A Autoridade Portuaria de Vigo, para efectos de cumpri-lo disposto na disposición adicional vixésimo terceira da Lei 27/1992, do 24 de novembro, de portos do Estado e da mariña mercante, polo artigo 75.dous da Lei 14/2000, do 29 de decembro, de medidas fiscais, administrativas e da orde social, e de acordo cos termos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, empraza os titulares de artefactos flotantes tales como bateas, mexilloeiras, viveiros flotantes ou outras instalacións destinadas a actividades de acuicultura situados nas láminas de auga integradas no dominio público portuario, a quen non se lle teña realizado notificación persoal, para formalizar diante dela solicitude do outorgamento do correspondente título administrativo habilitante da ocupación, autorización ou concesión, segundo proceda.

A solicitude deberá presentarse no prazo dun (1) mes contado desde a data de publicación do presente anuncio, considerándose en precario os que non atendan tal obriga dentro do referido prazo, para os efectos legais pertinentes.

Vigo, 27 de marzo de 2001.

Julio Pedrosa Vicente

Presidente