De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común e no Decreto 482/1997, do 30 de decembro (DOG 8-1-1998), polo que se establece a estructura orgánica da Consellería de Medio Ambiente, notifícaselles ás persoas que no anexo se mencionan que, con esta data, resolvín publica-lo acordo de iniciación do procedemento sancionador por infracción da Lei 7/1992, do 24 de xullo, de pesca fluvial de Galicia (DOG nº 151, do 5 de agosto), por non ser posible a notificación a través do servicio de correos.

Noméase instructora deste procedemento a Paloma Quiroga López, e secretaria a Marta Joaquín Tersado, funcionarias desta delegación provincial, que poden ser recusadas en calquera momento da tramitación do expediente de concorreren os supostos legais.

Os interesados disporán dun prazo de quince días (15), contados a partir do seguinte ó da publicación desta notificación, para achegaren, por escrito, cantas alegacións, documentos, informacións ou propostas de probas consideren convenientes en defensa dos seus dereitos.

Conforme o establecido no artigo 13.2º do Regulamento de procedemento para o exercicio da potestade sancionadora, do 4 de agosto de 1993, de non efectuarse alegacións no prazo anterior, este acordo de iniciación poderá ser considerado proposta de resolución, determinándose para estes efectos o importe da sanción.

O pagamento voluntario porá fin ó expediente. Para efectualo deberá emprega-los impresos normalizados que lle serán facilitados nesta delegación provincial de Lugo, sita na Ronda da Muralla, nº 70-1º planta.

O que se lles comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobada polo Real decreto 1398/1993, do 4 de agosto (BOE nº 189, do 9 de agosto).

Lugo, 9 de febreiro de 2001.

Luis González Vázquez

Delegado provincial de Lugo

ANEXO

Expediente nº: P-270/2000.

Denunciado: Fernando Barro Vázquez

(DNI 47.614.280-W).

Último enderezo coñecido: Buenestar, nº 50-7º-1. Corvella de Llobregat. Barcelona.

Feitos imputados: practica-lo deporte da pesca fluvial sen estar en posesión da preceptiva licencia, así como non respecta-las prescricións especiais dictadas pola Consellería de Medio Ambiente para determinados treitos ou masas de auga, ó estar nun tramo non autorizado para ciprínidos (encima da ponte antiga da estrada de Monforte de Lemos). Feitos constatados o día 6-9-2000, ás 12.45 h no río Miño-encoro dos Peares. Ribas de Miño. O Saviñao. Lugo.

Precepto sancionador: 34.1º, 33.9º da Lei 7/1992, de pesca fluvial en Galicia.

Cualificación da infracción: menos grave.

Sanción: 60.000 pesetas de multa.

Inhabilitación para obte-la licencia de pesca e para o exercicio desta actividade por un período dun ano.