Galego | Castellano

DOG - Xunta de Galicia -

Diario Oficial de Galicia
DOG Núm. 60 Luns, 26 de marzo de 2001 Páx. 3.800

VI. ANUNCIOS

DA ADMINISTRACIÓN AUTONÓMICA

CONSELLERÍA DE AGRICULTURA, GANDERÍA E POLÍTICA AGROALIMENTARIA

RESOLUCIÓN do 19 de febreiro de 2001, da Dirección Xeral de Industrias e Alimentación, pola que se notifica a do 25 de xaneiro de 2001 recaída no expediente sancionador ICA-LU-27/99-F, por infracción en materia de fertilizantes, ó resultar devolta polo servicio de correos a notificación feita ó interesado.

De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícase a Concepción Rebollal López con DNI 34.196.557-L de acordo co que figura no anexo, a resolución adoptada polo conselleiro de Agricultura, Gandería e Política Agroalimentaria, do 25 de xaneiro de 2001, no expediente sancionador ICA-LU-27/1999-F, xa que intentada a notificación por correo certificado e con xustificante de recepción esta resultou devolta.

O importe da sanción farase efectivo por transferencia bancaria á conta de Caixa Galicia número 20910152203110001158, no prazo de 15 días hábiles contados a partir da firmeza da resolución. De non facelo dentro do prazo sinalado, procederase ó seu cobramento pola vía administrativa de constrinximento.

Faise saber que esta resolución é firme en vía administrativa, e contra ela poderase presentar recurso contencioso-administrativo, no prazo de dous meses, contado a partir do día seguinte ó da súa publicación no DOG, de conformidade co disposto no artigo 46 da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 19 de febreiro de 2001.

Secundino Grobas Mosquera

Director xeral de Industrias e Alimentación

ANEXO

Expediente: ICA-LU-27/1999-F.

Empresa denunciada: Concepción Rebollal López.

CIF/DNI: 34.195.557-L.

Domicilio: rúa Observatorio s/n.

Infraccións cometidas e precepto infrinxido: dispoñer dunha mercadoría intervida cautelarmente pola inspección constitúe unha infracción do artigo 5.3º do R.D. 1945/1983, do 22 de xuño, que regula as infraccións e sancións en materia de defensa do consumidor e da producción agroalimentaria. A dita infracción cualifícase como grave, segundo disposto no artigo 7.1º.2 do citado R.D. 1945/1983.

Preceptos sancionadores: o artigo 10.1º do mencionado R.D. 1945/1983 dispón que as infraccións ó artigo 7.1º.2 serán sancionadas con multa comprendida entre 100.001 e 2.500.000 ptas.

Sanción: multa de 200.000 pesetas, resultante de sanciona-la disposición da mercadoría intervida cautelarmente.

O importe da sanción farase efectivo por transferencia bancaria á conta de Caixa Galicia nº 20910152203110001158, no prazo de 15 días hábiles contados a partir da firmeza da resolución.

Faise saber que esta resolución é firme en vía administrativa e contra ela poderase presentar recurso contencioso-administrativo, no prazo de dous meses, contado a partir do día seguinte ó da súa publicación no DOG, de conformidade co disposto no artigo 46 da Lei 29/1998, do 13 de xullo, reguladora da xurisdicción contencioso-administrativa.