Eu, Juan Rey Pita, secretario do Xulgado do Social número tres da Coruña, dou fe e certifico que neste xulgado séguense autos nº 947/2000 seguidos por instancia de Monserrat García Martínez e outras contra Josefa-Pilar Rodríguez García sobre despedimento, nos que recaeu sentencia con data do 14-2-2001 que copiada nos particulares necesarios di así:

Decido: que estimando a demanda formulada por Monserrat García Martínez, Natividad Rodríguez Pose, María Sol Couceiro Santos, Mª Cristina Balsa Sánchez, Mª Nieves López Rodríguez e Isabel Bernardo Seoane, declara a improcedencia do seu despedimento e condena á empresa Josefa-Pilar Rodríguez García, a que á súa elección, que efectuará no prazo de cinco días, os readmita no seu posto e condicións de traballo ou os indemnice coa cantidade de 81.904 pesetas a Monserrat García Martínez, 62.646 pesetas a Natividad Rodríguez Pose, 81.904 pesetas a Mª Sol Couceiro Santos, 81.904 pesetas a Mª Cristina Balsa Sánchez, 42.453 pesetas a Mª Nieves López Rodríguez y 81.904 pesetas a Isabel Bernardo Seoane, con aboamento en todo caso

dos salarios deixados de percibir desde a data do despedimento ata a da notificación desta sentencia, e que ata a data ascenden á cantidade de 368.184 pesetas a Sra. García Martínez, 281.612 pesetas a Sra. Rodríguez Pose, 368.184 pesetas a Sra. Couceiro Santos, 368.184 pesetas a Sra. Balsa Sánchez, 351.992 pesetas a Sra. López Rodríguez e 368.184 pesetas a Sra. Bernardo Seoane.

Notifíquese a presente resolución as partes facéndolles saber que contra esta cabe interpoñer recurso de suplicación perante o Tribunal Superior de Xustiza de Galicia, sala do social, debendo anuncialo previamente ante este xulgado do social, no prazo de cinco días hábiles a partir do día seguinte da súa notificación.

Previndo á empresa demandada que para recorrer deberá acreditar ter ingresado na c/c de consignacións código 5604.0000.60 947-2000 de Banco Bilbao-Vizcaya desta cidade denominada Conta do Xulgado do Social número tres o importe da condena e 25.000 pesetas en concepto de depósito, sen os cales requisitos non será admitido a trámite o recurso quedando firme a sentencia.

Así mesmo advírteselle á parte demandada que se fai uso de tal dereito, optando pola readmisión, durante a substanciación do procedemento deberá aboar á parte actora o mesmo salario que percibiría, estando obrigada esta a presta-los seus servicios á demandada, a menos que a mesma prefira facer uso de tal aboamento sen percibir compensación ningunha por parte da actora.

Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo.

E para que conste, para efectos da súa publicación no Diario Oficial de Galicia co fin de que sirva de notificación en forma á empresa Josefa-Pilar Rodríguez García, expido e asino a presente na Coruña, 16 de febreiro de 2000.

O secretario xudicial

Rubricado