementarios	Pesetas/día
Mordomo	2.592
Chófer	2.722
Vendedor en establecemento	2.592
Transportador de pan a despacho	2.592
Repartidor a domicilio	2.592
Persoal de limpeza	Pesetas/hora
Persoal de limpeza	375

ANEXO II

Táboa de permisos e licencias concedidos ós traballadores

Motivo da licencia	Tempo máximo	Salario	Antigüi.	Ant. xor.	Semi mec.	Compl. tras.	C. vol.	Documento acreditativo

Falecemento de pais, avós, fillos, netos, irmáns e pais políticos	4 días naturais	Si	Si	Si	Si	Non	Si	Esquela e documentos que acredite parentesco
Enfermidade grave de pais, sogros, fillos, netos, cónxuxe, irmáns e avós	3 días naturais	Si	Si	Si	Si	Non	Si	Certificado médico especificando gravidade
Falecemento de noras, xenros, cuñados e avós políticos	1 día natural	Si	Si	Si	Si	Non	Si	Esquela e documento acreditativo parentesco
Nacemento de fillo	3 días laborais	Si	Si	Si	Si	Non	Si	Libro de familia ou certificado do xulgado
Matrimonio do traballador	15 días naturais	Si	Si	Si	Si	Non	Si	Libro fam./certif. xulgado/igrexa
Matrimonio fillos/irmáns e novas nupcias de pais	1 día natural	Si	Si	Si	Si	Non	Si	Cert. xulgado/igrexa Parentesco. Invitación
Traslado de domicilio habitual	1 día laboral	Si	Si	Si	Si	Non	Si	Certificado do padrón
Enfermidade e consulta médica. Consulta a especialista SOE prescrita por médico de medicina xeral	Polo tempo neces. máximo 5 horas ó día	Si	Si	Si	Si	Non	Si	Copia volante médico SOE, xustificante asistencia a especialista
Consulta médico medicina xeral	4 h./día máximo	Si	Si	Si	Si	Non	Si	Certificado médico ou similar
Enfermidade con baixa oficial	3 prim. días	Si	Si	Si	Si	Non	Si	Parte de baixa
Accidente de traballo	Día de accid.	Si	Si	Si	Si	Si	Si	Xustificante serv. médico mutua patronal
Lactación	S/ Lei	Si	Si	Si	Si	Non	Si	Certificado de nacemento
Cargo sindical ou público	S/ Lei	Si	Si	Si	Si	Si	Si	Segundo caso
Licencia de carácter persoal	1 día ó año	Non	Non	Non	Non	Non	Non	Solicitar con tres días. Xustificar.
Chamada servicio militar obrigatorio ou voluntario	Tempo neces.	Si	Si	Si	Si	Non	Si	Xustificante incorporación a filas